Profet Jeremaea 38:9 - Buka Blahi Ka Cheke Holo

⁹ “Nogu King. Glepo te eni mae biꞌo igre ka mae Jeremaea igne theome doglo. Mare koko soruni mana lamna khora kho'u. Eghuteuna mana ginauna lehe ka grofo jare, naugna gognarona namo theohi kaisei bret te au ka namono igne.”

Profet Jeremaea 38:9 ပူးပေါင်းရင်းမြစ်များ

Profet Jeremaea 37:21

Aonu King Sedekaea ne cheke faheta ka nogna mae soldiare mala liliseini kolho mae Jeremaea ka kaisei vido ka nogna suga na. Aonu mae profet Jeremaea sosolo neu kolho ka vido igne. Eghuteuna leuleghu narane na, nogna mae soldia mae king igre mare tusu ranghini mana famane bret te keli ne ghilei thoke ka narane te theo bret na.

Thoutonu Eigna Mae Job 31:34

Iara theome mhaghudi unha jame te toutonu eigu iara naiknore. Neuba mare ne cheke fadiꞌa ghau iara, nu iara theome tangomana te au kmu ka nogu suga tapuale na.

Profet Jeremaea 38:8

Mae Ebed-Melek jifla ne tei cheke eghu ka mana,

Profet Jeremaea 38:10

King nomhini igne ne cheke eghu ka mana, “Iagho atha tolufulu mae ka mae te au balugu iara igre. Eghuteuna ghotilo tei korho fajiflani mae Jeremaea ka khora kho'u igne, mala theome lehe mana jare.”

Lamentations 1:11

Naiknodi Jerusalem re ne tanhi kate hiro gano tafri na. Mare ne sabiri nodi glepo te keli re mala foli gano, mala tangomana mare te au karha teuna. “Lord! Naikno te gnafa igre theome ghatho tahu ghau iara gognarona. Iagho kokhoni ghau iara nei filo mei ka iara!”

Lamentations 3:53

Mare magnahaghei te falehe ghau iara ne koko lao ghau iara ka kaisei khora, aonu mare ne fadi ghau iara ka thina.

Profet Jeremaea 19:9

Kate mei mae naokare te kegra faligohoni namono na te magnahaghei aknu falehedi naiknore, iheire te au ke lamnagna namono igne ginauna theo gano rofo. Aonu mare ginauna rofo fara na ghilei ghamu thudi nalhaꞌu, thudi gaꞌase nei kheradi teure.’

Profet Jeremaea 39:17

Nu Ebed-Melek, iara ginauna fakarhi nigho ka narane tuana. Iara ginauna theome snakre nigho ka khamedi mae te mhaghudi iagho re.