Profet Jeremaea 39:3 - Buka Blahi Ka Cheke Holo

³ Kate uluni te atha namono igne, nogna ofisa te gnafa king gna Babilonia igre ne ruma Jerusalem ne gnokro soru ka vido te kiloi mare Farihotei Grengatha: phei mae te kilodi nanghadire, mae Negal-Saresa, nei mae Samga-Nebo, nei mae Sasekim, nei keha mae nogna ofisa biꞌo king.

Profet Jeremaea 39:3 ပူးပေါင်းရင်းမြစ်များ

Profet Jeremaea 38:17

Aonu mae Jeremaea ne cheke eghu ka king, “Lord God mae ihei te au nolaghi fateote'o, nei nodi God mae Israel teu igne ne cheke eghu, ‘Jame te lisa lao nigho iagho themu ka khamedi nogna mae biꞌo king gna Babilonia igre, iagho ginauna theome lehe, eghuteuna mare ginauna theome gnubra namono igne. Iagho baludi tharaknamure ghotilo ginauna karha.

Profet Jeremaea 21:4

“Ghopa tei cheke ka mae Sedekaea: Lord nodi God mae Israel igne ne cheke eghu, ‘Sedekaea, ghotilo jifla tei magra ka mae king gna Babilonia balu nogna armi te au teu ke kosigna Jerusalem. Nu iara thegu ginauna huta fapulo ghami ghotilo lamna namono balu nomi glepo mala magra.

Profet Jeremaea 39:13

Aonu mae Nebukadnesa ne kurudi mae biꞌo igre: Mae komanda Nebusaradan, nei mae Nebusasban, nei mae Negal-Saresa, nei keha nogna ofisa biꞌo mae king gna Babilonia teu igre, mare ne tei ka mae profet Jeremaea.

Profet Jeremaea 1:15

Naugna iara gognarona kilo meidi hatimare mae king baludi naikno te gnafa te au ka kantri ke raru. “Hatimare mae king igre ginauna mei lisei soru nodi sape nafnaknore ke uludi grengatha te gnafa ka gringni gna namono biꞌo Jerusalem. Aonu mare ginauna na jaola mei kegra faligohoni namono igne. Eghuteuna mare ginauna eni kaisei nafnata puhi te diꞌa fara ka keha namono igre Juda.

Fapea Kings 17:30

Naiknodi Babilonia re sari mumuju gna god Sukot-Benot, naiknodi Kut re sari mumuju gna god Negal, naiknodi Hamat re sari mumuju gna god Asima,

Profet Esikiel 26:10

Nogna hose mana igre kmana fara eghuteuna kate kafe meidire ghotilo ginauna tangomana te thafru ka gaughavu glosegna namono na. Aonu mare na tei ruma lamna ka namono tela groꞌe soruhi gringni gna na, eghuteuna hose te tungnudi chariot mala magra nei chariot te tungnudi lujadi nodi gobigna lepo mare teu igre ginauna chari tei salaꞌu ka grengatha gna nomi gringni ghotilo na. Eghuteuna naogladi gobigna lepo igre ginauna nghali tongana gringni thina igne.