Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Profet Jeremaea 38:4 - Buka Blahi Ka Cheke Holo

4 Aonu mae biꞌo igre tei ne filoni mae king ne cheke eghu ka mana, “Mae igne nabagna te lehe! Nogna cheke mana igre faglaꞌedi fara gaoghathodi noda mae soldia tahati te au teu baludi keha naikno igre. Mae igne theome fariuriu toghodi kolho naikno igre, theo, mana magnahaghei te goigonidi kolho naiknore.”

အခန်းကိုကြည့်ပါ။ ကော်ပီ




Profet Jeremaea 38:4
25 ပူးပေါင်းရင်းမြစ်များ  

Aonu mae pris nei mae profet teu igre ne cheke eghu ka mae mala baubatu baludi keha naiknore, “Mae igne mala lehe! Naugna te chekeni mae igne na, noda namono biꞌo tahati igne ginauna groꞌe. Uve, ghotilo la nomhinihi themi nogna cheke mae profet igne.”


Mare ne hatadi mae Pol ghe mae Silas ka maedi Rom te au ka namono igne mala fatedi phiamare. Mare ne cheke eghu, “Phei mae Jiu igre ne edi kmana puhi ka noda namono tahati gne.


Aonu Amasaea mae ihei te pris ka namono Betel, mana ne fatei ripot eigu iara ka King Jeroboam mae ihei te king Israel. Ripot igne cheke eghu, “Mae Emos gne gognarona salo fodu mei naiknore mala ei puhi ranghi nigho iagho. Nogna cheke re, mana ginauna thofno goigoni ni noda kantri tahati igne.


Iara neke kuru tei ghami ghotilo ka namono te au ghotilo tuana. Eghume, ghotilo loku heta mala toghoni namono biꞌo tuana mala au fakeli. Ghotilo mala tarai ka iara Lord, eghuteuna iara ginauna fablahini namono tuana. Naugna, jame te au fakeli ghotilo ka namono tuana na, ghotilo ginauna na jaola au fakeli nei jaola au nomi kmana glepo eghu.


Mare fariuriu mala famamhaghu ghami ghehati, mala glaꞌe soru nei theome tangomana te gnafa na gloku igne eghu. Aonu iara ne tarai eghu, “God, farheta ghau mala loku fahui iara gloku igne.”


Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.


Nu king ne cheke eghu, “Moses ghe mae Eron! Naugna unha si ghopa te magnahaghei atha fajifladi naiknore ka nodi gloku grea? Ghopa jaola ke pulo loku!


Nu ghehati magnahaghei nomhidi nou gaoghatho iagho re. Naugna ghehati laseni naiknodi namono te gnafa igre cheke faparini koba tothoghei te au iagho tagna igne.”


“Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.


Nu kate dofidi phiamare na, mare neke lokini kolho mae Jason nei keha naikno khiloau ne korhodi ne tei ke uludi goro mae biꞌogna namono na. Naiknore ne eha fabiꞌo ne cheke eghu, “Phei mae igre eꞌei puhi heva heva ka nauthoglu gne. Eghuteuna gognaro na phiamare la mei thoke ka noda namono tahati gne.


Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”


Nodi mae funei te gnafa mare igre jateula khuma mata te kathu falehe glepo tautagu te kina sasaka eghuteuna ghamu teura eghu. Mare falehe naikno mala tangomana mare te hata nodi sileni naikno re te mala dedei na.


“Ghehati magnahaghei nigho iagho te lasedi naikno Jiu teke jifla ka keha nou provins iagho ra, gognarona mare au agne Jerusalem. Mare kela babana fapulo namono te diꞌa igne, leuleghu fata na naiknore theome magnahaghedi king te funei frunidi re. Mare kela loku fapulo thina biꞌo ka khotogna gringni thina gna namono igne, eghuteuna mare ginauna theome raugha fagnagnafa gloku igne.


Nu king ne kaisei gaoghatho baludi nogna mae biꞌo re mala falehe mae pris igne. King ne chekedi mare ne fadini mana ka thina ne ghilei lehe ka glalaba ke ulugna nogna Sugablahi Lord.


Hatimare mae te au ka namono Anatot igre, mare magnahaghei te falehe ghau iara ne cheke eghu ka iara, “Iagho thosei toutonuni nanghagna Lord igne! Jame te eni iagho nafnata cheke igne na, ghehati ginauna falehe nigho iagho!” Nu Lord ne nomhini nogu cheke iara igne ne cheke eghu,


Lord, iagho lasedihi gaoghatho te diꞌa te mala falehe ghau iara teu mae igre. Iagho thosei atha fadelei nakhibodire! Diꞌa tamu sagho ka mare, eghuteuna lisa lao ka mae naokare mala goigonidi mare ka tathamu iagho na.


Nu King Sedekaea ne cheke faꞌikoi ka mae Jeremaea ne eni kaisei nhaꞌa cheke, ne cheke eghu, “Iara eni nhaꞌa cheke igne ka nanghagna Lord mae ihei te karha te tifa, nei tusu ranghi ghita u karha: Iara ginauna na theome falehe nigho iagho, eghuteuna iara ginauna na theome snakre lao nigho ka khamedi mae iheire te magnahaghei falehe nigho iagho igre.”


Glahu nomhidi nogu mae biꞌo iara igre u thoutonu te edi iara balumu iagho igre ghusna eghu ka iagho, ‘Iagho toutonu ka ghehati unha teke toutonudi ghopa king ra. Iagho toutonu ka ghehati gobigna lepore, naugna jame te theo iagho na, ghehati ginauna falehe nigho.’


Mae Baruk, thugna mae Neraea kolho te huhuru nigho iagho te mei edi cheke igre ka ghehati na. Mana magnahaghedi kolho maedi Babilonia te mei falehe ghami, ba atha ghami mala tei au Babilonia.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