Profet Jeremaea 2:16 - Buka Blahi Ka Cheke Holo

¹⁶ Iheire te au ka phei namono biꞌo Memfis ghe Tapanes ka kantri Ijep igre, mare famamaja ghami ghotilo ne ghoighori fagae phaꞌumi ghotilore.

Profet Jeremaea 2:16 ပူးပေါင်းရင်းမြစ်များ

Profet Jeremaea 46:14

“Ghema Jeremaea, iagho tei Ijep mala toutonu ka thilo namono igre, Migdol, Memfis nei Tapanes. Iagho cheke eghu: ‘Tarabana mala magra. Naoka na ginauna mei aknu falehe naikno te au faligoho ghami ghotilo igre ka naflahi.’

Profet Jeremaea 44:1

Lord neke tusu lao nogna cheke na ka mae Jeremaea, mala cheke mana ka naikno di Juda te au Ijep. Keha ka naikno igre mare tei au ke raru Ijep ka thilo namono Migdol, Tapanes nei Memfis, eghuteuna kehare tei au ka nohi Patros ke mata Ijep.

Profet Isaia 19:13

Hatimare mae mala baubatu ka phei namono Soan ghe Mefis igre la fameomekro gognarona! Mae biꞌo ka kantri igne baubatu fadiꞌadi naiknore!

Diutronomi 33:20

Vikegna mae Gad, ghotilo cheke fakelini Lord, naugna mana eni ne krepa nomi glose ghotilo na. Ghotilo lase magra jateula kaisei lion te thofno ghamu fahui khamegna ba phaꞌugna buluka teke kathu falehe thegnara neu.

Profet Esikiel 30:16

Iara ginauna gnubra khaꞌaghi kantri Ijep, eghuteuna naiknodi Pelusium ginauna papara fara! Iara ginauna paꞌe soru gringnigna namono Tebes, eghuteuna neubane hamerane boibongi mae naoka ginauna mei magra ka namono Memfis.

Profet Esikiel 30:13

“ ‘Lord ne cheke eghu: “ ‘Iara ginauna goigoni fahui mumuju te gnafa te tarai tadi ghotilo maemi Ijep ka namono biꞌo Memfis. Theo kaisei ka vikegna king nate au Ijep te mala funei fruni ni kantri igne, eghuteuna naikno te gnafa ka namono igne ginauna thono mhaghu nodi fara.

Profet Jeremaea 46:19

Ghotilo naiknomi Ijep, ghotilo tarabana, naugna naoka na ginauna mei atha ghami ghotilo mala jifla kokoni ghotilo nomi thofno namonomi na mala tei au ka kantri te khaba fara. Namono biꞌo Memfis igne ginauna na thono diꞌa fara, eghuteuna theo kaisei naikno nate au tagna na.

Fapea Kings 23:33

King Neko gna Ijep haruni mana ka chen hata ne tei sosolo Ribla kaisei namono ka nohi Hamat, mala theome tangomana mana teke funei fruni Juda na. King Neko ne huhurudi naikno di Juda re mala tusu ranghini thilo thogha fati gobi kilo silva, nei tolufulu fati kilo gol.

Fapea Kings 18:21

Iagho rouronu ka king gna Ijep te mala togho nigho na? Nu tuana jateula kaisei fora ikoi te kodo iagho tagna, eghuteuna klopa me fnera iagho khamemu na tagna teu ra eghu kolho. Tuana unha te eni king gna Ijep ka ihei te rouronu ka mana na.

Profet Jeremaea 48:45

“Iheire te fariuriu rikha mala tei poru ka namono Hesbon teu igre ginauna glaꞌe sukha, naugna ka namono tuana nogna suga King Sihon igne ginauna gnhubra ka khaꞌaghi baludi keha suga te au rhegnai. Eghuteuna khaꞌaghi igne ginauna jifla mei mala nhako vido te gnafa ka kantri igne baludi nodi suga iheire te foflo biꞌo gognaro gre.

Profet Hosia 9:6

Ke leghugna narane nate thoke mei puhi biꞌo igne ka ghotilo na, ghotilo ginauna na rikha tafri. Neuba ngau, maedi ka kantri Ijep ginauna mei hata ghami ghotilo mala tei ka sosolo. Eghuteuna ghotilo ginauna au jare ghilei lehe. Eghuteuna mare ginauna na giugilu ghami ghotilo ka namono Memfis, namono biꞌo lahu ka kantri Ijep. Ghotilo ginauna nake theome pulo ka namonomi na. Theo. Nomi suga, nomi silva, nei nomi glepo te keli teu teke khotodi ghotilore ginauna thafru ka soro nei ka gnarho phono.

Profet Isaia 59:13

Ghehati figri tagru nigho nei ghatho iho nigho, nei theome magnahaghei te leghu nigho. Ghehati tei koko nighohi, eigna igne ghehati filo faparidi nei paradi eghu koba keha naiknore. Gaoghathomi fateote'o nei chekemi fateote'o teu igre thofno chaichaghi fara kolho.