Profet Jeremaea 4:8 - Buka Blahi Ka Cheke Holo

⁸ Eghume, tahati mala pipichi ka pohe thona nei tanhi fabiꞌo eghu, fagaglana eigna noda diꞌanagnafa na. Naugna Lord na diꞌatagna fabrahu ka tahati.

Profet Jeremaea 4:8 ပူးပေါင်းရင်းမြစ်များ

Profet Jeremaea 6:26

Aonu Lord ne cheke eghu, “Ghotilo nogu naikno iara ra, ghotilo pipichi ka pohe thona, eghuteuna ghotilo thuru pepele pari ke kligna nakrofu, fagaglanagna te diꞌanagnafa ghotilo na. Ghotilo tanhi fabiꞌo, jateula repa tolaghi te lehe thudi na ia eghu. Ghotilo tanhi balu diꞌanagnafa, naugna mae naoka te mala mei goigoni ghami ghotilo igre ginauna ghosei mei magri ghami ghotilo.”

Profet Isaia 22:12

Lord mae ihei te au nolaghi fateote'o igne neke cheke ranghi ghami ghotilo mala tanhi fabiꞌo. Eghume ghotilo ghoighori phaꞌumi are eghuteuna ghotilo pipichi ka pohe te thona, fagaglana gna te diꞌanagnafa fara ghotilo eidi nakhibomire.

Profet Isaia 32:11

Ghotilo goro gaꞌase te au fakeli gognaro igre ginauna mhaghu nomi nei nanga nomi eghu. Eghuteuna ghotilo ginauna koko nomi famane pohe are mala pipichi ka pohe te thona mala tanhi nei diꞌanagnafa eghu.

Profet Isaia 10:4

Phei puhi kolho te au teu malami ghotilo na. Ghotilo ginauna lehe ka magra igne, ba mae naoka gre ginauna hata ghami ghotilo tei au ka vido te khaba fara. Nu neuba Lord ne paradi, mana theome gnafa te diꞌatagna ka mare na. Eghuteuna mana tarabana mala paradi mare.

Profet Isaia 5:25

Ghotilo nogna naikno Lord, nu naugna ghotilo ne eni igne ne diꞌatagna fara mana. Mana ginauna falehe ghami ghotilo, naugna mana ne diꞌatagna fara ka ghotilo. Mana ginauna edi thogele igre mala nghali tongana, eghuteuna kmana naikno ginauna lehe, eghuteuna thinidi naikno te lehe igre ginauna na jateula chara eghu thuru tafri ka glalaba, ba leghu nabrou jateula chara eghu. Nu neuba Lord neke paradi, mana diꞌatagna fabrahu ka mare. Eghuteuna mana ginauna tarabana mala ke paradi ngala mare.

Profet Emos 8:10

Nomi narane gaghamu ghotilore, iara ginauna nake figri ka narane mala giugilu naikno te lehe. Eghuteuna nomi khoje glealeꞌa ghotilore ginauna nake figri diꞌanagnafa nei tanhi eghu. Iara ginauna ghoighori phaꞌumi ghotilore, mala pipichi ghotilo ka pohe te thona, fagaglagna te diꞌanagnafa ghotilo jateula repa tolaghi te diꞌanagnafa kate lehe thudi naia eghu. Ka narane tuana, puhi biꞌo ginauna thoke ghami ghotilo!”

Profet Esikiel 30:2

“Maegna ka nauthoglu. Iagho cheke ka naiknodi Ijep unha te chekeni iara igne: “ ‘Tanhi fabiꞌo ghotilo naiknomi Ijep! Ghotilo tanhi eghu, ‘Narane na la mei te thofno diꞌa fara na!’

Profet Esikiel 21:12

Maegna ka nauthoglu, iagho mala diꞌanagnafa nei tanhi fabiꞌo eghu. Naflahi igne mala magra ka nogu naikno iara re, eghuteuna ka mae biꞌomi ghotilo re eghu. Uve, mare te gnafa na ginauna lehe ka magra. Eghume iagho fakakhana te diꞌanagnafa fara iagho na.

Profet Jeremaea 48:20

Aonu mare na cheke eghu, ‘Tore, Moab gne la groꞌehi! Tahati gne mamaja noda fara! Tahati mala diꞌanagnafa nei tanhi fabiꞌo eghu kolho! Tahati na ari ka khoꞌu biꞌo Anon mala toutonu ka mare eigna Moab tela groꞌehi ka mae naoka igne!’

