Profet Jeremaea 4:1 - Buka Blahi Ka Cheke Holo

¹ Lord ne cheke eghu, “Ghotilo naiknomi Israel. Jame magnahaghei mala ke pulo mei mala teke leghu ghau iara teuna, ghotilo koko mumuju god te ghatho tahudi ghotilo are.

Profet Jeremaea 4:1 ပူးပေါင်းရင်းမြစ်များ

Profet Joel 2:12

Neuba, Lord ne cheke eghu, “Ghotilo naiknomi Israel. Neuba puhi biꞌo igre ne thoke ghami ghotilo, iara magnahaghei ghami ghotilo te figri tagrudi nakhibomi are mala ke pulo mei ka iara. Ghotilo falalase puhi igne ka puhi dangna, diꞌanagnafa nei tanhi.”

Profet Jeremaea 3:22

Lord ne cheke eghu, “Ghotilo naikno te maku jateula thina teu phaꞌumire igre, ghotilo ke pulo mei ka iara! Eghuteuna iara ginauna na fadoglidi puhimi ghotilore mala ke au fakeli balugu iara.” Eghuteuna naiknore ne cheke eghu, “Uve, ghehati gognarona nake pulo mei ka iagho, naugna iagho Lord, nomi God ghehati!

Profet Esikiel 43:9

Naiknore mala koko puhi te diꞌa te leghudi nodi god te diꞌa hatimare mae king nei mumuju te theo karha tadi igre eghu. Jame eni mare igne meuna, iara ginauna au baludi tifa tifa.

Profet Jeremaea 25:5

Filo si ghotilo! Mare cheke eghu koba ka ghotilo, “Ghotilo te gnafa na mala tughu nakarha nei koko puhi te diꞌa te edi ghotilo are eghu. Jame te koko ghotilo puhi te diꞌa te edi ghotilo tuare meuna, ghotilo ginauna au fabrahu ka glose teke tusu ari iara ka mae kuꞌemi ghotilo tifa ra.

Profet Jeremaea 3:12

Eghume ghema Jeremaea, iagho atha nogu cheke iara igne mala tei cheke eghu ranghidi, “Israel, iagho jateula gaꞌase te huhughuni puhigna tholaghi na ia eghu tirou fara teke pulo mei ka iara na. Iara kokhoni ghami ghotilo, nu iara ginauna nake theome diꞌatagu fabrahu ka ghotilo.

Profet Jeremaea 3:1

Lord ne cheke eghu, “Jame kaisei mae koko khetogna na, eghuteuna gaꞌase te koko mana igne ke tei tolaghi ka keha mae delei ngau. Ba, mae igne na faꞌunha? Mae igne tangomana na teke atha fapulo gaꞌase igne? Theo, naugna jame te eghu na, mana ginauna goigoni glose igne ka tathagu iara na. Nu ghotilo te tei koko ghau iara igne, ghotilo jateula gaꞌase vine te tei eni puhi te diꞌa na ka keha maei ra eghu. Eghume faꞌunha eghu jame teke pulo mei ghotilo ka iara na?

Jenesis 35:2

Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Profet Hosia 14:1

Ghotilo maemi Israel, ghotilo ke figri ka Lord nomi God, naugna nakhibo te edi ghotilo are fapari ghami ghotilo.

Profet Hosia 2:2

God ne cheke naba eghu ka naiknore, “Ghotilo thugu iara. Ghotilo cheke faheta ka idomi na, naꞌa gognarona theome khetogu iara, eghuteuna iara theome khetogna naꞌa. Nu ghotilo na cheke faheta ka naꞌa mala lilisei naꞌa puhi te jateula thau vine teu te theome leghuni puhigna tholaghi na igne.

Fapea Kronikols 33:8

Eghuteuna jame te leghudi ghotilo nogu cheke iara gre, nei tajidi vetula teke tusu lao mae Moses ka kuꞌemi ghotilo tifa ra teuna. Iara ginauna theome snakredi keha naiknore mala khi fajifla ghami ghotilo ka kantri teke tusu lao iara ka kuꞌemi ghotilo ra.”

