Profet Jeremaea 4:5 - Buka Blahi Ka Cheke Holo

⁵ Lord ne cheke ka mae profet Jeremaea mala cheke eghu ranghidi naiknodi Juda nei Jerusalem, “Ghotilo tei kufli ka vido te gnafa ka kantri igne mala nomhini naiknore! Eghuteuna tahati te gnafa na ginauna kafe rikha tei poru ka namono te bara te lithui ka thina biꞌo.

Profet Jeremaea 4:5 ပူးပေါင်းရင်းမြစ်များ

Profet Jeremaea 8:14

Nogna naikno God te au Juda igre ginauna cheke eghu, “Naugna unha site fiti gnokro teu kolho tahati gnea? Mei ghotilo, mala rikha tei tahati ka namono te bara te lithui mare ka thina are mala lehe jare. Noda Lord God la fate ghitahi te mala lehe tahati na. Mana jateula te famei pophoji raha te mala koꞌu tahati ra eghu, naugna tahati ne tapla jafra ka nakhibo.

Profet Jeremaea 6:1

Lord ne cheke eghu, “Ghotilo vikegna mae Benjamin ra, ghotilo jifla Jerusalem rikha tei poru! Ghotilo te au ka namono Tekoa mala kufli. Ghotilo te au ka namono biꞌo Bet-Hakerem, ghotilo ifu khaꞌaghi ka thogele ke leghu namono biꞌo, mala laseni naiknore tela meihi mae naokare. Puhi biꞌo igne na jifla mei ke raru mala mei goigoni ghami ghotilo.

Josua 10:20

Aonu mae Josua baludi maedi Israel igre ne ngolhi leghudi mae naokare ne tei aknu falehedi. Nu keha ghu kolho te rikha te tei poru ke lamna namono.

Profet Hosia 8:1

Lord ne cheke eghu, “Ghotilo mae sekiuriti ra ifu nomi khufli ra mala nomhini dofrau naiknore. Naoka na ginau soru mei jateula kaisei gaghata eghu mala mei hata nogu kantri iara igne. Naugna nogu naikno iara igre theome leghuni nogu nhaꞌa cheke teke eni iara ka mare tifa ia, nei tirodi nomhini chekegu iara na.

Profet Emos 3:8

Kate eha fabiꞌo lion na, mae te nomhini igne ginauna mhaghu nogna fara. Eghuteuna kate cheke fabiꞌo Lord na, mae te nomhi chekegna mana igne ginauna cheke fajiflani chekegna mana na.

Profet Emos 3:6

Jame te kufli kate posa mei magra ka namono na, ba, naiknore na theome mhaghu? Jame kaisei namono thoke mei tagna kaisei hoholo biꞌo, unha eghu te ghathoni ghotilo na? Lord neke theome kuru meini hoholo igne? Uve, cheke igre thofno tutuani fara!

Profet Jeremaea 35:11

Nu kate mei King Nebukadnesa gna Babilonia balu nogna armi te magra ke lamnagna kantri igne, ghehati rikhadi mare ne mei poru agne Jerusalem. Naugna igne te mei au teu ghehati ka namono igne.”

Profet Jeremaea 11:2

“Jeremaea, iagho tei ka naikno te au ka namono Juda nei Jerusalem. Iagho cheke eghu ka mare, ‘Ghotilo fanomho mei ka cheke te au ke lamnagna nhaꞌa cheke teke eni iara balumi ghotilo igne!’

Profet Jeremaea 9:12

Aonu, mae Jeremaea ne cheke eghu, “Naugna unha site groꞌe namono ignea? Naugna unha site krogha te theo kaisei naikno te au ka namono ignea? Ba, ihei gne te laseni gaoghathogna glepo igne? Ba, Lord neke rurutha ranghini ihei gaoghathogna glepo igne?”

Profet Jeremaea 5:20

“Lord ne cheke eghu ka mae Jeremaea, Jeremaea, iagho tei toutonuni nonomho igne ka vikegna mae Jekop te au ka kantri Juda.

Naba 10:3

Eghuteuna kate ifu fodu mare phei nifu igre na, gaoghathogna na ghotilo naikno ra mala mei khapru ka grengatha gna suga thapuale gne.

Profet Esikiel 7:14

“ ‘Mare kufli, mala kaikaliti tei ka magra. Nu theo kaisei naikno kolho nate tei ka magra na, naugna iara diꞌatagu fara ka mare eghuteuna iara ginauna paradi mare hui.

Profet Joel 2:1

Nogna Narane Lord te mala fatedi naiknore la namohi gognarona. Eghume, ghotilo kufli nei belo eghu ke kligna Thogele blahi Saion mala kulu laseni naiknore. Eghuteuna naikno te au ka kantri Juda igre ginauna mhaghu nei fififri eghu ka narane igne.

Naba 10:2

“Ghotilo ginauna eni phei nifu ka silva te tutu te maku mare are. Leghu fata na ghotilo ginauna atha phei nifu igre te mala kilo meidi naiknore, nei mala fagaglana kate kaikaliti ghotilo te mala tei ka keha vido re.

Profet Isaia 28:19

Bongi narane na puhi biꞌo igne ginauna thoke ghami ghotilo ka namono igne.” Iheire naikno te lase fakelini gaoghathogna nogna cheke Lord igne, ginauna mhaghu nodi fara.