Profet Jeremaea 30:24

Diꞌa tagna Lord igne ginauna theome gnafa ghilei thoke mei narane te magnahagheni mana te mala gnafadi gobigna lepore. Ka narane leghu lahu na ghotilo naikno ra ginauna lase fakelini glepo igne.

Profet Isaia 13:6

“Ghotilo tanhi! Naugna nogna Narane Biꞌo Lord te mala fatedi naiknore la namo meihi. Ka narane igne, mae ihei te au nolaghi fateote'o igne ginauna mei roꞌedi gobigna lepo fateote'o re.

Profet Isaia 9:21

Vikegna mae Manase igre ginauna magra ka vikegna mae Efrem, eghuteuna vikegna mae Efrem igre ginauna magra ka vikegna mae Manase igre. Eghuteuna phei vike igre ginauna loku fodu mala magra ka vikegna mae Juda. Nu neuba Lord ne paradi, mana theome gnafa te diꞌatagna ka mare na. Eghuteuna Lord ginauna tarabana mala paradi naikno igre.

Profet Isaia 9:17

Eghume, Lord na theome kelitagna ka nogna naikno majaghani igre, eghuteuna mana theome kokhonidi naikno biꞌo teke lehehi khetodi nei goro sua glehe kokoi, naugna mare te gnafa na kafe tirodini Mana. Mare theome gnafa te eni puhi te diꞌa na. Eghuteuna leuleghu fata na mare cheke chaichaghi koba. Nu neuba Lord ne paradi, mana theome gnafa te diꞌatagna ka mare na. Eghuteuna mana ginauna tarabana mala paradi naikno igre.

Profet Isaia 9:12

Lord neke kuru meini armi gna Siria ke maghati nei armi gna Filistia ke mosu mala mei goigonidi naiknodi Israel. Nu neuba Lord ne paradi, mana theome gnafa te diꞌatagna ka mare na. Eghuteuna mana ginauna tarabana mala paradi naikno igre.

Nodi Khoje Hatimare Mae Jiu 78:49

Mana neke thono diꞌatagna fara, aonu mana neke eꞌei puhi biꞌo mala thokedi mare. Diꞌatagna mana na jateula bukrei engel neu ne soru mei mala au papara mare.

Naba 25:4

Aonu Lord ne cheke eghu ka mae Moses, “Iagho na kilodi mae biꞌo te gnafa Israel igre nei falehedi mare eghu, eghuteuna fagefe haghe kligna thinidi mare re ke ulugna Suga Thapuale te blahi ana mala filo naiknore. Eni tuana mala nu theome diꞌatagu iara ka ghotilo eghu.”

Lamentations 1:12

“Ghotilo te salaꞌu ka iara ra, papara biꞌo te thoke ghau iara igne glepo theo nafugna kolho ka ghotilo? Ka narane te diꞌatagna Lord na, iara para ghau fara. Theo kaisei papara te jateula te para ghau iara igne teuna!

Profet Joel 1:13

Ghotilo mae pris te mala fafara ke kligna olta ra, ghotilo pipichi ka pohe te thona, fagaglanagna te diꞌanagnafa ghotilo na. Ghotilo tei tanhi ghilei rane ka Sugablahi gno, naugna gognaro na theo kaisei gano, ba waen te mala fafara ka noda God na.

Profet Jeremaea 25:34

Ghotilo mae funei te mala reireghidi naikno ra, ghotilo mala diꞌanagnafa nei tanhi eghu! Ghotilo mala pepele pari ke kligna nakrofu khaꞌaghi, fagaglana gna nomi diꞌanagnafa na. Naugna gognarogne nodi narane mae naoka mala mei falehe ghami ghotilo na, eghuteuna mae naoka igre ginauna goigoni fahui ghami ghotilo. Ghotilo ginauna na jateula famane suspen thina te khoko pari te phosa te thono diꞌa fara ra eghu.

Profet Maeka 1:16

Naiknomi Juda! Ghotilo mala kuchi khaklami are fagaglana gna te diꞌanagnafa nei tanhi teu ghotilo na. Ghotilo mala kuchi koko khakla re mala klaja, naugna noda naoka tahati re ginauna mei huhurudi goro sua ke namhadi fara tahati gre mala tei au ka nodi namono re.