Profet Jeremaea 3:1 - Buka Blahi Ka Cheke Holo

¹ Lord ne cheke eghu, “Jame kaisei mae koko khetogna na, eghuteuna gaꞌase te koko mana igne ke tei tolaghi ka keha mae delei ngau. Ba, mae igne na faꞌunha? Mae igne tangomana na teke atha fapulo gaꞌase igne? Theo, naugna jame te eghu na, mana ginauna goigoni glose igne ka tathagu iara na. Nu ghotilo te tei koko ghau iara igne, ghotilo jateula gaꞌase vine te tei eni puhi te diꞌa na ka keha maei ra eghu. Eghume faꞌunha eghu jame teke pulo mei ghotilo ka iara na?

Profet Jeremaea 3:1 ပူးပေါင်းရင်းမြစ်များ

Profet Esikiel 16:26

Iagho snakredi koba maedi Ijep te thono magnahaghei gaꞌase fara te mei thuru balumu. Puhimu iagho te diꞌa igre te thono diꞌatagu fara iara re.

Profet Jeremaea 4:1

Lord ne cheke eghu, “Ghotilo naiknomi Israel. Jame magnahaghei mala ke pulo mei mala teke leghu ghau iara teuna, ghotilo koko mumuju god te ghatho tahudi ghotilo are.

Profet Jeremaea 2:20

Lord ne cheke eghu, “Funu tifa te mei na, iara neke tei koko ghami ghotilo, eigna nakarha te diꞌa te eni ghotilo igne jateula naikno sneka eghu. Nu ghotilo tiromi te loku ranghi ghau iara na. Ghotilo tei koko ghauhi iara, eghuteuna gognarona ghotilo tarai tafri kolho ka keha god te chaichaghi igre ke kligna thogele nei ke pari gaju. Ghotilo jateula gaꞌase vine te tei kokoni khetogna na ia eghu.

Profet Sekaraea 1:3

Naugna puhi igne, iagho mala cheke eghu ka naiknore: Lord mae ihei te au nolaghi fateote'o igne, mana ne cheke eghu, Tore! Ghotilo mala ke figri ke pulo ka iara! Jame te eghu ghotilo na, iara ginauna nake pulo mei mala ke au balumi ghotilo.

Profet Hosia 1:2

Ka narane igre, God ne cheke eghu ka mae profet Hosia, “Iagho na tei tolaghi ka kaisei gaꞌase, eghuteuna gaꞌase igne ginauna theome ghatho tahuni puhigna tholaghi na. Eghuteuna thugnare ginauna jaola leghuni puhigna idodi na. Nafnata gaꞌase igne ginauna fakakhana puhidi naikno te tei koko ghau iara te tei tarai ka mumuju god igre.”

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Profet Jeremaea 3:9

Tutuani fara, Israel ne theome mamaja te eni puhi te diꞌa na. Eghume glose igne ginauna na diꞌa fara ka tathagu iara na. Kate tei koko ghau iara na, mare tei tarai koba ka mumuju god teke sari thedi ka gaju nei thina teu igre.

Profet Jeremaea 2:23

Lord ne cheke eghu, “Naugna unha si ghotilo te chekeni koba ne theome tarai ka god Baal teu gnea? Ghaoghatho fakeli si ghotilo eidi glepo te diꞌa te edi ghotilo jare ka gloha Hinom! Ghotilo jateula kamel gaꞌasegna te hiro kamel nalhaꞌugna teu te tei tafri te theome au snoto ra eghu puhimire.

Jajis 19:2

Kaisei fata, gaꞌase igne ei puhi diꞌa balugna kaisei mae, aonu naꞌa rikha neke pulo ka kmagna na Betlehem, eghuteuna naꞌa ne au ka namono igne fati nhigra.

Profet Maeka 2:10

Eghume ghotilo jifla tei! Funu gognaro gne, glose igne theome nomi namono ghotilo. Naugna ghotilo la fatothona nihi glose igne. Puhimi ghotilo te tapla jafra fabrahu ka nakhibo igne la goigonihi glose igne, eghuteuna theome tangomana teke keli fapulo na.

