Profet Jeremaea 3:16 - Buka Blahi Ka Cheke Holo

¹⁶ Ghotilo ginauna na vuragha ka kantri igne. Eghuteuna ka narane igne, ghotilo ginauna na theome cheke eigna nogu Bokis Nhaꞌa Cheke iara teke atha ghotilo tifa ia. Eghuteuna ghotilo ginauna nake theome eni kaisei Bokis Nhaꞌa Cheke.

Profet Jeremaea 3:16 ပူးပေါင်းရင်းမြစ်များ

Profet Esikiel 37:26

Iara ginauna eni kaisei nhaꞌa cheke pharikeli baludi mare, u nhaꞌa cheke igne ginauna theome tangomana te gnafa na. Uve, iara ginauna fablahidi mala thovu mare. Eghuteuna nogu vido blahi iara igne ginauna kegra fabrahu ka nodi namono mare igne.

Profet Isaia 65:17

Lord ne cheke eghu, “Iara ginauna horo maloa majaghani nei nauthoglu majaghani. Gobigna lepo teke edi tifa ra, naiknore ginauna ghatho ihodihi.

Matiu 3:9

Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te ei vikegna mae Ebraham ka thina te filodi ghotilo igre!

Profet Jeremaea 31:8

Iara ginauna atha fajifladi mala jifla mei ka kantri ke raru. Uve, iara ginauna nake atha fapulo nogu naiknore funu ka kantri te khaba. Keha naiknore dofu nei blughu. Keha gaꞌasere bukla nei namo karha sua teu igre ginauna jaola nake kafe pulo mei. Iheire na teke pulo mei igre thofno kmana fara.

Profet Jeremaea 30:19

Aonu mare ginauna gleale'a fara nei koje mala kilo fnakno ghau iara. Iara ginauna fablahidi mare, mala kmana nei theome glaꞌe soru eghu mare. Iara ginauna fablahidi mala ghatho tahudi mare naiknore, eghuteuna theo kaisei naikno nate faparidi mare na.

Profet Isaia 61:4

“Mare ginauna nake babana fapulo namono biꞌo teke diꞌa tifa ra, eghuteuna mare ginauna nake horo fapulo suga te gnafa teke goigoni mae naoka tifa ra.

Profet Isaia 60:22

Neubane theome vike biꞌo ghotilo, nu ghotilo ginauna kmana fara nei nheta eghu, jateula kaisei kantri biꞌo te nheta fara ra eghu. Iara Lord, glepo te chekedi iara igre ginauna ghosei thoke mei tutuani ka nogu thofno narane iara na.”

Matiu 1:11

mae Josia na neke kuꞌegna mae Jekonia nei tahigna mana re; mare neke au nekeu kau narane teke sneka teke tei mae Israel re ka namono Babilon.

Profet Sefanaea 3:11

Ka narane tuana, ghotilo ginauna na theome mamajadi puhi te diꞌa teke edi ghotilo tifa ra. Naugna igne iara ginauna brue fajifladi naikno te fahaehaghe nei huhughu teu igre. Eghuteuna ghotilo ginauna au ka nogu Thogele blahi iara igne Jerusalem, eghuteuna ghotilo ginauna theome figri tagru ghau iara.

Profet Emos 9:9

Lord neke cheke eghu, “Iara ginauna cheke faheta ka nomi naoka ghotilo are mala paradi naiknodi Israel, jateula mae ihei te tofa nusu te mala tei salaꞌu ka strena te mala thofa soru pari ra eghu, ginauna na theo kaisei ka naikno te diꞌa igre nate theome thokeni papara na.

Profet Jeremaea 31:27

“Iara Lord, iara cheke tutuani fara. Ginauna, iara te mala toghodi naikno nei glepo te tautagu teu igre mala vuragha ka vikegna Israel, nei ka vikegna Juda, jateula mae ihei te loku ka nagare te vuragha gano ra eghu.

Profet Jeremaea 7:4

Thosei fatutuanidi cheke chaichaghi na theome lehe ghotilo teu koba naiknore igne, naugna nogu Sugablahi iara na au agne Jerusalem.”

Profet Jeremaea 3:17

Ka narane igne naiknore ginauna kiloni namono biꞌo Jerusalem, nogna sape nafnakno Lord aheva nate gnokro mana jateula mae king. Eghuteuna naikno te gnafa ka nauthoglu igne ginauna salo fodu mei ka namono Jerusalem mala cheke fakelini nogu nafnakno iara Lord. Uve, naiknore ginauna theome maku jateula thina eghu nagnafadire mala eni fabrahu puhi te diꞌa na.

Profet Esikiel 15:5

Gaju grep igne neke theo nafugna ngala, eghume nabagna te nhako ka khaꞌaghi na. Ke leghu na, gaju igne thofno diꞌa pari lahu.