Profet Jeremaea 2:2 - Buka Blahi Ka Cheke Holo

² “Jeremaea, iagho tei cheke ka naikno te gnafa te au ka namono biꞌo Jerusalem, Lord ne cheke eghu: “Iara ghathoni fabrahu narane teke ghatho tahu ghau iara ghotilo ia. Ka narane igne ghotilo neke thofno namha ghau iara jateula gaꞌase te tolaghi majaghani te namhani fara khetogna na ia neku. Ghotilo neke leghu ghau iara fabrahu ka namono nagou te theome tangomana kaisei naikno te joꞌu gano tagna ia.

Profet Jeremaea 2:2 ပူးပေါင်းရင်းမြစ်များ

Profet Esikiel 16:60

Neuba, iara ginauna tajini nhaꞌa cheke teke eni iara balumu iagho kani teke mae majaghanimu teku iagho ia, eghuteuna iara ginauna nake eni keha nhaꞌa cheke te theo ka gnafagna balumu iagho.

Profet Esikiel 16:8

Aonu iara neke tei salaꞌu keha fata na, kate filo nigho na, iagho biꞌo fara naba tolaghihi. Aonu, iara toku tafru thinimu iagho te soesole na ka nogu pohe brahu na, eghuteuna iara ne eni kaisei nhaꞌa cheke te rheta mala namha nigho iagho. Nogu nhaꞌa cheke te mala tolaghi nigho iagho na, iagho mala khetogu iara. Igne nogna cheke Lord.

Profet Jeremaea 11:6

Aonu Lord ne cheke eghu ka iara, “Iagho tei ka namono biꞌo te au jare Juda nei heva heva Jerusalem mala toutonuni nogu cheke iara igne ka naiknore. Fanomho mei ka cheke te au ke lamnagna u nhaꞌa cheke teke eni iara balumi ghotilo igne, nei leghudi gobigna lepo te chekedi ka nhaꞌa cheke igne eghu!

Profet Jeremaea 7:2

“Iagho tei kegra ka grengathagna nogu Sugablahi iara na mala toutonu eghu ranghidi nogu cheke iara igre: “ ‘Ghotilo naiknomi Juda te ruma mei ka grengatha igne te mala mei tufru soruni Lord ra, fanomho fakeli ka nogna cheke mana igne.

Diutronomi 2:7

“Ghotilo thosei ghatho ihoni Lord, nomi God, mana fablahi ghami ghotilo ka gobigna lepo te edi ghotilo re. Phiatutu finogha te nolo tafri tahati ka namono nagou igne, mana neke reireghi fakeli ghami ghotilo, eghuteuna ghotilo neke theome kmoꞌe ka kaisei glepo.”

Profet Hosia 2:15

Aonu iara ginauna nake tusu fapulo ka naꞌa nagare grep teke hata fadelei iara ka naꞌa tifa ra. Eghuteuna puhi te diꞌa te edi naꞌa igre jateula nabrou te mala tei ka saregna namono Ako teke tei naiknodi Israel tifa ra eghu. Nu iara ginauna na vahini sare igne mala jateula nabrou te keli ra eghu. Ka namono igne na teke pulo mei ka naꞌa gaoghatho te keli na. Eghuteuna naꞌa ginauna nake leghuni nogu cheke iara na, jateula kani teke majaghani teku naꞌa teke jifla mei ka namono Ijep tifa ia eghu.

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Eksodas 14:31

Kate filoni hatimare mae Israel gre nogna nolaghi biꞌo Lord te tapla faparidi mae Ijep gre, mae Israel gre ne pogho soru ka mana, nei ghatho tahuni Lord nei nogna mae gloku Moses.

Matiu 11:15

Uve, ghotilo naikno te fanomho ka iara igre, hiro fakeli gaoghathodi cheke igre.

Luku 12:13

Kaisei mae ka nakhapru na kegra fanomho neu ka nogna cheke mae Jisas re. Mana ne cheke eghu, “Ghema velepuhi, cheke ka mae thabusigu ia mala tufa farihoteimi ghepa glepo teke lehe kokodi mae mama ra.”

Profet Jona 1:2

“Iagho tei ka namono biꞌo Ninive. Toutonu ka naikno te au ka namono biꞌo tuana, naugna iara filoni puhidi mare na thono diꞌa fara.”

Profet Hosia 8:1

Lord ne cheke eghu, “Ghotilo mae sekiuriti ra ifu nomi khufli ra mala nomhini dofrau naiknore. Naoka na ginau soru mei jateula kaisei gaghata eghu mala mei hata nogu kantri iara igne. Naugna nogu naikno iara igre theome leghuni nogu nhaꞌa cheke teke eni iara ka mare tifa ia, nei tirodi nomhini chekegu iara na.

Profet Esikiel 23:19

Nu puhigna naꞌa te jateula thau vine teu igne la diꞌa la tei salaꞌuni narane kani gaꞌase majaghani au teku Ijep ia.

