Profet Jeremaea 38:6 - Buka Blahi Ka Cheke Holo

⁶ Aonu mare athani mae Jeremaea ne haru ka phukri ne farurhu soru lamna khora kho'u te au ke kosigna suga sososlo na. Igne nogna seu mae Malkaeja thugna mae king. Eghuteuna mae Malkaeja au ka suga gna king te reireghi teu mare igne. Seu igne krango theo kaisei khoꞌu tagna, nu fodu ka chopu kolho eghu. Mae Jeremaea ne thofno gnokro soru ka chopu igne.

Profet Jeremaea 38:6 ပူးပေါင်းရင်းမြစ်များ

Profet Jeremaea 37:21

Aonu King Sedekaea ne cheke faheta ka nogna mae soldiare mala liliseini kolho mae Jeremaea ka kaisei vido ka nogna suga na. Aonu mae profet Jeremaea sosolo neu kolho ka vido igne. Eghuteuna leuleghu narane na, nogna mae soldia mae king igre mare tusu ranghini mana famane bret te keli ne ghilei thoke ka narane te theo bret na.

Profet Jeremaea 38:22

Ka mifi igne, iara filodi goro gaꞌase te au nga teu ka sugagna king gna Juda, eghuteuna mae naoka igre ginauna atha fajifladi mala lisa lao ka khamedi nogna mae biꞌo king gna Babilonia. Eghuteuna ka narane tuana goro gaꞌase igre ginauna cheke fadiꞌa eghu nigho iagho: “ ‘Mae thofno kheramu fofodu iaghore, mare chaghi nigho iagho la ulu nighohi. Gognarona ghahemure jofru ka chopu, eghuteuna mae kheramure la tei koko nighohi.’

Profet Jeremaea 37:16

Mare liliseini mana jare ka kaisei chogho lamna glose te romno fara na ne au raugha ka vido tuana.

Nodi Khoje Hatimare Mae Jiu 69:2

Iara gne knoho ka naoro te fodu ka chopu, eghuteuna theo kaisei vido te khapra te mala tapla iara na. Uve, iara au ke lamna khoꞌu te nabritha biꞌo, iara gne thafru la namo knohohi.

Mae Khuru 16:24

Kate nomhini cheke igne, mana ne liliseidi phiamare ka chogho te ikoi te au lamna lahu ka suga sosolo na. Aonu mana ne fachakhi lao ghahedi phiamare re farihoteidi phia thaba biꞌo.

Profet Sekaraea 9:11

Lord ne cheke eghu, “Iara neke nhaꞌa chekehi balumi ghotilo, eghuteuna dadaradi fafara ra thofa soru mala farerheta gna nhaꞌa cheke igne. Eghume, iara ginauna togho ghami ghotilo mala snagla tei ghotilo ka vido aheva teke huhuru ghami mala tei au tagna, aheva jateula seu teu te theome au kaisei khoꞌu tagna.

Nodi Khoje Hatimare Mae Jiu 109:5

Neuba iara ne edi glepo te keli koba ranghidi, mare edi ngala glepo te diꞌare ranghi ghau iara. Iara namhadi mare, nu mare tirodi ghau iara kolho. Naikno te diꞌa igre cheke eghu ka iara:

Nodi Khoje Hatimare Mae Jiu 40:2

Iara gne jateula kaisei mae te au teu ke lamna glodu te mamhara nei ka naoro te fodu ka chopu ra eghu. Nu Lord neke korho haghe ghau iara neke fakegra ghau iara ke tagrugna kaisei thina, eghuteuna iara gognaro na kegrau ka vido te keli.

Jenesis 37:24

Hatimare ne leghuni nogna cheke mae Ruben na ne koko soruni mana ka khora tela krangohi na.

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Profet Jeremaea 36:26

Aonu mae king ne kuruni Jeramel thugna mana na, mae Seraea thugna mae Asriel, nei mae Selemaea thugna mae Abdel teu igre mala tei lokidi mae profet Jeremaea ghe mae Baruk. Nu mare ne theome filodi mae Jeremaea ghe mae Baruk, naugna Lord ne pophorudi phei mare.

Profet Jeremaea 32:2

Ka narane igre, armi gna Babilonia igne ne mei kegra faligohoni namono biꞌo Jerusalem, tarabana mala magra. Ka narane tuare, profet Jeremaea au sosolo ka sugagna king.

Profet Jeremaea 38:13

eghuteuna mare neke korho fajiflani mana kosi. Mare athani mana ne tei lilisei ka vido aheva te au hatimare mae soldia te reireghi gna nogna suga mae king na.

Profet Daniel 6:16

Aonu King Darius ne chekedi mare mala hata meini mae Daniel mala koko soru lamna khora lion. Kate koko soruni mae Daniel mare lamna khora lion na, mae king ne eha eghu tei ka mae Daniel, “Ghema Daniel, God mae ihei te fatutuani ni nei pogho soruni teu iagho igne na mei fakarhi nigho iagho.”