Profet Jeremaea 23:3 - Buka Blahi Ka Cheke Holo

³ Eghuteuna nogu naikno iara te karha teu te tei tafri ka keha kantri na igre, iara thegu ginauna nake atha fapulodi ka nodi thofno namonore. Iara ginauna na jateula mae greireghi sipu te keli te salo fodu mei nogna sipure ka vido aheva te au buburu nei khoꞌu teu ra eghu. Eghuteuna sipu igre ginauna au fakeli nei au kmana thudi eghu.

Profet Jeremaea 23:3 ပူးပေါင်းရင်းမြစ်များ

Profet Jeremaea 32:37

Iara thofno diꞌatagu fara ka naikno gna namono igne, eghuteuna iara ginauna ngolhi fajifladi mala tei mare ka keha kantri delei. Nu ke leghu na, iara ginauna nake atha fapulodi mala ke mei au fakeli mare ka namono igne.

Profet Jeremaea 29:14

Uve, ghotilo ginauna filo ghau iara, eghuteuna iara ginauna atha fajifla ghami ghotilo ka namono te au teu ghotilo gognaro igne mala ke figri ka nomi thofno namono na.”

Profet Jeremaea 30:3

Ka narane tuana, iara ginauna nake atha fafigri naiknodi Jerusalem nei Juda mala ke pulo mei au fakeli ka nodi namono teke tusu ari iara ka vikedi mare tifa ra.”

Profet Esikiel 11:17

“Eghume, iagho mala cheke eghu ka mare, ‘Lord ne cheke eghu: Iara ginauna nake hata fapulo ghami ghotilo funu ka kantri teke kuru tei ghami iara te tei au tafri teu ghotilo tadi are, mala ke tusu fapulo kantri Israel igne ka ghotilo.’

Profet Jeremaea 31:8

Iara ginauna atha fajifladi mala jifla mei ka kantri ke raru. Uve, iara ginauna nake atha fapulo nogu naiknore funu ka kantri te khaba. Keha naiknore dofu nei blughu. Keha gaꞌasere bukla nei namo karha sua teu igre ginauna jaola nake kafe pulo mei. Iheire na teke pulo mei igre thofno kmana fara.

Nodi Khoje Hatimare Mae Jiu 106:47

Lord, iagho nomi God ghehati! Fakarhi ghami nei atha fajifla ghami eghu khamedi naikno bongihehe gre. Atha fafigri ghami ka namonomi ra. Te eghu na, ghehati ginauna tegio ka iagho, nei ghehati na cheke fakelini nanghamu iagho te blahi na.

Profet Esikiel 36:24

“ ‘Iara ginauna hata ghami ghotilo mala ke pulo mei funu ka kantri aheva te au ghotilo tagna na, eghuteuna lisei ghami ka nomi namono ghotilo na.

Profet Esikiel 36:37

Lord God neke cheke eghu, “Iara ginauna snakredi naiknodi Israel ra mala tore ka iara mala toghodi. Eghuteuna iara ginauna toghodi mare mala kmana nei vuragha eghu jateula kaisei bukrei sipu eghu.

Profet Maeka 7:12

Ka narane tuana kherada tahati teke tei au ka keha kantri ra ginauna nake pulo mei ka namono igne. Iheire te au ke raru Asiria, nei ke mata Ijep, eghuteuna funu jare tei posa ke maghati Khoꞌu biꞌo Iufretis, neuba mare ne au namo ka thongna ba ke kligna thogele, mare te gnafa na ginauna nake pulo mei ka namono igne.

Profet Jeremaea 8:3

Eghuteuna ihei te au faleghu ka naiknodi Juda te diꞌa igre, iara ginauna brue fajifladi ka kantri igne mala tei au ka keha vido delei. Mare gaoghathodi na mare jame nabadi na mala lehe kolho. Igne chekegna Lord mae ihei te au nolaghi fateote'o!’

Profet Jeremaea 30:10

“Eghume, ghotilo vikegna Israel, nogu naikno gloku iara ra ghotilo thosei mhaghu. Iara ginauna atha fapulo ghami ghotilo ka kantri te tei au sneka teu ghotilo igne. Uve, iara ginauna atha fajifla ghami ghotilo ka vido aheva te funei fruni ghami teu mae naoka igre. Ghotilo ginauna nake pulo mei ka nomi thofno namono na mala ke au fakeli nei au ka pharikeli. Theo kaisei naikno nate goigoni ghami ba famamhaghu ghami teu ghotilo ginauna. Theo.

Profet Jeremaea 31:7

Lord ne cheke eghu, “Ghotilo koje balu gleale'a eigna Israel! Ghotilo eha fabiꞌo eigna kantri te biꞌo lahu ka nauthoglu igne. Kate kilo fnaknoni Lord na, ghotilo mala cheke eghu ka naiknore, ‘Lord! Fakarhidi nou naikno Israel te au faleghu igre!’

Profet Jeremaea 46:27

Lord ne cheke eghu, “Eghume, ghotilo vikegna Israel, nogu naikno gloku iara ra, ghotilo thosei mhaghu nei nanga nomi eghu. Iara ginauna atha fapulo ghami ghotilo ka vido te tei au sneka teu ghotilo ka kantri te khaba fara igne. Uve, iara ginauna atha fajifla ghami ghotilo ka vido aheva te funei fruni ghami teu mae naoka igre. Ghotilo ginauna nake pulo mei ka nomi thofno namono na mala ke au fakeli. Eghuteuna, ginauna na theo kaisei naikno nate goigoni ghami, ba nate famamhaghu ghami ghotilo na. Theo.

Levitikas 26:9

“Eghuteuna iara ginauna fablahi ghami ghotilo, mala au kmana thumi ghotilo, jateula teke chekeni iara ka nhaꞌa cheke teke eni iara balumi ghotilo ia eghu.

Profet Jeremaea 16:15

Nu mana ginauna cheke eghu, ‘Iara neke eni nhaꞌa cheke igne ka nanghagna Lord te karha, nei mae ihei teke atha fajifladi maedi Israel ka kantri ke raru, nei ka keha kantri aheva teke huhurudi mare te mala tei tagna.’ Naugna iara ginauna nake atha fapulodi ka vido teke tusu lao iara ka kuꞌedi mare tifa ra.”

Profet Jeremaea 50:19

Nu iara ginauna nake atha fapulo nogu naiknodi Israel igre ka nodi thofno namono na. Mare ginauna na jateula sipu te au ka vido aheva te au famane buburu ra eghu. Sipu igre ginauna ghamu buburu te karha ka Thogele Kamel, nei ka gukhu Besan. Eghuteuna ka thogele ka phei nohi Efrem ghe Gilead, rehati ginauna ghamu ghilei boho fakeli.

Profet Esikiel 36:11

Iara ginauna toghodi mala kmana nei vuragha eghu mare, eghuteuna thudire ginauna jaola kmana fara salaꞌudi teke tifara. Eghuteuna nodi buluka, nei sipu, nei nanigot teure ginauna na jaola kmana fara. Eghuteuna mare ginauna laseni te iara Lord.

Profet Maeka 2:12

Lord ne cheke eghu, “Ghotilo naiknomi Israel. Kaisei narane iara ginauna atha gnafa iheire teke karha mei ke leghumi ghotilo nei ka iheire te karha nga teu, mala kafe mei. Eghuteuna iara ginauna reireghi fakelidi jateula mae mala greireghi sipu atha teke pulo mei nogna sipu re ka baradi re. Nomi namono ghotilore ginauna fodu ka naikno, jateula kaisei vido te au famane buburu aheva kmana sipu te au tagna.