Profet Esikiel 23:8

Naꞌa leghudi kolho puhi te diꞌa teke edi teke mei funu Ijep kani gaꞌase majaghani gna teku naꞌa na. Ka narane tuana, mae nalhaꞌure mei thuru fodu balugna naꞌa, nei loku ka chuꞌugna re, eghuteuna mare lalahu fadiꞌa balugna naꞌa.

Profet Esikiel 23:3

Kani majaghanidi na repa neke au Ijep, eghuteuna repa neke gaꞌase vine. Ka namono tuana, mae nalhaꞌure ne mei thuru baludi repa, ne loku ka chuꞌudi repa re.

Profet Esikiel 16:22

Leuleghu fata na iagho rugusi eidi gloku fameomekro ka puhi vine igne. Eghuteuna iagho theome ghathodi narane teke gogosomu teke soesole tafri, nei pili tafri teku kolho ke lamna dadara teke karha mei tagna na. Igne nogu cheke iara Lord God.’ ”

Profet Jeremaea 19:2

Eghuteuna ghotilo jifla ka grengathagna namono biꞌo Jerusalem te kiloi mare, Grengatha Naphosa Suspen Glose igne mala soru ka glogu Hinom. Ka vido igne iagho ginauna toutonu ka mare cheke teke tusu ari iara ka iagho ra.

Profet Isaia 58:1

Lord ne cheke eghu ka iara, “Iagho eha fabiꞌo jateula naogla khufli eghu! Toutonu ranghidi nogu naikno iara Israel, eigna puhi te figri tagru ghau nei eidi nakhibo teu are.

Famane Khoje 3:11

Mei, ghotilo goro gaꞌasemi ka Thogele Saion! Mei filoni King Solomon! Mana fahaghe nogna khepi nafnakno king teke nhaꞌa lao idogna na ka phaꞌugna mana na, ka narane teke tolaghi mana, igne kaisei narane glealeꞌa biꞌo fara ka nagnafa gna mana na.

Proveb 1:20

Gaoghatho te keli nei doglo teuna jateula kaisei gaꞌase te kegra ka nabrou, ba ka maket te eha ka naiknora eghu.

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Thakle 2:4

Nu kaisei glepo ngala te theome magnahagheni iara ka ghotilo na. Ghotilo la kokohi puhi te keli teke namha ghau iara tifa ia.

Nodi Khoje Hatimare Mae Jiu 129:1

Tore! Ghotilo mae Israel ra, toutonu mei si ghotilo! Funu ka narane teke sneka mae ku'edara ka namono Ijep te ghilei mei posa gognaro gne, naugna unha si mae naoka gre te goigoni ghita tahati gnea?

Profet Jeremaea 2:1

Lord ne cheke eghu ka iara,

Profet Jeremaea 3:4

Eghuteuna gognarona ghotilo eha eghu ka iara, ‘Mama! Funu ka narane teke karhami na tela ghilei mei posa ka narane gognaro gne, iagho neke namha ghami fara ghehati!

Profet Hosia 2:7

Neuba naꞌa ne tei baludi mae nalhaꞌu te magnahaghedi naꞌa are, naꞌa ginauna theome tangomana. Neuba naꞌa ne fariuriu hirodi mare ka vido te gnafa re, naꞌa ginauna theome tangomana nate filodire. Eghuteuna ke leghugna igne, naꞌa ginauna cheke eghu, ‘Iara nake figri ka thofno khetogu ia.’

Diutronomi 33:3

Tutuani, Lord namhadi nogna naiknore. Mana thofno reireghi fakeli ghami ghotilo nogna naikno blahi mana ra. Eghume ghotilo mei mala pogho soru ka mana, eghuteuna mana na farirhiu ghami ghotilo.

Famane Khoje 3:6

Ihei site jifla mei funu ka namono nagou jateula gagahu khaꞌaghi biꞌo teu gnea? Sisirigna gna thofno famane fara, jateula sisirigna famane insens, teke atha teke mei mae bisnis funu ka vido khaba fara.

Profet Hosia 2:17

Iara ginauna nake theome snakreni naꞌa mala cheke fakelini nanghagna Baal.

Profet Hosia 9:10

Lord ne cheke eghu ka naiknodi Israel, “Iara neke vahidi kuꞌemi ghotilo tifa ra mala nogu naikno iara. Ka narane tuare mare neke jateula fig te fuꞌa ulu te muita ra neku. Nu kate tei te posa mare ka thogele Pio igne, mare neke funu tarai neke pogho soru ka mumuju Baal. Kate magnahagheni mare mumuju Baal te diꞌa igne, mare ne jateula mumuju neu ne diꞌa fara.

Profet Hosia 11:1

Lord ne cheke eghu, “Kani teke jateula puhidi sua majaghani ra teku naiknodi Israel igre, iara neke namhadi fara jateula thofno thugu teke karha majaghani ra neku neke hata fajifladi Ijep.