Profet Jeremaea 2:12 - Buka Blahi Ka Cheke Holo

¹² Eghume, te chekeni iara Lord na igne, “Maloa, iagho ginauna jaglo nou fara ka puhidi naiknodi Israel te diꞌa fara igre!” Igne chekegna Lord.

Profet Jeremaea 2:12 ပူးပေါင်းရင်းမြစ်များ

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Profet Maeka 6:2

“Ghotilo thogele biꞌo ra, famane fanomho mei! Ghotilo thina mala famamhaku gna nauthoglu igne, neke kegra mei funu tifa, fanomho mei ghotilo! Ghotilo fanomho mei ka cheke te chekedi Lord ka nogna naikno Israel.”

Profet Jeremaea 22:29

Nogu glose iara, nogu glose iara, nogu glose iara! Iagho fanomho fakeli ka chekegna Lord!

Profet Jeremaea 6:19

Ghotilo naikno te gnafa ka nauthoglu ignera, famane fanomho mei! Kaisei puhi biꞌo ginauna thokedi nogu naikno iara igre, naugna mare ne leghuni fabrahu puhi te diꞌa na. Mare theome fanomho ka nogu cheke iara re, nei tirodi leghudi nogu vetula iara re.

Diutronomi 32:1

“Maloa ghe glose, ghopa fanomho ka nogu cheke iara gne, ghopa fanomho fakeli ka unha te chekedi iara igre.

Matiu 27:45

Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Profet Jeremaea 4:23

Ka mifi igne iara ne theome filoni kaisei glepo ka nauthoglu igne. Kate filo haghe iara kligna na, iara ne filoni maloa na ne kafe romno soru.

Profet Isaia 29:9

Ghotilo naiknomi Juda nei Jerusalem! Eni si ghotilo unha te magnahaghei na mala fameomekro nomi. Ghotilo theome dofu, nu ghotilo nolo tafri jateula mae te dofura eghu. Ghotilo theome koꞌu waen, nu ghotilo jateula mae te koꞌu te thaviru ka waen nei beer teu te theome tei fadoglo ra neu.

Profet Jeremaea 18:13

Naugna igne, Lord ne cheke eghu: “Tore! Tei toredi naikno te gnafa ka nauthoglu igne. Ihei te nomhini nafnata thoutonu te diꞌa eigna glepo tuana? Glepo te eni mae Israel igne jateula kaisei gaꞌase majaghani te leghuni puhi te diꞌa na ia eghu kolho.