Profet Jeremaea 32:9 - Buka Blahi Ka Cheke Holo

^9-10 Aonu, iara ne foli vido glose igne. Iara ne rioriso nhaꞌa cheke te mala foli glose igne, aonu iara ne lilisei nogu fagaglana na tagna ke uludi keha mae te au teu jare na. Aonu iara ne skel nabotho fitu silva koen ne tusu lao ka mae Hanamel fofoli gna vido glose igne.

Profet Jeremaea 32:9 ပူးပေါင်းရင်းမြစ်များ

Nogna Buka Esta 3:9

Eghume, jame te keli na, iagho fatei cheke ka naikno te gnafa te au heva heva ka namono igre mala aknu falehe naikno igre. Jame te leghuni iagho unha te chekeni iara igne na, iara ginauna na tusu ari ka iagho nabotho thogha silva maladi nou gloku iagho igre eghuteuna iara ginauna lilisei sileni igne ka nogna tresari King.”

Ululahu Kings 20:39

Kate mei salaꞌu king na, mae profet igne ne eha eghu ka mana, “King, iara neke tei ka magra, eghuteuna kaisei noda soldia tahati na neke hata kaisei naoka teke lolhokuhi mare na. Mana mei ne lilisei ka khamegu iara na ne cheke eghu, ‘Iagho reireghi fakelini mae igne. Jame te rikha mana na, iagho ginauna lehe tughuni nakarha gna mana na, ba iagho ginauna foli faen ka tolufulu fati kilo silva!’

Profet Hosia 3:2

Eghume, iara neke foli Goma gne ka nabotho glima silva nei kaisei gobi phiatutu kilo bali.

Profet Isaia 55:2

Naugna unha si ghotilo te fiti koko sileni ka glepo te mala theome ghamu gnea? Naugna unha si ghotilo te loku heta ka thuagna nafnata glepo, nu rofo kolho teugnea? Ghotilo te gnafa na, fanomho mei ka iara, eghuteuna ghotilo eni unha te chekeni iara igne! Jame te eni ghotilo igne na, ghotilo ginauna glealeꞌa fara, jateula te ima famane gano te keli ra eghu.

Jenesis 37:28

Ka vido te eni teu mare cheke igne, keha maedi Midian ne mei ne filoni mae Josep ka khora na. Hatimare ne mei korho fajiflani mae Josep ka khora na ne snakre lao ni mana ka hatimare mae vikegna mae Ismael mala foli mare mala nodi mae gloku. Mare ne folini mae Josep ka maedi Midian gre. Varadaki silva ne hatani mana ne tei Ijep.

Jenesis 24:22

Kate koꞌu te gnafa kamel re, mana ne hata ne tusu lao ka Rebeka kaisei ring teke hohoro ka gol mala lilisei ka nehu na, tahugna na glima gram, nei phei khome neke hohoro la ka gol, tahu dire phei gobi gram.

Eksodas 21:32

Eghuteuna jame buluka nalhaꞌugna igne faleheni kaisei mae sneka ba kaisei gaꞌase sneka, mae khotogna buluka nalhaꞌugna igne mala foli tolufulu silva koen ka mae funeigna mae sneka igne, eghuteuna ghotilo jaola fada falehe buluka nalhaꞌugna igne ka thina.

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Profet Esikiel 4:10

Leuleghu fata na, leuleghu narane tuana la iagho ginauna skel phei gobi gram kolho ka gano igre te mala ghamu na.