Fapea Kronikols 15:8

Kate nomhini King Asa nogna cheke Lord te chekedi mae Asaraea thugna mae Obed igre, mana ne kelitagna fara naugna cheke igre ne tako hagheni gaoghathogna mana na mala kegra heta. Aonu mana ne roꞌe soru mumuju god di Juda nei Benjamin, nei ka namono te au ka rijon ka thogele Efrem aheva teke uludi mare ka magra. Eghuteuna mana neke horo fapulo olta te au ke ulugna nogna Sugablahi Lord na igne.

Fapea Kings 23:24

King Josia ne khi teidi iheire te loku ka khaekae, ba iheire te facheke ka naitu. Eghuteuna mana jaola hata koko mumuju te tathaji teu naiknore ka sugadi re, nei keha glepo te diꞌa te au Juda nei Jerusalem. Mana neke eni igne mala horoghoto ka Vetula teke risoni ka Buka teke filoni mae pris biꞌo Hilkaea ka nogna Sugablahi Lord na.

Fapea Kings 23:13

King Josia jaola ne goigoni kmana vido blahi ke maghati Jerusalem. Tifa na King Solomon neke horo olta igre ke mata Thogele Glepo Diꞌa. Vido blahi igre mala pogho soru ka god Astarot, nodi god gaꞌase maedi Saedon, Kemos nodi god maedi Moab, Milkom nodi god maedi Amon.

Ululahu Samuel 7:3

Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Profet Hosia 7:16

Ka narane te au ka hoholo na, mare tirodi mei ka iara mae ihei te au nolaghi te mala toghodi na. Thono theo fara. Mare tei tore thotogho ka unha te theo kaisei nanheta tadire. Mare jateula phaloho te blogho te theome naba te mala fada gano ra eghu. Naugna nodi mae mala baubature cheke fahaehaghe eigna nodi nanheta na, eghuteuna mare ginauna lehe ka magra, eghuteuna naiknodi Ijep ginauna maꞌedi kolho mare.”

Profet Esikiel 18:13

Mana tufa sileni koba ka keha mae na mala hata sileni biꞌo. Ba, mae igne ginauna au ka karha? Theo! Mana ginauna mala lehe! Mana edi koba glepo te diꞌa re, eghume mana ginauna mala lehe kolho. Nu najrafagna thegna igre kolho nate faleheni mana na.

Profet Esikiel 11:18

“Kate ke pulo mare ka kantri igne na, mare ginauna koko gnafa mumuju te diꞌa re.

Profet Jeremaea 36:3

Jame te fanomho maedi Juda igre ka nogu cheke iara igre te tughu nagnafa mare eidi puhi te diꞌa te edi mare igre na, iara ginauna atha fadelei puhi biꞌo teke ghathoni iara mala thokedi mare teku igne. Eghume iara ginauna jaola hata fadelei nakhibodi mare igre.”

Profet Jeremaea 35:15

Kmana fata iara kuru mei nogu mae gloku, hatimare mae profet. Mare mei toutonu koba ka ghotilo nogu cheke iara na. Mare cheke eghu koba ka ghotilo, “Ghotilo te gnafa na mala koko puhimi te diꞌare mala leghuni puhi te doglo na. Ghotilo thosei leghudi nei tarai eghu ka keha god are. Jame te eghu ghotilo na, ghotilo ginauna na au fakeli ka glose teke tusu lao iara ka mae kuꞌemi ghotilo tifa ra.” Nu leuleghu fata na ghotilo tiromi fanomho ka nogu cheke iara igre, nei tiromi leghu ghau iara.

Profet Jeremaea 24:9

Iara ginauna na neneidi fara mare, eghuteuna naiknodi keha kantri ka nauthoglu igne ginauna rhana nodi fara ka mare. Iara ginauna khi tafridi, eghuteuna aheva te au mare na, naikno te au ka vido tuana ginauna maꞌedi, cheke fadiꞌadi nei tibridi eghu mala thoke mei puhi biꞌo ka mare.

