Profet Jeremaea 3:5 - Buka Blahi Ka Cheke Holo

⁵ Iagho diꞌatamu ka ghehati gognaro na? Te eghu na, niha nau nate gnafa iagho te diꞌatamu ka ghehati na? Niha fata para ghami ghehati sagho ia?’ Igne nomi cheke kolho ghotilo, nu ghotilo theome gnafa te eni puhi te diꞌa na.”

Profet Jeremaea 3:5 ပူးပေါင်းရင်းမြစ်များ

Profet Maeka 7:3

Naiknore kafe laseni fara te mala edi glepo te diꞌa re. Mae biꞌore loku fodu mala edi gaoghatho te diꞌa. Leuleghu fata na mae mala baubatu nei mae mala fate teu igre mare famaemahedi naiknore mala chaghidi keha naiknore ka sileni. Mae biꞌo igre huhurudi naiknore mala edi kolho unha te magnahaghedi thedi re.

Profet Maeka 2:1

Kokhoni ghami fara ghotilo iheire te edi unha gaoghatho te diꞌa kate thuru teu ka sape na! Eghuteuna hamerane na, ghotilo edi fabrahu nomi gaoghatho te diꞌa tuare, theo kaisei naikno te lhoti ghami ghotilo na.

Profet Esikiel 22:6

“ ‘Nomi maedi Israel mala baubatu ghotilo gre, au nodi nolaghi mala falehe naikno kolho.

Profet Jeremaea 3:12

Eghume ghema Jeremaea, iagho atha nogu cheke iara igne mala tei cheke eghu ranghidi, “Israel, iagho jateula gaꞌase te huhughuni puhigna tholaghi na ia eghu tirou fara teke pulo mei ka iara na. Iara kokhoni ghami ghotilo, nu iara ginauna nake theome diꞌatagu fabrahu ka ghotilo.

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Profet Isaia 64:9

Lord, thosei diꞌatamu fara ka ghehati. Ghehati nou naikno iagho! Iagho kokhoni ghami nei atha kokodi eghu nakhibomi gre.

Nodi Khoje Hatimare Mae Jiu 85:5

Ba? Iagho na diꞌatamu fabrahu ka ghehati sia? Ba? Diꞌatamu iagho ka ghehati gne na theome gnafa signea?

Fapea Kronikols 29:10

Gognarona iara ghaoghatho mala eni kaisei nhaꞌa cheke balugna Lord nodi God mae Israel, mala theome diꞌatagna mana ka tahati.

Nodi Khoje Hatimare Mae Jiu 85:6

Ke farerheta fapulo sagho nakarhami ghehati gre. Eigna ghehati gne nou naikno iagho mala tangomana ghehati te kilo fnakno nigho na.

Profet Jeremaea 8:5

Nu ghotilo naikno te au ka namono Jerusalem, ghotilo tei koko ghau iara, ghotilo tiromi teke figri mei ka iara na. Ghotilo fatutuanidi nomi chaichaghi themire neke tiromi pulo mei ka iara.

Profet Jeremaea 8:6

Leuleghu fata na iara fanomho fakeli koba ka ghotilo, nu ghotilo theome chekeni kaisei cheke te tutuani. Theo kaisei ka ghotilo te tughu puhigna te diꞌa na. Ghotilo te gnafa na jateula hose te chari umhu te tei ka magra ra eghu leghuni fabrahu kolho puhi te diꞌa na.