Profet Jeremaea 20:2 - Buka Blahi Ka Cheke Holo

² Mae pris Pasur ne cheke ranghidi nogna mae glokure mala purini mae profet. Aonu mare ne liliseini mana rhegna nogna Grengatha mae Benjamin ka thogele ke raru Sugablahi. Aonu mare ne haruni mana farihoteidi phei thaba mala au papara mana.

Profet Jeremaea 20:2 ပူးပေါင်းရင်းမြစ်များ

Profet Jeremaea 37:13

Nu kate posa lao mana ka grengathagna bara te kiloi mare, Nogna Grengatha Benjamin teu igne, kaisei nodi komanda mae soldia te mala reireghigna grengatha igne, ne lokini mana. Nanghagna mae komanda igne, mae Iraeja, thugna mae Selemaea, thugna mae Hananaea. Mae Jeremaea theome jifla ngau kosi, nu mae komanda igne fasnotoni mana ne cheke eghu, “Hei! Iagho rikha ghami ghehati mala tei au baludi mae Babilonia!”

Profet Sekaraea 14:10

Eghuteuna ka vido te gnafa ka glose igne, funu ke raru Geba tei posa ke mata Rimon, ginauna nake sare. Nu Jerusalem ginauna au thegna ka nogna vido kligna ka thogele. Gringni gna na ginauna funu ka Grengatha gna Benjamin tei ka Grengatha Tifa na tei posa fei Grengatha Sulukhu. Eghuteuna funu ka nogna suga mala toetoe mae Hananel, tei thokeni nogna vido mala ei waen malagna king.

Profet Jeremaea 1:19

Mare ginauna diꞌatadi fara ka iagho, nu mare ginauna na theome tangomana te tapla fapari nigho iagho na. Naugna iara ginauna na au balumu iagho mala reireghi fakeli nigho. Igne chekegna Lord!”

Fapea Kronikols 16:10

Kate nomhini cheke igne, King Asa ne diꞌatagna fara ka Profet Hanani ne koko laoni mana ka suga sosolo. Eghuteuna funu ka narane tuana, mana ne goigonidi keha nogna naiknore.

Profet Jeremaea 36:26

Aonu mae king ne kuruni Jeramel thugna mana na, mae Seraea thugna mae Asriel, nei mae Selemaea thugna mae Abdel teu igre mala tei lokidi mae profet Jeremaea ghe mae Baruk. Nu mare ne theome filodi mae Jeremaea ghe mae Baruk, naugna Lord ne pophorudi phei mare.

Profet Jeremaea 29:26

‘Sefanaea, Lord na vahi nigho iagho mala tughuni mae Jehoeada mala mae pris ulu ka nogna Sugablahi Lord. Iagho tangomana te lokini kaisei mae fameomekro te loku jateula kaisei mae profet teu ana. Iagho loki khame gna nei ghahe gna teu manare fari hotei thaba, aonu fabaꞌo lao kaisei chen aean ka grara gna mana na.

Fapea Kronikols 24:21

Nu king ne kaisei gaoghatho baludi nogna mae biꞌo re mala falehe mae pris igne. King ne chekedi mare ne fadini mana ka thina ne ghilei lehe ka glalaba ke ulugna nogna Sugablahi Lord.

Ululahu Kings 22:27

Iagho chekedi phiamare mala lilisei mae igne ka suga sosolo. Eghuteuna faghamuni ka bret moja nei khoꞌu eghu kolho ghilei ke pulo mei iara ka magra.”

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Mae Khuru 5:40

Mare kilo fapulodi mae khurure ne puphuri. Eghuteuna mare ne cheke faheta ranghidi mare mala thosei ke cheke ka nanghagna mae Jisas. Ke leghugna igne mare ne snakre teidi mae khurure.

Mae Khuru 5:18

Eghume, mare lokidi mae khurure ne koko lao kau suga sosolo.

Mae Khuru 4:3

Mare lokidi mae Pita ghe mae Jone ne tei koko laodi ka suga sosolo. Mare magnahaghei fatedi phiamare, aonu phiamare au jare ne ghilei hamerane naugna la rafihi.

Matiu 21:35

“Hatimare mae greireghi nagare igre ne lokidi mae gloku igre. Kaisei ne puphuri, keha na ne falelehe nei fatilo na ne fada falehe ka thina.

Profet Jeremaea 26:8

Nu kate cheke te gnafa mae Jeremaea gobigna lepo teke chekedi Lord ka mana igre na, mae pris, mae profet nei naikno te gnafa teu igre ne lokini mae Jeremaea ne eha eghu fabiꞌo, “Iagho mala lehe!

Thoutonu Eigna Mae Job 13:27

Iagho reri phei ghahegu iara gre, eghuteuna iagho filo leghudi gobigna lepo teke edi iara ra. Eghuteuna iagho filo ka glose na mala filo glanidi ghahegu iara gre ka vido te gnafa aheva teke tei iara tadire.

Fapea Kronikols 18:23

Aonu profet Sedekaea nomhini igne ne haghe ne taponi Maekaea, ne cheke eghu, “Faꞌunha ne jifla ka iara ne ari cheke ka iagho si Tharunga gna Lord gnea? Cheke igne theome tutuani?”

Thoutonu Eigna Mae Job 33:11

Te chekeni iagho na mana haru phei ghahemu iagho re, eghuteuna mana filo leghudi gobigna lepo teke edi iagho re.’

Ululahu Kings 13:4

Kate nomhini King Jeroboam unha te chekeni nogna mae gloku God eigna olta igne, mana kegra neu rhegna olta na ne ngafa haghe khamegna na ne tusu lao ka mae profet igne, ne cheke eghu, “Lokini mae tuana!” Nu khamegna mae Jeroboam teke tusu lao ka mae profet igne megeinga ne lehe, ne theome tangomana te glomno na.

Profet Jeremaea 26:10

Kate nomhini igne, nodi mae mala baubatu mae Jiu igre ne kafe jifla mei ka nogna suga king na. Mare mei ka Sugablahi igne ne gnokro soru ka nodi sape mala fate te au rhegna grengatha te kiloi mare Grengatha Majaghani.

Profet Jeremaea 37:21

Aonu King Sedekaea ne cheke faheta ka nogna mae soldiare mala liliseini kolho mae Jeremaea ka kaisei vido ka nogna suga na. Aonu mae profet Jeremaea sosolo neu kolho ka vido igne. Eghuteuna leuleghu narane na, nogna mae soldia mae king igre mare tusu ranghini mana famane bret te keli ne ghilei thoke ka narane te theo bret na.