Profet Jeremaea 4:9 - Buka Blahi Ka Cheke Holo

⁹ Lord ne cheke eghu, “Ka narane igne hatimare mae king baludi nogna mae funei te gnafare ginauna thofno mhaghu nodi fara. Eghuteuna nomi mae pris nei nomi mae profet teu ghotilo igre ginauna mhaghu nodi fara salaꞌui.”

Profet Jeremaea 4:9 ပူးပေါင်းရင်းမြစ်များ

Mae Khuru 13:41

“ ‘Ghotilo naikno te maꞌeni God ra, filo mala jaglo nomi. Ghotilo ginauna lehe! Naugna iara na eni kaisei nogu gloku gognaro na. Eghuteuna neuba mare ne chekeni ka ghotilo eigna igne, ghotilo ginauna na theome fatutuanidi unha te nomhidire.’ ”

Profet Jeremaea 52:7

Ka fafati nhigra ka finogha tuana, nei ka fanheva narane igne, mae soldia di Babilonia igre paꞌe soru gringni gna namono na ne ruma lamna. Neuba mae soldia igre ne kegra faligohoni namono na, king Sedekaea ne jifla Jerusalem bongiro balugna nogna tothoghei soldia na. Mare ne tei salaꞌu ka nogna nagare mae king na ne jifla farihoteidi ka grengatha farihoteidi phei gringni thinare. Mare rikha ne tei posa ka glogu biꞌo ka Khoꞌu biꞌo Jordan.

Profet Jeremaea 37:19

Nu aheva si nou mae profet iagho teke chekeni mae king gna Babilonia balu nogna armi na ginauna theome mei magra ka noda kantri tahati igne teku gnea?

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Isaia 19:16

Ka narane tuana, naiknodi Ijep ginauna mhaghu jateula gaꞌase eghu kolho. Mare ginauna mhaghuni Lord mae ihei te au nolaghi fateote'o igne, naugna mana ginauna ngafa haghe khamegna na mala paradi mare.

Profet Isaia 19:3

Gaoghathodi naiknodi Ijep re ginauna glaꞌe soru, eghuteuna iara ginauna goigoni nodi gaoghatho mare igre. Eghuteuna mare ginauna tei tarai ka nodi mumuju god mala toghodi. Mare ginauna tei filodi mae te au naitu khaekae nei iheire te au naitu nhaghe ba iheire te tangomana te cheke baludi tharungadi naikno tela lehehi ra.

Nodi Khoje Hatimare Mae Jiu 102:4

Thinigu iara na la gagaro fara la ghilei nhubragna kolho, jateula buburu tela goꞌehira eghu. Iara la ghilei tirogu imahi gognaro na.

Fapea Kings 25:4

Aonu hatimare mae soldia di Babilonia igre ne paꞌe gringni gna namono na ne ruma lamna. Neuba mae soldia gre ne kegra ligohoni neu namono na, King Sedekaea baludi nogna soldiare ne fariuriu rikha bongiro ne jifla farihoteidi phei gringni thina ke leghugna nogna nagare king na rikha ne tei ka glogu rhegna Khoꞌu biꞌo Jordan.

Profet Jeremaea 48:41

Mare ginauna uludi nomi namono nei nomi vido mala poru teu ghotilo are. Ka narane tuana nodi soldia maedi Moab are ginauna mhaghu nodi fara, jateula gaꞌase te mhaghu nogna fara kate namo karha thugna na ia eghu.

Profet Isaia 28:19

Bongi narane na puhi biꞌo igne ginauna thoke ghami ghotilo ka namono igne.” Iheire naikno te lase fakelini gaoghathogna nogna cheke Lord igne, ginauna mhaghu nodi fara.

Profet Jeremaea 2:26

Aonu Lord ne cheke eghu, “Ghotilo naiknomi Israel baludi nomi mae mala baubatura, ghotilo ginauna na mamaja nomi jateula mae ihei te blau te lolhoku mae pulis ra eghu. Tutuani, hatimare mae king nei hatimare mae biꞌo, nei hatimare mae pris, nei hatimare mae profet teu igre na jaola mamaja nodi fara.

Profet Jeremaea 25:34

Ghotilo mae funei te mala reireghidi naikno ra, ghotilo mala diꞌanagnafa nei tanhi eghu! Ghotilo mala pepele pari ke kligna nakrofu khaꞌaghi, fagaglana gna nomi diꞌanagnafa na. Naugna gognarogne nodi narane mae naoka mala mei falehe ghami ghotilo na, eghuteuna mae naoka igre ginauna goigoni fahui ghami ghotilo. Ghotilo ginauna na jateula famane suspen thina te khoko pari te phosa te thono diꞌa fara ra eghu.