Profet Jeremaea 4:30 - Buka Blahi Ka Cheke Holo

³⁰ Jerusalem, kate groꞌe na, unha nate eni iagho ginauna? Iagho pipichi ka pohe ukru nei lalaoni ka glepo teke hohoro ka gol. Eghuteuna peda fakeli tathamu na. Nafnata glalaoni igre theome mala togho ghami ghotilo. Naugna mae kherami fofodu ghotilora tirodi ghamihi ghotilo, eghuteuna gognarona mare magnahaghei fara te falehe ghami ghotilo na.

Profet Jeremaea 4:30 ပူးပေါင်းရင်းမြစ်များ

Fapea Kings 9:30

Mae Jehu ne tei thoke Jesrel. Eghuteuna kate nomhini Kuin Jesebel nonomho igne, naꞌa ne lalaoni phei tathagna re, eghuteuna pore fakeli khaklagna re. Aonu naꞌa kegra ka wida gna nogna suga na ne filo soru ka nabrou biꞌo na.

Lamentations 1:19

“Iara kilo meidi kheragure, nu mare tirodi ghau iara. Nogu mae pris nei mae funei teu iara re, mare tei hiro gano ka nabrougna namono na, nu mare theome tangomana te thafoni kaisei gano, eghuteuna gognarona mare lehe ka grofo kolho.

Lamentations 1:2

Ka bongi thongana igne naꞌa tanhi ghilei hamerane, eghuteuna kholodi thatagna re oro soru ka foflogna nei tathagna re. Tifa na naꞌa jateula gaꞌase te au kmana khetogna ra neku. Gognarona, mare tirodini naꞌa. Kheragna re tirodini naꞌa, kela nogna naoka naꞌa.

Profet Isaia 10:3

Unha nate eni ghotilo kate mei Lord te roꞌe ghami na? Kate mei funudi ka kantri delei nomi naoka ghotilo re te magra ka ghotilo na, aheva nate tei poru ghotilo na? Ihei gne nate tei hironi ghotilo te mala mei togho ghami na? Aheva nate tei titifuni ghotilo nomi sileni re?

Profet Esikiel 28:13

Iagho neke au ka famane namono Iden neke lalaoni ka famane thina ukru te kiloni odem, nei thina te rija te kiloi piteda, nei thina vegha te kiloi iahalom, nei thina rija te kiloi tasis, nei thina ukru te kiloi soham, nei thina kakarha te kiloi iasefe, nei thina pipito te kiloi sapia, nei thina kakarha te kiloi nofek, nei thina kakarha te kiloi bareket. Famane thina te gnafa igre siasigla faligoho nigho iagho. Iagho jaola fahaghe glepo teke horo mare ka gol mala famane iagho fifilomu na. Ka narane tuana iara neke vuavuha nigho iagho, iara jaola neke horo glepo igre mala nou iagho.

Profet Jeremaea 13:21

Ghotilo neke au nomi gaoghatho nheta te mala loku fodu baludi keha kantri are. Nu unha eghu gaoghathomi ghotilo gognarona kate snakredi Lord naoka re te mei ulu ghami nei funei fruni ghami teu mare igre? Uve, puhi biꞌo fara ginauna mei thoke ghami ghotilo, eghuteuna ghotilo ginauna kabru ghemi fara jateula thau te fakarha sua te kabru ghegna fara ra eghu.

Profet Isaia 20:6

Ka narane tuana, naikno te au ka grathagna Filistia igre ginauna cheke eghu, ‘Ghotilo filo kolho ka Ijep ghe Kus te mala togho ghita na, eghuteuna tahati tangomana te chari te tei ka mare te mala fakarhi ghita ka nogna armi king gna Asiria, nu mare la uludihi Ijep ghe Kus. Eghume tahati theo kaisei noda nabrou te mala rikhani armi gna Asiria igne.’ ”

Thakle 17:13

Nabotho king igre kafe loku mala tusu lao nodi nolaghi nei nodi nafnakno na ka bosu igne.

Thakle 17:4

Pohe te pipichi gaꞌase na pipito nei ukru jateula nogna pohe gaꞌase te funei frunidi naiknora eghu. Eghuteuna naꞌa jaola fahaghe glepo te gol nei famane thina nei buli te siasigla. Ka khamegna na naꞌa louloku kaisei kapu teke hohoro ka gol te fodu ka glepo te diꞌa te thona fara. Eghuteuna glepo igre, puhi chara teke edi naꞌa ka naiknore.

Thakle 17:2

Hatimare mae king te gnafa ka nauthoglu igne mare la enihi puhi te diꞌa na ka naꞌa. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌa na.”

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Profet Esikiel 28:9

Jame te kegra iagho ke uludi mae iheire nate falehe nighore, iagho ginauna tangomana nate chekeni te iagho kaisei god na? Ghema, iagho naikno kolho, iagho theome kaisei god.

Lamentations 4:17

Tahati jaola toetoe fakelini ihei nate mei togho ghita na. Jateula mae te toetoe teu ke kligna thoa ra eghu, tahati ofoni kantri te fofodu ka tahati na mala mei eghu, nu kantri igne theome tangomana kolho te totogho na.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Proveb 6:25

Neuba gaꞌase igne ne famane fara thinigna na, iagho thosei lehe nou ka naꞌa. Neubane kaflo gehe naꞌa ka iagho, iagho thosei snakreni naꞌa mala ulu nigho.

Proveb 7:10

Gaꞌase igne lalaoni jateula thau vine eghu. Naꞌa jifla mei ne thafoni mana ne cheke famaemaheni mana.

Profet Jeremaea 22:23

Gognarona ghotilo au fakeli nomi ka famane suga te keli teke horo ka gaju sida gna Lebanon. Nu puhi biꞌo ginauna thoke ghami ghotilo. Eghuteuna ghotilo ginauna kabru ghemi tanhi fabiꞌo jateula gaꞌase te kabru kate fakarha sua ra eghu.”

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Profet Obadaea 1:7

Eghuteuna keha kantri teke nhaꞌa cheke ghotilo baludi mala togho ghami teku ra ginauna chaichaghi ghami kolho. Mare ginauna gigi ghami ghotilo mala jifla kokoni ghotilo nomi kantri igne. Kantri te loku fodu ghotilo tagna gognaro igne ginauna nake figri ke magra ka ghotilo. Eghuteuna ne kherami keli teu ghotilo te ima fodu baludi igre ginauna fakhale ghami ghotilo ka phighoro, eghuteuna ghotilo ginauna theome tangomana nate rikha na. Eghuteuna mae naoka gre ginauna na cheke eghu, ‘Filo si ghotilo, maedi Idom igre theo kaisei nodi glalase te keli.’