Profet Jeremaea 3:22

Lord ne cheke eghu, “Ghotilo naikno te maku jateula thina teu phaꞌumire igre, ghotilo ke pulo mei ka iara! Eghuteuna iara ginauna na fadoglidi puhimi ghotilore mala ke au fakeli balugu iara.” Eghuteuna naiknore ne cheke eghu, “Uve, ghehati gognarona nake pulo mei ka iagho, naugna iagho Lord, nomi God ghehati!

Profet Jeremaea 2:7

Iara neke atha mei ghami ghotilo ka namono te keli igne mala tangomana ghotilo te ima thua nafnata gano te keli te karha ka vido igne. Nu kate mei au ghotilo agne na, ghotilo goigoni ni fara nogu glose iara teke tusu ari ka ghotilo igne. Eghuteuna ghotilo eni puhi te thono diꞌa fara na ke ulugu iara.

Profet Isaia 24:5

Naikno ka nauthoglu igne na goigoni nauthoglu igne na vuhai chara ka tathagna Lord, naugna mare ne huhughuni nogna vetula God na, nei nhaꞌa cheke teke eni mare balugna God mae ihei te au fabrahu tifa te tifa.

Diutronomi 22:21

Jame te tutuani na, hatimare mae lida mala hata tei gaꞌase igne ka grengatha gna nogna suga mae kmagna na. Aonu mae nalhaꞌugna namono na fadini naꞌa ka thina ghilei lehe naꞌa. Gaꞌase igne neke jafra kani au teku ka suga gna kmagna na eghuteuna naꞌa ne famamajadi naiknodi Israel. Eghume ka puhi igne, ghotilo koko puhi te diꞌa igne.”

Matiu 5:31

“Nu kaisei na teuna, ghotilo la nomhinihi u farirhiu te cheke eghu ia, ‘Mae ihei te magnahaghei koko khetogna na, keli fara, mana na tusu lao pepa te mala sopa au na ka naꞌa, ame tangomana nga mana te tei kokoni khetogna na eghu.’

Nodi Khoje Hatimare Mae Jiu 106:38

Uve, mare neke falelehe neke fafara lao famane suare ka mumuju. Ka puhi igne nodi kantri mare na ne thono diꞌa fara ka tathagna God na.

Profet Jeremaea 22:20

Lord ne cheke eghu, “Ghotilo naiknomi Jerusalem, ghotilo tei ke raru Thogele Lebanon mala eha fabiꞌo. Ghotilo tei ke maghati Besan mala uareghe fabiꞌo. Ghotilo tei ke mata thogele Moab mala tanhi fabiꞌo, naugna mae teke namhadi fara ghotilo ke tulaogu iarai ra, mare la groꞌehi.

Lamentations 1:2

Ka bongi thongana igne naꞌa tanhi ghilei hamerane, eghuteuna kholodi thatagna re oro soru ka foflogna nei tathagna re. Tifa na naꞌa jateula gaꞌase te au kmana khetogna ra neku. Gognarona, mare tirodini naꞌa. Kheragna re tirodini naꞌa, kela nogna naoka naꞌa.

Profet Hosia 2:2

God ne cheke naba eghu ka naiknore, “Ghotilo thugu iara. Ghotilo cheke faheta ka idomi na, naꞌa gognarona theome khetogu iara, eghuteuna iara theome khetogna naꞌa. Nu ghotilo na cheke faheta ka naꞌa mala lilisei naꞌa puhi te jateula thau vine teu te theome leghuni puhigna tholaghi na igne.

Profet Jeremaea 31:22

Lord namha ghami fara ghotilo, nu ghotilo tei kokoni fabrahu mana. Niha nau ame ke pulo mei nga ka mana si ghotilo ia? Lord ginauna eni kaisei glepo majaghani fara ka nauthoglu igne. Naiknodi Israel igre ginauna loku famaku ka nodi Lord na, jateula gaꞌase te loku famaku ka kheto gna na ia eghu.”

Profet Esikiel 16:30

“Iara Lord God iara cheke tutuani ka ghotilo: Ei! Iara diꞌatagu fara ka iagho kate edi fabrahu iagho thua nafnotu te diꞌa te jateula kaisei thau vine teu te theome mamajani kaisei glepo na!

Profet Esikiel 16:35

“Jerusalem, iagho gaꞌase vine kolho! Faghano fanomho mei ka nogna cheke Lord igne!