Profet Jeremaea 4:16 - Buka Blahi Ka Cheke Holo

¹⁶ Lord ne cheke eghu, “Ghotilo cheke ranghidi naiknodi keha kantri are nei jaola ranghini Jerusalem nafnata nonomho te diꞌa igne. Gognarona mae naoka igre na mei funudi ka kantri te khaba mala magra ka ghotilo. Mae igre ginauna na eha fabiꞌo kate mei snura ka namono te gnafa igre Juda.

Profet Jeremaea 4:16 ပူးပေါင်းရင်းမြစ်များ

Profet Esikiel 21:22

Aonu mana korho fajifla jata na fei khame nhetagna aheva te ghodini Jerusalem. Jata igne cheke ranghini mana mala tarabana thaba biꞌo mala paꞌe soru gringni thina nei grengathagna teu namono igne, eghuteuna mana ehadi nogna mae soldia re eigna narane mala magra. Jata igne jaola cheke ranghini mana mala pulei mei thina nei glose eghu ka pesigna gringni thina gna namono Jerusalem, mala bligi mare te apla te tei lamna te mala hata namono igne, eghuteuna pulei mei glose falithuini namono igne mala poru ke leghudi mala fada falehedi naiknore.

Profet Jeremaea 5:15

Iara Lord, iara na cheke ranghi ghami ghotilo naiknomi Israel. Iara ginauna atha mei naiknodi keha kantri delei are mala magra ka ghotilo. Naikno igre neke au funu tifa ka nomi kantri ghotilo igne, nu ghotilo neke theome nomhini nodi cheke mare na.

Profet Isaia 39:3

Profet Isaia mei ka King Hesekaea ne ghusna eghu ka mana, “King, mae igre neke mei funudi aheva, eghuteuna unha te chekeni mare ka iagho na?” King ne cheke eghu, “Mare mei funudi ka kantri te khaba fara, funudi Babilonia.”

Profet Jeremaea 50:2

“Tei toutonu cheke igne ka kantri heva te heva ka nauthoglu igne! Thosei cheke pouporu! Ghotilo tei famane toutonu fakeli! Ghotilo rafe haghe flagi mala filoni naiknore mala mei fanomho fakeli ka thoutonu te cheke eghu igne, ‘Namono biꞌo Babilon na la groꞌehi! Nogna nolaghi nodi god biꞌo mare Merodak igne la khokohi pari la mamaja nogna fara. Uve, nodi nolaghi nogna mumuju naꞌa igre la gnafahi, eghuteuna mamaja kolho te thokeni naꞌa na.’

Profet Jeremaea 39:1

Fabotho nhigra ka fanheva finogha te king mae Sedekaea Juda igne, king Nebukadnesa gna Babilonia igne ne atha nogna armi na ne kegra faligohoni Jerusalem.

Profet Jeremaea 31:10

“Ghotilo te gnafa ka kantri te gnafa ra, fanomho mei ka nogu cheke iara Lord! Ghotilo tei toutonuni nogu cheke iara igne ka naikno te au khaba ka ghotilo ra! Ghotilo tei cheke eghu, ‘Lord neke brue fajifladi naiknodi Israel neke tei tafri, nu mana ginauna nake atha fapulodi. Mana ginauna hirodi, jateula mae greireghi sipu te hirodi nogna sipu ra eghu.’

Profet Jeremaea 16:6

Neubane mae dedei ba mae te kuma, mare ginauna lehe ka kantri igne. Ginauna na theo kaisei naikno nate kokhonidi, tanhidi nei giugiluidi teure. Eghuteuna ginauna na theo kaisei naikno nate vahe thinigna thegna na, ba nate ghoighori phaꞌugna thegna na, fagaglanagna nogna diꞌanagnafa na.

Profet Jeremaea 6:18

Aonu Lord ne cheke eghu, “Ghotilo naikno ka keha kantri ra fanomho mei. Iara ginauna na chekedi unha nate thokedi nogu naikno iara igre.

Profet Jeremaea 5:6

Naugna igne, Lord ginauna paradi mae igre. Mana ginauna na jateula kaisei lion te jifla mei funu mata ra eghu mei falehedi mare. Eghuteuna kaisei khuma mata ginauna mei funu ka namono nagou mala mei goigonidi mare. Kaisei khurau biꞌo ginauna ofou rhedi namono biꞌo igre malagna ihei te jifla mei ka namono tuana mala kina sasakani theo tokagna. Uve, Lord ginauna paradi mare, naugna nakhibodire kmana fara, eghuteuna kmana fata mare tei kokoni Lord.

Profet Jeremaea 4:17

Mare ginauna mei kegra faligohoni namono biꞌo Jerusalem jateula kaisei mae te reireghi nagare te bara te ligoho ra eghu. Nu mare na eni igne, naugna ghotilo naiknomi Jerusalem nei Juda teu igre ne figri tagru ghau iara.

Profet Jeremaea 2:15

Mae naoka igre jateula lion te rofo te ku'e fabiꞌora eghu. Mare goigonidi nei faghamu khaꞌaghidi eghu nomi namono ghotilo igre la theo kaisei naikno te au tadire. Eghuteuna mare jaola goigonidi fara nomi vido glose ghotilo igre.

Profet Isaia 34:1

Ghotilo naikno te gnafa te au ka keha kantri ra! Ghotilo mei fanomho fakeli! Uve, naikno te gnafa, nei gobigna lepo te gnafa teu ka nauthoglu igne ra kafe fanomho mei.

Profet Jeremaea 1:15

Naugna iara gognarona kilo meidi hatimare mae king baludi naikno te gnafa te au ka kantri ke raru. “Hatimare mae king igre ginauna mei lisei soru nodi sape nafnaknore ke uludi grengatha te gnafa ka gringni gna namono biꞌo Jerusalem. Aonu mare ginauna na jaola mei kegra faligohoni namono igne. Eghuteuna mare ginauna eni kaisei nafnata puhi te diꞌa fara ka keha namono igre Juda.

Profet Jeremaea 8:19

Iara nomhidi nogu naiknore la tanhi eghu fabiꞌo, ‘Jame Lord na theome king ka Thogele Saion. Naugna unha si mana te theome togho ghita tahati gnea?’ ” Nu Lord ne cheke eghu, “Naugna unha si ghotilo nogu naikno iara gre te pogho soru te tarai ka nodi god keha kantri delei igrea? “Iara diꞌatagu fara ka nafnata puhi te pogho soru te tarai ghotilo ka god nate theome togho ghami ghotilo igre.”

Profet Jeremaea 6:19

Ghotilo naikno te gnafa ka nauthoglu ignera, famane fanomho mei! Kaisei puhi biꞌo ginauna thokedi nogu naikno iara igre, naugna mare ne leghuni fabrahu puhi te diꞌa na. Mare theome fanomho ka nogu cheke iara re, nei tirodi leghudi nogu vetula iara re.

Profet Jeremaea 6:22

Lord ne cheke eghu, “Filo ghotilo ia, kaisei armi biꞌo ginauna jifla mei funugna kate khaba ke raru! Nu gognarona mare tarabanahi nodi glepo mala magrare.

Profet Jeremaea 6:23

Mae igre theome kokhoni ni ihei, nu mare magnahagheini fara te goigonini ihei. Mare atha phaloho nei goru. Kate chari te mei na, naogladi nodi hosere mae igre ginauna mei jateula naogla galo te poha ka khalaꞌera eghu. Jerusalem! Gognarona mare tarabana mala magra ka ghotilo.”