Profet Jeremaea 20:4 - Buka Blahi Ka Cheke Holo

⁴ Igne unha te chekeni Lord eimu iagho na, ‘Iara ginauna na eni kaisei glepo te diꞌa mala thoke nigho iagho, eghuteuna iagho baludi mae kheramu are ginauna mhaghu fara. Iagho ginauna filou mei mae naokare mala aknu falehe kheramu iaghore. Jaola, iara ginauna snakre lao ghami ghotilo naiknomi Juda te gnafa ra ka khamegna king gna Babilonia. Kehare ginauna na aknu falehe, eghuteuna kehare ginauna atha tei mala sosolo Babilonia.

Profet Jeremaea 20:4 ပူးပေါင်းရင်းမြစ်များ

Profet Jeremaea 29:21

Lord mae ihei te au nolaghi fateote'o, nei nodi God mae Israel teu igne ne cheke eghu, “Ehab thugna mae Kolaea ghe mae Sedekaea thugna mae Masea igre, phei mae profet chaichaghi. Phei mae igre toutonu chaghi ka nanghagu iara. Eghume, iara ginauna lisa laodi phei mae igre ke parigna nogna nolaghi King Nebukadnesa. Eghuteuna mana ginauna falehedi phei mae igre ke ulumi ghotilo.

Profet Jeremaea 25:9

iara ginauna kilo meidi kantri ke raru are. Eghuteuna iara ginauna na jaola kiloni mae Nebukadnesa mae king gna Babilonia, mala mei roꞌeni Juda baludi namono te gnafa te au faligohoni namono tuana. Iara ginauna na roꞌeni kantri igne mala krogha fabrahu. Eghuteuna naikno te gnafa te mei salaꞌu ka vido igne ginauna jaglo nodi balu mhaghu, nei cheke fadiꞌadi eigna unha te eni mare na.

Profet Jeremaea 19:15

“Lord mae ihei te au nolaghi fateote'o, nei nodi God mae Israel teu igne ne cheke eghu, ‘Fanomho fakeli ghotilo ia! Ghotilo naiknomi Jerusalem, nei iheire te au ka vido rhegna namono Jerusalem, phaꞌumi ghotilore maku fara jateula thina eghu theome magnahaghei te nomhini chekegu iara na. Eghume, puhi biꞌo ginauna thoke mei ka ghotilo.’ ”

Profet Jeremaea 6:25

Tahati theome tangomana te jifla kosi na, ba te tei ka nabrou na, naugna mae naoka igre la tarabanahi te mala falehe ghita na. Uve, kmana glepo fara te au falithui ghita te mhaghudi tahati re.”

Nodi Khoje Hatimare Mae Jiu 73:19

Iagho ginauna ghosei goigonidi kolho naikno tuare, eghuteuna glehedire naikno tuare ginauna thono diꞌa fara.

Fapea Kings 25:7

Mare filo neu mae Sedekaea ne aknu falehe thugna mana re. Eghuteuna mare ne bilo koko phei tathagna mae Sedekaea re, aonu mare ne haru phei khamegna manare ka chen hata ne tei Babilonia.

Ululahu Samuel 2:33

Iara ginauna tathaji kaisei mae kolho ka iheire nate karha mei ka ghotilo thoghei ro, mala nogu pris iara. Nu mana ginauna na au diꞌanagnafa nei tanhi eghu ghilei kabru tathagna re. Eghuteuna keha sua ka tharaknamu iagho igne ginauna lehe.

Profet Jeremaea 13:10

Naikno te diꞌa igre tirodi leghu ghau iara. Mare theome fanomho, nu mare leghuni kolho unha te magnahagheni thedi na. Mare leghudi nei tarai eghu ka nodi god mae bongihehe. Naugna igne, naikno igre ginauna theo nafudi jateula pohe te theo nafugna te theo kaisei naikno te magnahaghei pipichi ka pohe tuana.

Profet Jeremaea 13:19

Mare la bobothohi grengathadi namono biꞌo ka nohi Negev ke mata Juda, eghuteuna theo kaisei naikno na teke tora na. Naugna mae naokare la mei athahi naiknodi Juda ra mala tei sosolo ka keha kantri delei.

Profet Jeremaea 20:6

Eghuteuna iagho ghema Pasur, mae naokare ginauna atha nigho iagho baludi iheire te au ka khora sugamu na mala tei sosolo Babilonia. Eghuteuna iagho baludi mae kheramu teke toutonu chaichaghi iagho ka mare ra, ghotilo te gnafa na ginauna lehe ka namono igne, eghuteuna mare ginauna giugilu ghami ghotilo jare.’ ”

Profet Jeremaea 46:5

Nu unha glepo si ignea? Uve, iara filodi mae soldiadi Ijep igre mare mhaghu nodi fara. Mare suaraghi rikha kela figri. Mare theome tangomana teke filo fapulo na, naugna mae naoka uludihi mare. Eghuteuna glepo kmana fara au faligohodi mare.

Profet Jeremaea 52:24

Nebusaradan mae ihei te komanda ka nogna armi king igne, mana ne lokidi mae pris ulu Seraea, ghe pris Sefanaea baludi thilo mae biꞌogna nogna Sugablahi Lord.