Profet Jeremaea 2:18 - Buka Blahi Ka Cheke Holo

¹⁸ Ba, ghotilo tei ka kantri Ijep mala mei togho ghami mare? Ba, ghotilo magnahaghei tei koꞌu ka Khoꞌu biꞌo Nael? Ba, ghotilo tei ka kantri Asiria mala koꞌu ka Khoꞌu biꞌo Iufretis? Phei kantri igre theome tangomana nate fakarhi ghami ghotilo na!

Profet Jeremaea 2:18 ပူးပေါင်းရင်းမြစ်များ

Profet Hosia 7:11

“Israel gne jateula kaisei balhu te theome lalase te flalo tafri ra eghu kolho. Eigna ulu lahu na mare neke toreni Ijep, eghuteuna ke leghu na mare jaola neke toreni Asiria mala mei toghodi.

Profet Jeremaea 2:36

Naugna unha si ghotilo te tei tafri te leghudi nodi god keha kantri delei igrea, ba mala togho ghami mare? Hatimare mae Ijep ginauna na theome togho ghami ghotilo jateula hatimare mae Asiria teke theome togho ghami ghotilora eghu.

Profet Isaia 31:1

Kokhoni ghami fara ghotilo naikno te soru te hiro thotogho Ijep are! Ba, ginauna na togho ghami nodi hose baludi chariot nei mae soldia te saghe ka hose na are neu si ghotilo ia? Theo fara! Lord nodi God te Blahi maedi Israel, nu ghotilo theome rouronuni mana kolho ba toreni mana mala togho ghami.

Profet Hosia 5:13

“Kate laseni mae Israel igre te jateula te kegra fogra teu te glaꞌe fara thedi na, mare ginauna nake figri nake tei toreni king biꞌo gna Asiria mala mei toghodi. Nu king igne ginauna na theome tangomana nate fakelini fogra biꞌo te thokedi mare igne. Eghuteuna kate filoni mae Juda igre puhi te jateula thubu biꞌo teu te paradi mare igne, mare na jaola figri mala tei toreni king biꞌo gna Asiria mala mei toghodi. Nu king igne ginauna theome tangomana nate famafoni thubu biꞌo te thokedi mare igne.

Profet Esikiel 17:15

Nu king gna Juda igne ne theome leghuni nogna nhaꞌa cheke na. Mana ne fatei cheke Ijep mala hata hose nei armi biꞌo eghu mala mei toghoni nei mala magra ka king gna Babilonia. Ba, jame te eghuna, mana eghuteuna uluni Babilonia? Ba, mana tangomana te rikha na? Theo, mae ihei te huhughuni nogna nhaꞌa cheke na, mala au papara!

Lamentations 4:17

Tahati jaola toetoe fakelini ihei nate mei togho ghita na. Jateula mae te toetoe teu ke kligna thoa ra eghu, tahati ofoni kantri te fofodu ka tahati na mala mei eghu, nu kantri igne theome tangomana kolho te totogho na.

Profet Isaia 7:20

Ka narane igne, Lord ginauna kilodi maedi Asiria mala mei jateula nuri blahi eghu goigonidi namono te gnafa, nagare te gnafa, nei naikno te gnafa eghu ka kantri Juda. Uve, mare ginauna na loki ghami ghotilo mala ghoighori phaꞌumi, thinimi nei gremohomi teu ghotilo re mala mamaja ghotilo.

Profet Isaia 23:3

Leuleghu fata na ghotilo neke kuru tei keha mae neke tei kasa nhorora mala foli wit, nei keha gano eghu te kotu leghui geri Khoꞌu biꞌo Nael ka kantri Ijep mala sabiri ka naiknodi keha kantri are.

Profet Esikiel 16:28

Iagho tapla jafra fabrahu koba baludi mae nalhaꞌu igre, nu iagho theome haimidi kolho jateula te theome totokhei teura eghu kolho ka iagho. Eghume, iagho theome gnafa te leghudi tafri mae nalhaꞌudi Asiria. Mae igre thuru balumu iagho koba, nu iagho haimini jateula te theome naba nga teura eghu ka iagho.

Fapea Kronikols 28:16

Ke leghu, armi gna Idom mei ne magra ka naiknodi Juda. Mare ne hata kmana naikno, ne hata ne tei. Aonu Ehas king gna Juda ne toreni King Tiglat-Pilesa gna Asiria mala toghoni.

Profet Jeremaea 31:22

Lord namha ghami fara ghotilo, nu ghotilo tei kokoni fabrahu mana. Niha nau ame ke pulo mei nga ka mana si ghotilo ia? Lord ginauna eni kaisei glepo majaghani fara ka nauthoglu igne. Naiknodi Israel igre ginauna loku famaku ka nodi Lord na, jateula gaꞌase te loku famaku ka kheto gna na ia eghu.”

Lamentations 5:6

Ghehati lisa soru ghami themi ke parigna nodi nolaghi naiknodi Ijep ghe Asiria mala tangomana ghehati te au gano karha teuna.