Profet Jeremaea 15:4

Eghuteuna kate ghathoni igne na, naiknogna nauthoglu igne ginauna mhaghu nodi fara. Iara ginauna edi glepo igre mala thokedi mare eidi puhi te diꞌa teke edi mae king Manase thugna mae King Hesekaea Jerusalem kani teke king mana Juda tifa ia.” Igne chekegna Lord.

Profet Jeremaea 3:14

“Iara Lord te chekeni igne. Ghotilo naikno teke tei koko ghau iara ra, ghotilo mala ke figri mei ka iara, mae ihei te jateula khetomi teu ghotilo igne. Ka namono biꞌo te gnafa igre iara ginauna na atha fadelei kaisei mae ka kaisei namono biꞌo, eghuteuna ka vikemi ghotilore, iara ginauna na atha fajifla phei mae mala ke pulo ka Thogele Saion.

Profet Isaia 31:6

Ghotilo maemi Israel! Ghotilo ke pulo ka nomi God, mae ihei teke tei kokoni ghotilo ia.

Josua 24:14

Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.

Diutronomi 27:15

“ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Diutronomi 4:30

Jame te thoke mei puhi biꞌo ka ghotilo te au papara fara ghotilo ka glepo igre na, ghotilo ginauna nake figri ka Lord nomi God mala ke leghuni mana.

Profet Jeremaea 7:3

Lord mae ihei te au nolaghi fateote'o nei noda God tahati maeda Israel, mana ne cheke eghu, “Ghotilo tughu puhimi te diꞌare mala ke edi kolho glepo te doglore, eghuteuna iara ginauna na snakre ghami ghotilo mala au fabrahu ka namono igne.

Profet Jeremaea 7:5

Ghotilo tughu puhimi te diꞌare, eghuteuna ghotilo mala edi kolho glepo te kelire ranghi ghami ghotilo hui.

Profet Jeremaea 7:7

Jame nomhidi ghotilo nogu cheke iara igre me tughu puhimi te diꞌare meuna, iara ginauna snakre ghami ghotilo mala au fabrahu ka namono teke tusu ari iara ka mae kuꞌemi ghotilo tifara.

Profet Jeremaea 15:19

Aonu Lord ne cheke eghu ka iara, “Nou cheke iagho igre fameomekro kolho. Jame figri iagho gaoghathomu na teke figri mei ka iara na, iagho ginauna nake nogu mae gloku iara. Eghuteuna jame te toutonuni iagho chekegu iara te keli igne ka naiknore, iagho ginauna na jateula foflogu eghu iara.

Profet Jeremaea 18:11

“Eghume, ghema Jeremaea, iagho na tei ka iheire te au ka namono Jerusalem nei ka keha vido Juda mala cheke eghu ka mare, ‘Lord ne cheke eghu: Gognarona iara ghaoghatho mala para fadiꞌa ghami ghotilo. Ghotilo te gnafa na mala koko puhimi te diꞌare, eghuteuna ghotilo mala funu leghuni puhi te doglo na mala edi glepo te kelire.’

Profet Sekaraea 1:4

Ghotilo ginauna thosei leghudi puhidi kuꞌemi ghotilo tifa ra. Tifa na, mae profet neke chekeni nogu cheke iara na ka mare gnafa mala lilisei puhi te diꞌa re nei nakhibodi re. Nu mare tirodi fanomho ka nogu cheke iara na, eghuteuna mare jaola tirodi te leghu ghau iara na.

Fapea Kronikols 34:33

King Josia ne tei tongana ka namonodi vike te gnafa Israel igre mala hata fadelei mumuju te diꞌa te au ka nodi vido glose naiknodi Israel. Eghuteuna mana chekedi naiknore mala loku ranghini Lord. Eghume ka narane karha teu King Josia igre, naiknore theome figri tagru, nu leghuni Lord nodi God kuꞌedi tifa ra.