Profet Jeremaea 20:9 - Buka Blahi Ka Cheke Holo

⁹ Jame te cheke eghu iara ka gaoghathogu thegu na, “Gognarona iara ginauna na ghatho ihoni Lord. Iara ginauna tirogu toutonu ka nanghagna mana.” Nu kate ghathoni iara igne na, glamnagu iara na brana jateula khaꞌaghi eghu. Eghuteuna iara haimidi nhubragu fateote'o re jateula te gnhubra eghu. Iara fariu riu mala haboni glamnagu na, nu iara theome tangomana te eni igne na.

Profet Jeremaea 20:9 ပူးပေါင်းရင်းမြစ်များ

Nodi Khoje Hatimare Mae Jiu 39:3

Glamnagu na iara nanga nogu fara. Eghuteuna kate ghaoghathoni teu iara puhi igne na, gaoghathogu iara na raꞌe diꞌa ne tei jafra fara. Eghume gognaro na iara theome tangomana te au kmu na. Theo fara.

Mae Khuru 4:20

Ghepa theome tangomana te gnafa na. Ghepa magnahagheni fara te toutonu eidi unha teke filodi nei nomhidihi teku ka mae Jisas re.”

Profet Esikiel 3:14

Aonu nogna nolaghi God igne pala ghau iara ne tei ka maloa, eghuteuna Lord ne habo ghau iara ka nogna nolaghi biꞌo na. Nu iara theome keli gaoghathogu ne diꞌatagu fara.

Mae Khuru 17:16

Kate ofodi mae Silas ghe mae Timoti teu Atens na, mae Pol ne diꞌanagnafa fara, naugna mana laseni namono igne fodu ka mumuju.

Profet Jeremaea 6:11

Iara gognarona jaola diꞌatagu fara ka mare, jateula teke diꞌatamu iagho, Lord, ka mare ra eghu. Eghume, iara theome tangomana te loku famaku ka nagnafagu na diꞌatagu igne.” Aonu Lord ne cheke eghu ka iara, “Iagho atha tei diꞌatagu iara igne mala toatofa ke klignadi goro sua te nolo tafri ka nabrou are, ba ka goro mae majaghani te khapru fodu teu, ba ka goro mae biꞌo nei khetodi, ba goro naikno biꞌo teu are mala kafe haimini te diꞌatagu iara na.

Luku 9:62

Mae Jisas ne cheke eghu ka mana, “Mae ihei te snakredi keha naiknore te mala fanogrini nogna gloku God na, mana theome nabagna te au baludi naikno te funei frunidi God re.”

Mae Khuru 18:5

Aonu mae Silas ghe mae Timoti gre ne mei funudi Masidonia mala loku balugna mae Pol Korin. Ke leghugna igne, mae Pol ne toutonu ranghidi koba naiknore u Nonomho te Keli igne leuleghu narane mala laseni mare mae Jisas gne ngala mae Kraes na.

Profet Jeremaea 4:19

Iara diꞌa nagnafagu fara, eghuteuna iara haimini te kabru ka thiꞌagu na. Iara theome tangomana te au snoto na, naugna iara nomhidi naogladi khufli, nei nomhidi hatimare mae naoka te eha fabiꞌo kate posa mei mare ka magra na.

Profet Jeremaea 23:9

Mae Jeremaea ne cheke eghu, “Iara ghathoni Lord eidi nogna cheke te keli nei doglo teu igre, eghuteuna kate ghathodi iara mae profet igre, iara ne thofno diꞌa nagnafagu fara. Aonu iara ne mhaghu nogu fara ne nghali tongana nhubragure. Iara ne jateula mae te koꞌu te salaꞌui ka waen te ghilei fagoigoli ra neu.

Profet Jeremaea 23:29

Chekegu iara na jateula khaꞌaghi nei jateula hama biꞌo te mala tuge thina biꞌo te nghuja ra eghu.

Profet Esikiel 3:3

Mana ne cheke eghu, “Maegna ka nauthoglu. Ghamu sagho buka te tusu ari iara ka iagho gognaro igne mala boho iagho.” Aonu iara ne ghamu buka igne, eghuteuna buka igne thofno mamahe fara jateula jurukuli eghu.

Profet Emos 3:8

Kate eha fabiꞌo lion na, mae te nomhini igne ginauna mhaghu nogna fara. Eghuteuna kate cheke fabiꞌo Lord na, mae te nomhi chekegna mana igne ginauna cheke fajiflani chekegna mana na.

Profet Jona 1:2

“Iagho tei ka namono biꞌo Ninive. Toutonu ka naikno te au ka namono biꞌo tuana, naugna iara filoni puhidi mare na thono diꞌa fara.”

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.