Profet Jeremaea 40:9 - Buka Blahi Ka Cheke Holo

⁹ Mae Gedalaea ne eni kaisei nhaꞌa cheke, ne cheke eghu ka mare, “Ghotilo thosei mhaghu te loku ranghidi maedi Babilonia igre. Au ka namono gre loku ranghini king gna Babilonia. Eghume ghotilo ginauna au fakeli ka namono igne.

Profet Jeremaea 40:9 ပူးပေါင်းရင်းမြစ်များ

Profet Jeremaea 27:11

Nu jame kaisei kantri magnahaghei te au ke parigna nogna nolaghi king gna Babilonia. Kantri igne ginauna na jateula buluka te snakreni mae khoto gna na te lisei lao vido thaba balu nhugha ka grara gna na mala loku teu ia eghu. Mae igre ginauna na loku fabrahu ranghini mana. Eghuteuna iara ginauna snakredi mae igre mala au ka nodi kantri mare igne. Mare tangomana te loku nagare nei au fakeli nodi teu ka vido igne.’ Igne cheke gna Lord.”

Fapea Kings 25:24

Mae Gedalaea ne baubahu ne cheke eghu ka mare, “Tore, ghotilo thosei mhaghudi mae biꞌodi Babilonia are. Jame lisa lao ghami themi ghotilo ke parigna nodi nolaghi mae igre, eghuteuna leghuni ghotilo king gna Babilonia gne meuna, ghotilo ginauna au fakeli nomi fabrahu ka namono igne.”

Nodi Khoje Hatimare Mae Jiu 128:2

Jame te eni fabrahu iagho igne na, ginauna nou gloku iagho re na tangomana te togho nigho te mala au fakeli na.

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Jenesis 49:15

Iagho ginauna na filoni kaisei vido te keli te mala aumu na, eghuteuna kate au teu iagho jare na, vikemu iagho re ginauna na keli tadi te mala loku jateula naikno sneka teu iagho ranghidi keha naiknore.

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Lamentations 5:9

Ghehati nabami te tei mata mala hiro gano, nu ninhigrana fara eghu, naugna mae te aknu poru re au tafri ke lamna namhata te krogha.