Profet Jeremaea 19:3 - Buka Blahi Ka Cheke Holo

³ Igne thoutonu te magnahagheni iara te mala chekeni iagho na: Ghotilo mae king di Juda nei naiknomi Jerusalem teura, fanomho fakeli ka nogna cheke Lord igne. Lord mae ihei te au nolaghi fateote'o, nei nodi God mae Israel teu igne ne cheke eghu, ‘Iara ginauna eni kaisei puhi biꞌo mala thokeni namono igne. Eghuteuna ihei te nomhini thoutonu igne ginauna rhana fara.

Profet Jeremaea 19:3 ပူးပေါင်းရင်းမြစ်များ

Ululahu Samuel 3:11

Eghuteuna Lord ne cheke eghu ka mae Samuel, “Fanomho fakeli. Theome raugha iara ginauna eni kaisei glepo te diꞌa fara ka naiknogna kantri igne. Eghuteuna kate nomhini naiknore glepo igne, mare ginauna rhana nodi fara tagna.

Profet Jeremaea 17:20

Iagho cheke eghu ka mae king gna namono biꞌo igne, ‘Ghotilo mae king baludi naiknodi Juda nei Jerusalem te mei ruma ka grengatha igne ra, fanomho mei ka nogna cheke Lord igne.

Profet Jeremaea 6:19

Ghotilo naikno te gnafa ka nauthoglu ignera, famane fanomho mei! Kaisei puhi biꞌo ginauna thokedi nogu naikno iara igre, naugna mare ne leghuni fabrahu puhi te diꞌa na. Mare theome fanomho ka nogu cheke iara re, nei tirodi leghudi nogu vetula iara re.

Profet Isaia 28:19

Bongi narane na puhi biꞌo igne ginauna thoke ghami ghotilo ka namono igne.” Iheire naikno te lase fakelini gaoghathogna nogna cheke Lord igne, ginauna mhaghu nodi fara.

Thakle 2:29

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre.”

Matiu 10:18

Mare ginauna huhuru ghami ghotilo mala kegra ke uludi hatimare mae funei ba hatimare mae King, naugna ghotilo ne leghu ghau iara. Tuana ngala nomi narane ghotilo te mala toutonuni Nonomho te Keli eigu iara na ranghidi iheire te theome Jiu.

Profet Jeremaea 13:18

Aonu Lord ne cheke eghu ka iara, “Iagho tei cheke eghu ka mae king ghe idogna, ‘Ghopa thosei gnokro ka nomi sape nafnakno re, naugna nomi khepi nafnakno ghopa re la theo nafudihi, eghuteuna ghopa theome tangomana te funei fruni ni kantri igne gognarona.’ ”

Nodi Khoje Hatimare Mae Jiu 110:5

Lord na kegra balumu iagho mala faheta nigho iagho. Kate diꞌatagna na, mana ginau magra mala falehedi hatimare mae king.

Nodi Khoje Hatimare Mae Jiu 102:15

Naikno te gnafa ka kantri te gnafa igre ginauna ghatho tahuni Lord. Uve, hatimare mae king ka nauthoglu na gre ginauna na jaola fafnaknoni mana eigna nogna nolaghi biꞌo na.

Nodi Khoje Hatimare Mae Jiu 2:10

Eghume ghotilo mae king te gnafa ra, fanomho fakeli ka cheke te edi iara igre. Ghotilo mae lida ka nauthoglu ra, ghotilo hiro fakelidi gaoghathodi cheke igre.

Profet Jeremaea 19:15

“Lord mae ihei te au nolaghi fateote'o, nei nodi God mae Israel teu igne ne cheke eghu, ‘Fanomho fakeli ghotilo ia! Ghotilo naiknomi Jerusalem, nei iheire te au ka vido rhegna namono Jerusalem, phaꞌumi ghotilore maku fara jateula thina eghu theome magnahaghei te nomhini chekegu iara na. Eghume, puhi biꞌo ginauna thoke mei ka ghotilo.’ ”

Profet Jeremaea 35:17

“Eghume, iara Lord God mae ihei te au nolaghi fateote'o, nodi God mae Israel. Te chekeni iara ka ghotilo na, ‘Jame te tiromi leghu ghau iara ghotilo na, iara ginauna atha mei puhi biꞌo mala thoke ghami ghotilo. Nu kate cheke iara ka ghotilo na, ghotilo tiromi fanomho. Eghuteuna kate kilo ghami iara na, ghotilo tiromi cheke tughu ka iara. Naugna igne, iara ginauna atha mei puhi biꞌo mala thoke mei ka ghotilo Jerusalem nei Juda.’ ”

Profet Jeremaea 18:11

“Eghume, ghema Jeremaea, iagho na tei ka iheire te au ka namono Jerusalem nei ka keha vido Juda mala cheke eghu ka mare, ‘Lord ne cheke eghu: Gognarona iara ghaoghatho mala para fadiꞌa ghami ghotilo. Ghotilo te gnafa na mala koko puhimi te diꞌare, eghuteuna ghotilo mala funu leghuni puhi te doglo na mala edi glepo te kelire.’

Profet Jeremaea 25:29

Filo si ghotilo! Iara ginauna goigonidi naikno te au ka nauthoglu igne. Eghuteuna iara ginauna fufunu glepo igne Jerusalem, ka nogu namono thegu igne. Ba, na theome para ghami iara neu si ghotilo ia? Theo. Iara Lord mae ihei te au nolaghi fateote'o igne ginauna kuru meidi mae naokare mala magra ka vike te gnafa ka nauthoglu igne.

Profet Jeremaea 44:3

naugna naiknore ne leghuni fabrahu puhi te diꞌa na. Iara diꞌatagu fara naugna mare ne gahu insens ka mumuju. Neuba mare baludi kuꞌedi teu tifa ra theome lasedi mumuju te pogho soru mare tadi igre.

Profet Esikiel 7:5

Lord neke cheke eghui, “Puhi biꞌo! Puhi biꞌo la mei, nafnata glepo teke theome filoni kaisei naikno tifa na la mei!