Profet Jeremaea 2:4 - Buka Blahi Ka Cheke Holo

⁴ Ghotilo tharakna te gnafa ka vikegna Israel ra, fanomho mei ka iara.

Profet Jeremaea 2:4 ပူးပေါင်းရင်းမြစ်များ

Profet Maeka 6:1

Ghotilo mei ka nogna kot Lord igne mala fanomho fakeli ka cheke nate chekedi Lord ka ghotilo igre! “Lord, mei mala chekedi iagho nou cheke re ka naiknore. Iagho cheke faheta, eghuteuna thogele nei gukhu teu igre tangomana te nomhidi nou cheke iagho re.

Profet Hosia 4:1

Ghotilo naiknomi Israel, ghotilo fanomho fakeli ka nogna cheke Lord igne! Mana na cheke eghu, “Theo kaisei naikno ka ghotilo nate thofno leghu ghau iara na, nei jaola theo kaisei ka ghotilo nate ghatho tahu ghau iara na. Ghotilo te gnafa na theome filo glani ghau iara te nomi Lord ghotilo na.

Profet Jeremaea 34:4

“ ‘King Sedekaea, iagho fanomho fakeli ka nogna cheke Lord igne! Lord na ne cheke eghu, Iagho ginauna na theome lehe ka magra.

Profet Jeremaea 33:24

“Naugna unha sagho te fanomho ka nodi cheke naiknodi keha kantri igrea? Mare cheke eghu, ‘Ulu lahu na Lord neke vahidi naiknodi Israel nei naiknodi Juda te mala nogna thegna. Nu gognarona mana la tirognadihi.’ Eghume mare filo faparidi nogu naikno iara re, eghuteuna mare theome ghathoni ghotilo te kaisei naikno kolho na.

Profet Jeremaea 31:1

Lord ne cheke eghu, “Ka narane nate mei ginau igne, iara ginauna nodi God vike te gnafa Israel, eghuteuna mare nogu naikno iara.”

Profet Jeremaea 19:3

Igne thoutonu te magnahagheni iara te mala chekeni iagho na: Ghotilo mae king di Juda nei naiknomi Jerusalem teura, fanomho fakeli ka nogna cheke Lord igne. Lord mae ihei te au nolaghi fateote'o, nei nodi God mae Israel teu igne ne cheke eghu, ‘Iara ginauna eni kaisei puhi biꞌo mala thokeni namono igne. Eghuteuna ihei te nomhini thoutonu igne ginauna rhana fara.

Profet Jeremaea 13:15

Ghotilo fanomho fakeli ka cheke igne, thosei maku nagnafamire, naugna Lord na cheke ka ghotilo.

Profet Jeremaea 7:2

“Iagho tei kegra ka grengathagna nogu Sugablahi iara na mala toutonu eghu ranghidi nogu cheke iara igre: “ ‘Ghotilo naiknomi Juda te ruma mei ka grengatha igne te mala mei tufru soruni Lord ra, fanomho fakeli ka nogna cheke mana igne.

Profet Jeremaea 5:21

Ghotilo fanomho fakeli ka nogu cheke iara igne! Ghotilo iheire te fameomekro nei theome laseni kaisei glepo teura. Ghotilo iheire te filo, nu theome filo glani kaisei glepo teura. Ghotilo iheire te fanomho, nu theome nomhi fakelini kaisei glepo teura.

Profet Jeremaea 2:3

Ka narane tura ghotilo naiknomi Israel gre neke nogu naikno blahi iara. Ghotilo neke jateula gano majaghani ka nagare ra neku neke fafara mei ka iara nakarhami na. Kate mei fariuriu goigoni ghami naiknore, iara neke kegra tughu ghami ghotilo neke goigonidi mare.” Igne nogu cheke iara Lord.

Profet Jeremaea 2:5

Lord ne cheke eghu, “Unha neku iara ka kuꞌemi ghotilo tifa ra site tei koko ghau iara ghotilo gnea? Mare neke tarai ka mumuju god te theo nakarha tadi. Eghuteuna mare jateula mumuju god teke sari thedi tura neku neke jaola neke theo nafudi kolho.

Profet Jeremaea 10:1

Ghotilo naiknomi Israel, fanomho fakeli ka unha te chekeni Lord ka ghotilo igne.