Profet Jeremaea 22:9 - Buka Blahi Ka Cheke Holo

⁹ Mare ginauna cheke eghu, ‘Naugna naiknore ne theome leghuni nogna nhaꞌa cheke Lord nodi God teke loku baludi mare na. Mare tarai nei loku ranghidi eghu keha god delei!’ ”

Profet Jeremaea 22:9 ပူးပေါင်းရင်းမြစ်များ

Fapea Kronikols 34:25

Naugna naiknore ne tirodi ghau iara ne gahu insens ka keha god delei, eghuteuna puhidi mare igre te thono diꞌatagudi fara iara re. Eghume iara ginauna na fakakhana diꞌatagu na ka mare, eghuteuna diꞌatagu iara igne theome tangomana te gnafa na.’ ”

Fapea Kings 22:17

Naugna nogu naikno iara igre neke tei koko ghau iara neke gahu insens ka keha god delei, eghuteuna iara thono diꞌatagu fara ka mare eidi gobigna lepo te edi naikno igre. Eghuteuna diꞌatagu iara ka naiknore igne ginauna theo ka huigna.

Profet Jeremaea 50:7

Kate mei mae naoka igre te thafodi nogu naikno iara igre na, mare ne thofno goigonidi fara, jateula lion te ghamu sipu teke snivi ra neu. Mae naoka igre ne cheke eghu, ‘Theome naba ghehati te papara eigna te goigonidi mare na. Naugna mare neke tapla jafra ka nakhibo ranghini Lord, mae ihei teke fablahidi mare na. Mare jateula sipu te au ka vido te au kmana buburu te keli tagna ra eghu. Uve, mare neke tapla jafra ka nakhibo ranghini Lord, mae ihei teke au nodi grouronu tagna mae kuꞌedi mare tifa ra.’

Ululahu Kings 9:8

Eghuteuna Sugablahi igne ginauna na jateula kaisei bukrei thina eghu kolho. Aonu naikno te liu jare na ginauna rhana nodi, nei jaglo nodi eghu fara. Aonu mare na cheke eghu, ‘Naugna unha si Lord te goigoni ni namono igne balugna Sugablahi ignea?’

Profet Jeremaea 9:13

Aonu Lord ne cheke eghu, “Uve, iara neke eni igne, naugna nogu naikno iara igre ne tirodi leghuni nogu vetula iara na, nei jaola tirodi leghuni nabrou teke falalase iara na.

Profet Jeremaea 11:3

Iagho cheke eghu ka mare, ‘God noda Lord tahati maeda Israel igne, mana ne cheke eghu, “Ihei te theome leghuni nogu nhaꞌa cheke iara na, iara ginauna thofno parani mana.

Profet Jeremaea 16:11

Aonu iagho ginauna na cheke eghu ka mare, ‘Lord na neke cheke eghu: Kuꞌemi ghotilo tifa ra, mare neke figri tagru ghau iara, eghuteuna mare neke leghudi god te chaichaghi re neke pogho soru tadi. Uve, mare neke figri tagru ghau iara neke tirodi leghuni chekegu iara na.

Profet Esikiel 12:16

Neuba kate magra, ba kate glehe rofo, ba kate fogra teu igre, iara ginauna snakredi keha ka mare mala karhau, nu na theome kmana kolho eghu. Iara ginauna snakredi keha mala karhau, mala tangomana mare te toutonu ka naiknogna kantri aheva te au mare na eidi puhi mare thedi te tapla jafra ranghini Lord, eghuteuna mala jaola thofno lase fakelini mare te iara Lord.”

Profet Esikiel 39:23

Eghuteuna naiknodi keha kantri te gnafa igre ginauna laseni te theome kelitagu iara ka naiknodi Israel. Uve, mare neke tirodi ghau iara. Eghume iara figri thagrugu na ka mare, eghuteuna iara snakredi mae naoka mala uludi mare, eghuteuna huhurudi keha ka mare mala lisei faleghu nodi glose re mala tei au ka keha kantri te khaba fara, eghuteuna keha ka mare lehe ka magra.

Diutronomi 29:24

Eghuteuna naiknodi keha namono are ginauna ghusna eghu, ‘Naugna unha si Lord te goigoni glose ignea? Naugna unha si mana te diꞌatagna fara gnea?’

Profet Jeremaea 11:10

Mare figri neke edi puhi teke edi mae kuꞌedi tifara ne tirodi fanomho ka nogu cheke iara re. Mare theome gnafa te tarai ka mumuju god na. Hatimare mae Israel tifara nei hatimare mae Juda gognarogre, mare kafe huhughuni u nhaꞌa cheke teke eni iara baludi mae kuꞌedi mare tifara.