Profet Jeremaea 41:1 - Buka Blahi Ka Cheke Holo

¹ Ka fafitu nhigra ka finogha igne, mae Ismael atha balugna nabotho mae ne tei filoni mae gavana Gedalaea Mispa. Mae Ismael igne thugna mae Netanaea, thugna mae Elisama, kaisei mae ka vike gna mae king, eghuteuna mana kaisei nogna mae biꞌo mana. Kate ghamu teu mare balugna mae Gedalaea igne,

Profet Jeremaea 41:1 ပူးပေါင်းရင်းမြစ်များ

Profet Jeremaea 40:8

Mare tei ne filoni mae Gedalaea Mispa. Nanghadi mae komanda igre: Mae Ismael, thugna mae Netanaea, mae Johanan ghe mae Jonatan, phei thugna mae Karea, nei mae Seraea thugna mae Tanumet, nei hatimare thugna mae Efae, maegna Netofa, nei mae Jasanaea, mae gna Maka, nei nodi soldia mare re.

Profet Jeremaea 40:6

Aonu mae Jeremaea tei Mispa ne au balugna mae Gedalaea, thugna mae Ahikam, farihoteidi naikno teke au faleghu teku ka nodi namono re.

Nodi Khoje Hatimare Mae Jiu 41:9

Mae kheragu thofno ba te rouronuni nei ghamu fodu teu iara balugna na, mana jaola tapla fapari ghau iara.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Profet Esikiel 17:13

Kani au teku ka kantri Juda na, king gna Babilonia igne ne hata kaisei mae ka vikegna king gna Juda neke huhuru mala eni kaisei nhaꞌa cheke balugna mana, mala tangomana phei kantri igre te au fakeli te mala theome magra na. Kate ke figri king gna Babilonia igne ka nogna kantri na, mana ne hata goro mae biꞌodi Juda re ne tei balugna.

Profet Jeremaea 36:20

Mae ofisa igre atha buka igne ka mae Baruk ne lilisei ka nogna chogho mae Elisama, mae ihei te nogna minista mae king igne. Eghuteuna mare kegra haghe ne tei filoni mae king ka vido te loku teu mana na. Eghuteuna mare ne toutonu eidi gobigna glepo igre ka mana.

Profet Jeremaea 36:12

Aonu, mana ne soru ka sugagna king na ne tei ka nogna chogho mae minista te au ka vido aheva te faidu teu hatimare nogna ofisa mae king igre. Igre nanghadi hatimare mae ofisa te gnokro ka faidu igne: Mae Elisama, nogna minista mae king, mae Delaea, thugna mae Semaea, mae Elnatan, thugna mae Akboa, mae Gemaraea, thugna mae Safan, mae Sedekaea, thugna mae Hananaea, nei keha nogna ofisa langau mae king.

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Nodi Khoje Hatimare Mae Jiu 109:5

Neuba iara ne edi glepo te keli koba ranghidi, mare edi ngala glepo te diꞌare ranghi ghau iara. Iara namhadi mare, nu mare tirodi ghau iara kolho. Naikno te diꞌa igre cheke eghu ka iara:

Fapea Kronikols 22:10

Kate laseni Kuin Atalaea, idogna King Ahasaea gna Juda te lehe thugna na, naꞌa ne funu aknu falehedi vikegna king gna Juda.

Fapea Kings 25:25

Nu mae Ismael thugna mae Netania igne mana ne kheragna king gna Juda. Ka finogha tuana, ka fafitu nhigra na, mana ne hata nabotho mae balugna ne tei Mispa. Mare ne aknu faleheni mae gavana Gedalaea. Eghuteuna mare jaola neke aknu falehe naiknodi Juda nei Babilonia teke au teku baludi mare ka namono tuana.

Fapea Kings 11:1

Kate filoni Kuin Atalaea, idogna King Ahasaea gna Juda, te lehe thugna na, naꞌa ne funu aknu falehe tharakna gna king.

Fapea Samuel 3:27

Kate posa mei mae Abna ka namono na, mae Joab hatani mana ne tei ka grengathagna namono te bara ka thina biꞌo na. Mana jateula te magnahaghei te mala cheke pouporu balugna thegna ra eghu. Mae Joab hata naflahi na ne thoghi ka thiꞌagna mae Abna na. Aonu mae Abna ne lehe soru ka vido igne. Mana neke eni igne, naugna mae Abna neke faleheni mae Asahel.

Profet Jeremaea 39:14

Mare atha fajiflani mae Jeremaea ka hatimare mae soldia te reireghini suga gna king na ne snakre laoni mana ka khamegna mae Gedalaea, thugna mae Ahikam, thugna mae Safan mala ke atha fapuloni ka namono. Aonu mare neke atha fapuloni mana ka nogna suga na, eghuteuna mana neke pulo neke au baludi naikno te au faleghu teu Juda igre.

Profet Jeremaea 40:5

Nu ame tei nga mae Jeremaea teuna, mae Nebusaradan ne cheke eghu ka mana, “Te keli na iagho jame ke figri mala au balugna mae Gedalaea, thugna mae Ahikam, thugna mae Safan. Mae king gna Babilonia neke vahini mana mala gavana ka namono te gnafa Juda igre. Iagho ginauna au balugna mana farihoteidi naikno gna namono tuana. Ba jame te theo na, iagho ginauna tei au ka namono aheva te magnahagheni iagho na.” Aonu mae funei di mae armi igne ne tufa namha ka mana, balu keha gano malagna nogna thei na, ne snakre teini.

Profet Jeremaea 40:13

Kaisei fata mae Johanan thugna mae Karea, nei keha nodi ofisa nodi mae soldia Juda igre ne mei ka mae Gedalaea Mispa.

Fapea Kings 25:22

Ka narane tuare, King Nebukadnesa ne vahini mae Gedalaea thugna mae Ahikam, thugna mae Safan mala gavana ka provins Juda. Mana ne reireghidi naikno te au fapulo teu Juda te theome tei Babilonia.

Profet Jeremaea 40:7

King gna Babilonia igne ne vahini mae Gedalaea, thugna mae Ahikam mala gavana gna Juda. Eghuteuna mana mala jaola reireghidi nalhaꞌu nei gaꞌase nei goro sua eghu te kuma fara teke theome atha teke tei mare Babilonia. Keha mae soldiadi Juda baludi hatimare nodi mae ofisa teke au faleghu teku igre ne nomhini eigna mae Gedalaea.