Profet Jeremaea 2:3 - Buka Blahi Ka Cheke Holo

³ Ka narane tura ghotilo naiknomi Israel gre neke nogu naikno blahi iara. Ghotilo neke jateula gano majaghani ka nagare ra neku neke fafara mei ka iara nakarhami na. Kate mei fariuriu goigoni ghami naiknore, iara neke kegra tughu ghami ghotilo neke goigonidi mare.” Igne nogu cheke iara Lord.

Profet Jeremaea 2:3 ပူးပေါင်းရင်းမြစ်များ

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Profet Isaia 41:11

“Iheire te diꞌatadi ka ghotilo na, mare ginauna mamaja nodi fara, naugna mare ginauna nigra ka magra. Eghuteuna iheire te magri ghami ghotilo tuare, mare ginauna kafe lehe na theo nafudi kolho.

Letas Teke Riso Tei Mae Pol Ka Khiloau Rom 11:16

Jame te kulu fafara lao tahati katha vido bret ka God na, u bret thongana tuana la nogna God hila. Jame glathigna kaisei gaju na nogna God gregere ginauna jaola nogna God.

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Profet Jeremaea 50:7

Kate mei mae naoka igre te thafodi nogu naikno iara igre na, mare ne thofno goigonidi fara, jateula lion te ghamu sipu teke snivi ra neu. Mae naoka igre ne cheke eghu, ‘Theome naba ghehati te papara eigna te goigonidi mare na. Naugna mare neke tapla jafra ka nakhibo ranghini Lord, mae ihei teke fablahidi mare na. Mare jateula sipu te au ka vido te au kmana buburu te keli tagna ra eghu. Uve, mare neke tapla jafra ka nakhibo ranghini Lord, mae ihei teke au nodi grouronu tagna mae kuꞌedi mare tifa ra.’

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Profet Jeremaea 12:14

Lord ne cheke eghu, “Iara ginauna atha fadelei naikno te diꞌa te au falithui ni nodi glose nogu naikno iara Israel. Uve, iara ginauna na jateula igne eghu na jaola atha fadelei naiknodi Juda igre ka nodi namono re.

Diutronomi 14:2

Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Naba 18:12

“Iara ngala teke tufa ari oliv oel nei waen majaghani nei famane gano teu ka ghotilo are. Eghume leuleghu finogha na, ghotilo ginauna tufa mei gano saro uludi ka nagare re ka iara Lord.

Letas Teke Riso Tei Mae Pol Ka Khiloau Rom 16:5

Iara jaola magnahaghei kubaedi naikno khiloau te salo fodu ka sugadi repa na. Ghotilo kubaeni thofno kheragu iara mae Epaeneta, mana mae ulu lahu te leghuni Kraes ka Provins Esia.

Profet Sekaraea 1:15

Nu iara diꞌatagudi fara naiknodi keha kantri te fahaehaghe fara nei ghathoni nakarha na blagna kolho teu igre. Tifa na iara neke theome raꞌe diꞌatagu kolho ka mare, nu gognarona mare paradi nogu naiknore salaꞌuni unha te magnahagheni iara na.’

Profet Joel 1:3

Ghotilo toutonu ranghidi thumire glepo igre. Eghuteuna thumi ghotilo are ginauna jaola mala ke toutonu ranghidi thudi gaꞌase nei thudi nalhaꞌu nate karha mei thogheiro re.

Profet Jeremaea 30:16

“Nu jame te mei mae naokare te goigoni ghami ghotilo na, iara ginauna goigonidi mare. Eghuteuna jame te mei mae naokare te blau nomi glepo ghotilore, iara ginauna blau nakarhadi mae igre. Iara ginauna edi glepo igre mala jifla kokoni mare nodi thofno namono na mala tei au ka vido te theome nodi mare.

Profet Isaia 47:6

Tifa na iara diꞌatagu fara ka nogu naiknore naugna mare ne theome leghuni puhigu iara na. Iara neke nhaꞌa sorudi ke parigna nou nolaghi iagho, nu iagho neke goigonidi kolho, eghuteuna iagho neke theome kokhonidi kolho naiknore. Neubane mae khuekuꞌe mare, iagho paradi fara.

Diutronomi 26:19

Eghuteuna te chekeni mana na, mana ginauna fablahi ghami ghotilo mala au nangha biꞌo ghotilo salaꞌudi keha naikno ka nauthoglu igne, eghuteuna mare ginauna thofno ghatho tahu ghami ghotilo. Eghuteuna ghotilo ginauna nogna naikno blahi Lord nomi God, thofno jateula teke nhaꞌa chekenihi mana ia eghu.”

Eksodas 23:16

“Ghotilo mala jaola ke ghatho fapuloni narane biꞌo teke funu atha gano majaghani teke joꞌu ghotilo ka nomi nagare ra. “Nei ghotilo mala ke ghatho fapuloni narane biꞌo teke au teku ghotilo ka suga tapuale ra, ghotilo neke kulu ukli sisi grep mala eni waen nei oliv mala eni oliv oel neku neke thokei mei nga ka nhigra nakhete na.

Eksodas 22:29

“Ghotilo thosei thodo te atha wit nei oliv oel nei waen mala fafara ka iara. Thumi nalhaꞌu teke kulu karha ka ghotilo are, nei

Profet Emos 6:1

Kokhoni ghami fara ghotilo naikno te au fakeli ka Thogele blahi Saion, nei naikno te au ka namono biꞌo Samaria. Te ghathoni ghotilo na, theo kaisei glepo nate goigoni ghami na eghu. Kokhoni ghami fara ghotilo mae funei te fnakno te au ka kantri Israel, eghuteuna naiknore mei hiro nodi thotogho ka ghotilo.

Profet Jeremaea 2:4

Ghotilo tharakna te gnafa ka vikegna Israel ra, fanomho mei ka iara.

Profet Habaku 1:11

Kate ruma lamna na, mare goigoni salaꞌui jateula saeklon te goigonidi gobigna lepora eghu. Mae igre thofno diꞌa fara salaꞌui puhidire, naugna mare fatutuani kolho ka nodi nolaghi thedi. Igne ngala te jateula nodi god teu mare na.”