Profet Jeremaea 2:23 - Buka Blahi Ka Cheke Holo

²³ Lord ne cheke eghu, “Naugna unha si ghotilo te chekeni koba ne theome tarai ka god Baal teu gnea? Ghaoghatho fakeli si ghotilo eidi glepo te diꞌa te edi ghotilo jare ka gloha Hinom! Ghotilo jateula kamel gaꞌasegna te hiro kamel nalhaꞌugna teu te tei tafri te theome au snoto ra eghu puhimire.

Profet Jeremaea 2:23 ပူးပေါင်းရင်းမြစ်များ

Profet Jeremaea 7:31

Mare horo kaisei olta te kiloni mare, Tofet, ka Glogu Hinom. Aonu mare gahu ka khaꞌaghi thudi nalhaꞌu nei thudi gaꞌase teure ka olta igne mala fafara ka mumuju. Nu iara neke theome chekedi mare te mala eni puhi igne. Nafnata glepo te eni mare igne neke theome jifla mei ka gaoghathogu iara na.

Proveb 30:12

Keha maere ne doglo eghu ka gaoghathodire, nu mare theome thofno snagla ka nakhibo.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Luku 10:29

Nu mae igne magnahaghei te falalase ka naiknore puhigna thegna te doglo fara na ne cheke eghu, “Mae ihei gne mae kheragu fofodu iara te mala namhani iara na?”

Profet Jeremaea 31:22

Lord namha ghami fara ghotilo, nu ghotilo tei kokoni fabrahu mana. Niha nau ame ke pulo mei nga ka mana si ghotilo ia? Lord ginauna eni kaisei glepo majaghani fara ka nauthoglu igne. Naiknodi Israel igre ginauna loku famaku ka nodi Lord na, jateula gaꞌase te loku famaku ka kheto gna na ia eghu.”

Profet Jeremaea 9:14

Mare patu gama fara, ne fanomho ka nodi fari rhiu mae kuꞌedi tifa ra ne leghuni Baal.

Profet Jeremaea 3:2

Filo si ghotilo ka thogele te theome karha kaisei glepo tagna ana! Ghotilo tei tarai ka nomi god re ka thogele tuare, igne jateula mae ihei te lilisei khetogna na teke tolaghi ka keha gaꞌase delei ra eghu. Leuleghu fata na ghotilo poru ka geri nabrou mala lokidi iheire te mei salaꞌu jare na. Ghotilo jateula mae blau te poru ka vido te gou te mala atha poru nodi glepo naikno te salaꞌu ka vido tuana ra eghu. Ghotilo thofno goigoni glose igne ka puhimi te diꞌare.

Proveb 30:20

“Igne puhigna gaꞌase tholaghi te eni puhi te diꞌa na, naꞌa tei thuru balugna kaisei mae ngau, naꞌa na ghamu nei dadalu eghu, aonu naꞌa na cheke eghu, ‘Iara theome eni kaisei najafra.’

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!

Nodi Khoje Hatimare Mae Jiu 36:2

Naugna mana kaisei mae lase fahaehaghe fara ka gaoghathogna na e cheke eghu, “Iara kaisei mae keli fara. God na theome tangomana te lasedi puhi te diꞌa te edi iara re, eghuteuna mana theome tangomana nate fate ghau iara na.”

Nogna Buka Esta 8:16

Hatimare mae Jiu igre ne thofno gleale'a fara, naugna mare laseni tela uludi nodi naoka gre ka narane igne.

Profet Jeremaea 2:36

Naugna unha si ghotilo te tei tafri te leghudi nodi god keha kantri delei igrea, ba mala togho ghami mare? Hatimare mae Ijep ginauna na theome togho ghami ghotilo jateula hatimare mae Asiria teke theome togho ghami ghotilora eghu.

Profet Jeremaea 14:10

Nu Lord ne cheke eghu, “Naikno igre theome batu fakelidi ghahedire mala leghuni nabrou te doglo na. Eghume, iara Lord na theome keli tagu ka mare. Iara ginauna theome ghatho ihodi puhidi mare te diꞌa igre, eghuteuna iara ginauna paradi mare eidi nakhibodi mare igre.”

Profet Jeremaea 16:10

“Jeremaea, kate chekedi iagho glepo igre ka naiknore, mare ginauna ghusna eghu ka iagho, ‘Naugna unha si Lord te snakreni hoholo biꞌo igne te thoke ghami ghehati gnea? Unha glepo te diꞌa si teke eni ghehati naia? Unha nakhibo biꞌo teke eni ghehati ranghini nomi Lord God na?’

Profet Hosia 1:2

Ka narane igre, God ne cheke eghu ka mae profet Hosia, “Iagho na tei tolaghi ka kaisei gaꞌase, eghuteuna gaꞌase igne ginauna theome ghatho tahuni puhigna tholaghi na. Eghuteuna thugnare ginauna jaola leghuni puhigna idodi na. Nafnata gaꞌase igne ginauna fakakhana puhidi naikno te tei koko ghau iara te tei tarai ka mumuju god igre.”