Profet Jeremaea 3:4 - Buka Blahi Ka Cheke Holo

⁴ Eghuteuna gognarona ghotilo eha eghu ka iara, ‘Mama! Funu ka narane teke karhami na tela ghilei mei posa ka narane gognaro gne, iagho neke namha ghami fara ghehati!

Profet Jeremaea 3:4 ပူးပေါင်းရင်းမြစ်များ

Profet Jeremaea 2:2

“Jeremaea, iagho tei cheke ka naikno te gnafa te au ka namono biꞌo Jerusalem, Lord ne cheke eghu: “Iara ghathoni fabrahu narane teke ghatho tahu ghau iara ghotilo ia. Ka narane igne ghotilo neke thofno namha ghau iara jateula gaꞌase te tolaghi majaghani te namhani fara khetogna na ia neku. Ghotilo neke leghu ghau iara fabrahu ka namono nagou te theome tangomana kaisei naikno te joꞌu gano tagna ia.

Profet Jeremaea 3:19

Lord ne cheke eghu, “Iara thofno magnahaghei ghami ghotilo teke figri mei jateula thofno thugu eghu iara. Eghuteuna iara ginauna snakre ari ka ghotilo vido glose te thofno keli fara te salaꞌudi vido glose te gnafa ka nauthoglu igne. Iara magnahaghei ghami ghotilo te kilo ghau iara mae kmami ghotilo mala theome tangomana ghotilo te tei koko ghau iara na.

Profet Hosia 2:15

Aonu iara ginauna nake tusu fapulo ka naꞌa nagare grep teke hata fadelei iara ka naꞌa tifa ra. Eghuteuna puhi te diꞌa te edi naꞌa igre jateula nabrou te mala tei ka saregna namono Ako teke tei naiknodi Israel tifa ra eghu. Nu iara ginauna na vahini sare igne mala jateula nabrou te keli ra eghu. Ka namono igne na teke pulo mei ka naꞌa gaoghatho te keli na. Eghuteuna naꞌa ginauna nake leghuni nogu cheke iara na, jateula kani teke majaghani teku naꞌa teke jifla mei ka namono Ijep tifa ia eghu.

Profet Jeremaea 31:9

Ka narane te atha fajifladi iara re, naikno igre ginauna tanhi nei tarai eghu ka iara nake pulo mei. Iara ginauna na baubatudi mei ka vido te au khoꞌu te keli, eghuteuna iara ginauna atha meidi ka nabrou te doglo mala theome uka mare. Iara ginauna eni igne, naugna iara jateula kmadi eghu vikegna Israel, eghuteuna vikegna Israel igne jateula thugu nalhaꞌu teke kulu karha ra eghu iara.

Proveb 2:17

Nafnata gaꞌase igne kokohi khetogna teke tolaghi kani teke majaghani na. Eghuteuna naꞌa theome ghathoni nhaꞌa cheke teke eni ke ulugna God igne.

Nodi Khoje Hatimare Mae Jiu 71:17

God, funu ka narane teke mae majaghanigu iara na, iagho neke farirhiu ghau iara, eghuteuna iara na chekedi fabrahu glepo biꞌo teke edi iagho ra.

Profet Malakai 2:14

Ba? Naugna unha site eghu ghotilo gnea? Mana theome magnahaghedi unha te tufa ghotilo ka mana re, naugna mana lasedi te theome tajini ghotilo nomi nhaꞌa cheke teke eni ghotilo ka tholaghi ia kate tolaghi. Kani teke majaghani na ghotilo neke nhaꞌa cheke ka khetomire. Eghuteuna neubane eghu ngau, ghotilo theome leghuni kolho nomi nhaꞌa cheke na.

Profet Jeremaea 2:27

Naugna mare ne tarai ka mumuju god teke sari ka gaju nei ka thina. Te ghathoni ghotilo na glepo igre ginauna na tusu ranghi ghami nakarha te keli eghu. Naugna igne te tei koko ghau iara ghotilo gognarona. Nu kate thoke ghami puhi biꞌo na, ghotilo ginauna na mei tanhi ka iara mala fakarhi ghami.

Proveb 1:4

Jame ihei te au tagna katha vido glalase na, cheke igre ginauna toghoni mana mala hata gaoghatho te keli. Eghuteuna cheke igre ginauna tusu lao gaoghatho te keli ka naikno majaghani re mala batuni mare ka puhi te keli na.

Nodi Khoje Hatimare Mae Jiu 119:9

Lord God, hatimare mae majaghani gre mala leghudi nou cheke iagho re, mala tangomana mare te mala thofno tajidi thofno nakarhadire.

Nodi Khoje Hatimare Mae Jiu 71:5

Lord God, iara fatutuani fabrahu nou nhaꞌa cheke iagho na. Uve, funu kani mae majaghanigu te mei na iara fatutuani nigho iagho fabrahu.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Profet Jeremaea 31:22

Lord namha ghami fara ghotilo, nu ghotilo tei kokoni fabrahu mana. Niha nau ame ke pulo mei nga ka mana si ghotilo ia? Lord ginauna eni kaisei glepo majaghani fara ka nauthoglu igne. Naiknodi Israel igre ginauna loku famaku ka nodi Lord na, jateula gaꞌase te loku famaku ka kheto gna na ia eghu.”