Profet Jeremaea 22:3 - Buka Blahi Ka Cheke Holo

³ Lord ne cheke eghu: Ghotilo mala leghuni kolho puhi te keli nei doglo teuna. Ghotilo toghoni mae ihei te blau mare nogna glepore igne. Ghotilo thosei chaghidi ba falehedi naikno te mei funudi ka kantri delei, ba thau tela lehehi khetodi, ba goro sua tela lehehi idodi ba kmadi. Eghuteuna ghotilo thosei fiti falehedi naikno te au ka namono igne.

Profet Jeremaea 22:3 ပူးပေါင်းရင်းမြစ်များ

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Profet Jeremaea 22:17

Nu iagho King Jehoiakim, fariu riu mala atha glepo ka puhi te theome doglo. Leuleghu fata na, iagho falehedi iheire te theome eni kaisei glepo te diꞌa, iagho fakabru naikno, nei chaghi tafridi iheire te diꞌa.”

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Joel 3:19

Nu kantri Ijep ginauna thofno diꞌa theo tokagna. Kantri Idom ginauna mala kaisei namono nagou, eghuteuna theo kaisei glepo te keli nate au tagna na. Naugna naiknogna namono igne neke mei goigonini kantri Juda neke falehedi iheire teke theome eni kaisei puhi te diꞌa ranghini ihei.

Profet Jeremaea 9:24

Nu jame ihei te magnahaghei fahaehaghe na, mana fahaehagheni kolho te lase ghau iara Lord. Iara na namhadi fabrahu naikno te au ka nauthoglu igne, nei eni ranghidi fabrahu puhi te doglo na. Igre unha te magnahaghedi iara re.”

Profet Jeremaea 5:28

Leuleghu fata na mare ima gano te keli, mare boho biꞌo thiꞌadire. Mare theome gnafa te eni puhi te diꞌa na, ba puhi te fameomekro na ka goro sua te glehe kokoi. Eghuteuna kate thokedi puhi biꞌo naikno te kuma igre, mare tirodi toghodi nafnata naikno igre.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Proveb 23:10

Iagho thosei riu peg gna vido glose teke lilisei teke mei mae biꞌo tifa ra. Iagho thosei hata nodi vido glose iheire tela lehehi idodi kmadi ra.

Nodi Khoje Hatimare Mae Jiu 68:5

God mae ihei te au teu ka nogna suga te blahi na, mana reireghidi goro sua te glehe kokoi, ba goro gaꞌase te lehe khetodire.

Fapea Kings 24:4

Mana neke aknu falehe kmana naikno te theo nakhibodi igre Jerusalem, eghuteuna Lord na theome tangomana te hata fadelei nakhibo igre.

Diutronomi 24:7

“Jame kaisei mae lokini mae kheragna na eghuteuna huhuruni mana mala nogna naikno sneka, ba foli mala kaisei nogna sneka, te eghuna, ghotilo aknu falehe mae igne. Ghotilo aknu falehe mae igne mala koko puhi te diꞌa igne ka ghotilo.

Profet Jeremaea 26:16

Nu mae biꞌo mala baubatu igre baludi keha naiknore ne cheke eghu ka mae pris nei ka mae profet teure, “Mae igne chekeni koba ka tahati nanghagna Lord noda God. Theome keli tahati te faleheni mae igne na!”

Nodi Khoje Hatimare Mae Jiu 94:21

Hatimare roghe fodu ka puhi te diꞌa mala falehedi naikno te keli re.

Nodi Khoje Hatimare Mae Jiu 94:6

Mare falehedi naikno biꞌo tela lehehi khetodira, nei goro sua glehe kokoi gre eghu. Uve, mare jaola falehedi naikno phosa te au balumi ghehati kau kantri igne.

Thoutonu Eigna Mae Job 24:9

Naikno te diꞌa puhidi igre hata sua tela lehehi kmadi re, neubane chuꞌu neu ka idogna na. Uve, mare hata thudi naikno te kumare, mala ke tughu fapulo nodi kaoni re.

Thoutonu Eigna Mae Job 22:9

Iagho tirou toghodi iheire te lehe khetodi, eghuteuna iagho jaola goigoni goro sua glehe kokoi.

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Diutronomi 27:19

“ ‘Puhi biꞌo ginauna thokeni ihei te theome leghuni puhi te doglo kate fateni naikno phosa nei goro sua te glehe kokoi, nei goro naikno biꞌo tela lehehi khetodi re.’ Eghuteuna naiknore ginauna cheke eghu, ‘Amen!’

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.

Diutronomi 10:18

Mana reireghi fakelidi naikno biꞌo te lehe khetodi re nei naikno glehe kokoi, mala theome chaghidi mare. Mana fakakhana nogna namha na ranghidi naikno phosa te au balumi ghotilo eghuteuna tufa ghedi gano nei nodi pohe.

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Profet Maeka 3:11

Ghotilo mae mala fate gre snakredi naiknore mala famaemahe ghami ghotilo ka sileni. Ghotilo mae pris gre jaola farirhiudi kolho nogna vetula God mala taba. Eghuteuna profet ra jaola rurutha gaoghathodi mifi igre, nu mala sileni kolho. Nu leuleghu fata na, ghotilo gaoghathomi na Lord ginauna reireghi ghami ghotilo fabrahu. Eghuteuna ghotilo cheke eghu, “Lord na au baluda. Eghume ginauna na theo kaisei puhi biꞌo nate thoke ghita.”

