Profet Jeremaea 40:3 - Buka Blahi Ka Cheke Holo

³ Eghuteuna gognarona, mana la enihi glepo igne jateula teke chekeni mana na eghu. Glepo igre thoke ghami ghotilo, naugna ghotilo ne huhughuni nogna cheke Lord na, nei tapla jafra ka nakhibo.

Profet Jeremaea 40:3 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Profet Jeremaea 50:7

Kate mei mae naoka igre te thafodi nogu naikno iara igre na, mare ne thofno goigonidi fara, jateula lion te ghamu sipu teke snivi ra neu. Mae naoka igre ne cheke eghu, ‘Theome naba ghehati te papara eigna te goigonidi mare na. Naugna mare neke tapla jafra ka nakhibo ranghini Lord, mae ihei teke fablahidi mare na. Mare jateula sipu te au ka vido te au kmana buburu te keli tagna ra eghu. Uve, mare neke tapla jafra ka nakhibo ranghini Lord, mae ihei teke au nodi grouronu tagna mae kuꞌedi mare tifa ra.’

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Nehemaea 9:33

Leuleghu fata na ghehati tapla jafra ka nakhibo, eghuteuna iagho leghuni puhi te doglo na ne para ghami ghehati. Leuleghu fata na iagho leghuni nou nhaꞌa cheke na ne togho ghami ghehati. Neuba, ghehati ne theome gnafa te eni puhi te diꞌa na.

Nehemaea 9:28

Kate au ka pharikeli na, mare ke funu edi puhi te diꞌa re, eghuteuna iagho snakredi mae naokare mala uludi nei funei frunidi eghu mare. Eghuteuna leuleghu fata na mare tanhi ari ka iagho, eghuteuna iagho nomhidi mare kligna. Naugna iagho kokhoni noudi fara mare, leuleghu fata na iagho fakarhidi ka nodi nolaghi mae naoka.

Diutronomi 29:25

“Eghuteuna naiknore ginauna cheke tughu eghu, ‘Naugna mare neke theome leghuni u nhaꞌa cheke teke eni mare balugna Lord nodi God mae kuꞌedi ra, kani teke hata fajifladi ka kantri Ijep.

Profet Jeremaea 44:23

Puhi biꞌo igre ginauna thoke mei ka ghotilo eidi nakhibo te gahu insens nei tarai fabrahu teu ghotilo ka mumuju god igre. Eghuteuna ghotilo tiromi leghudi nogna cheke nei nogna vetula teu manare.”

Profet Jeremaea 11:17

Iara Lord mae ihei te au nolaghi fateote'o, iara neke nhaꞌa soru ghami ghotilo ka vido te au ghotilo igne, jateula mae ihei te joꞌu famane gaju oliv ka nogna nagare na ia neku. Nu gognarona, iara ginauna na snakre mei puhi biꞌo mala thoke ghami ghotilo. Naugna ghotilo naiknomi Israel nei naiknomi Juda teu igre leghuni fabrahu puhi te diꞌa na. Ghotilo tarai koba ka god Baal, nafnata puhi te diꞌa te eni fabrahu ghotilo igne te diꞌataguni iara ka ghotilo na.

Profet Jeremaea 22:8

“Ke leghugna igne, naiknodi keha kantri are ginauna mei salaꞌu ka namono igne. Mare na ghusna eghu, ‘Tore, naugna unha si Lord te goigoni famane namono ignea?’

Profet Jeremaea 39:16

“Jeremaea, iagho tei cheke ka mae Ebed-Melek, maegna Kus ia nonomho igne: ‘Igne unha te chekeni Lord, mae ihei te au nolaghi fateote'o nodi God mae Israel: Theome raugha nogu cheke iara eigna puhi biꞌo nate thoke mei ka namono igne ginauna thoke mei tutuani. Iagho ginauna filo tathamu thoke meidi gobigna lepo igre.

Lamentations 2:17

Tifa na Lord neke ghathonihi glepo igne mala eni neku. Uve, gognarona mana la enihi unha teke chekeni mana tifa ia. Mana la goigoni nighohi, eghuteuna mana theome kokhoni nigho iagho kolho. Mana tusu lao nolaghi biꞌo ka nogna naokare mala tangomana mare te glealeꞌa te mala ulu nigho iagho na.