Eksodas 22:22

“Ghotilo thosei fakokhoanadi naikno biꞌo nei goro sua eghu te glehe kokoi are.

Matiu 23:23

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo fafara ka God fabothodi ghemi khuromu te ikodi ka nomi thobire. Nu ghotilo theome leghudi kolho glepo te ulu fara ka vetula na igre. Ghotilo mala edi fadoglo gobigna lepo te jafra, nei mala lolokelidi naiknore nei thofno fatutuani ni God. Glepo ikodi igre te mala edi ghotilo re, nu thosei ghatho ihodi langau glepo te biꞌo ka vetula na igre eghu.

Eksodas 22:21

“Ghotilo thosei fakokhoanadi nei paradi eghu naiknodi delei te mei au balumi are. Naugna tifa na ghotilo neke jateula tuana neku Ijep.

Profet Isaia 58:6

“Iara theome magnahagheni nafnata puhi igne. Iara magnahaghei ghami ghotilo te thosei edi nafnata puhi te diꞌa nei goigonidi keha naiknore teu igre. Ghotilo thosei lisa lao gloku biꞌo mala paradi mare, nu ghotilo snakredi mare mala snagla.

Profet Isaia 58:7

Igne puhi te magnahagheni iara na, ghotilo fei ghegna ihei te rofo. Eghuteuna kate filoni ihei te kuma te theo nogna suga na, ghotilo atha meini ka sugamire. Eghuteuna kate filoni ihei te theo nogna pohe na, ghotilo tufa nogna pohe. Eghuteuna ghotilo thosei poruni ihei kherada te mei tore nogna glepo ka ghotilo na.

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Profet Jeremaea 19:4

Iara ginauna eni igne, naugna naiknogna namono igne figri tagru ghau iara ne goigoni namono igne. Mare neke atha mei nodi god keha kantri delei mala pogho soru tadi. Eghuteuna mare gahu gano neke fafara ka god igre. Naikno igre baludi mae kuꞌedi tifa ra, nei hatimare mae king di Juda jaola theome lasedi god igre. Namono igne fodu ka dadaradi naikno te doglo.

Lamentations 3:36

Lord ginauna jaola laseni te theome leghuni mae fate na puhi te doglo na kate fate ghita tahati na.

Profet Esikiel 18:12

Mana goigonidi koba naikno te kuma re eghuteuna mana blau koba. Eghuteuna mae igne loku fapulo koba glepo teke lilisei ka mana mae kheragna fofodu na, mala eni ghu mana kaisei nogna glepo teku na. Kate hata fapulo mae igne unha teke nogna re, mana theome tangomana teke tusu fapulo unha mae igne teke lisei soru teku ka mana na. Mana tei koba ka nodi vido mala tarai mae bongihehe ke kligna thogele, eghuteuna mana tarai koba ka mumuju te thono diꞌa fara.

Profet Esikiel 45:9

Lord God ne cheke eghu, “Iara Lord God te chekeni igne: Ghotilo mae iheire te funei fruni Israel ra, raugha fara te tapla jafra ghotilo ka nakhibo na. Nabahi! Ghotilo lilisei puhi te paradi, nei goigonidi teu ghotilo naiknore igne. Ghotilo mala edi kolho unha puhi te keli nei doglo. Ghotilo thosei huhurudi nogu naikno iara gre mala jifla ka nodi namonore. Igne nogu cheke iara Lord God.

Profet Emos 5:24

Nu iara magnahaghei ghami ghotilo te edi puhi te keli, nei doglo teu igre, eghuteuna puhi igne ginauna au fabrahu ka ghotilo jateula khoꞌu te theome tangomana te moja ra eghu.

Diutronomi 24:17

“Ghotilo leghuni puhi te doglo ka fate na ranghidi naikno phosa nei goro sua te glehe kokoi. Eghuteuna jame kaisei naikno biꞌo tela lehehi khetogna na kaoni ka ghotilo, ghotilo thosei hata nogna pohe na mala ke tughu fapulo nogna kaoni na.

Nodi Khoje Hatimare Mae Jiu 82:4

Uve, ghotilo fakarhidi ka nodi nolaghi mae iheire te thono diꞌa fara puhidi are.

Profet Esikiel 18:7

Mana theome tangomana te parani ihei na. Mana theome tangomana teke loku faleghu kaisei glepo teke lilisei ihei balugna mana mala enighu kaisei nogna glepo teku mana na. Ka teke hata fapulo mae igne unha teke nogna mana re, mana ke tusu fapulo unha teke au balugna mana re. Mana theome tangomana te blau na. Mana tangomana tufa gano ka ihei te theo ghegna gano na, eghuteuna tangomana te tufa pohe ka ihei te theo nogna pohe na.

Profet Emos 5:15

Ghotilo lilisei puhi te diꞌa na mala leghuni kolho puhi te keli na. Eghuteuna ka fate na, ghotilo leghuni kolho puhi te doglo na. Jame te eni ghotilo igne na, God ginauna kokhoni ghami ghotilo naiknomi Israel te karha teu gognaro ra.