Profet Jeremaea 17:5 - Buka Blahi Ka Cheke Holo

⁵ Lord ne cheke eghu, “Ihei te figri tagru ghau iara, nu rouronu kolho ka nogna nolaghi naikno te mala fakarhini na teuna, iara ginauna fateni naikno tuana mala thokeni hoholo biꞌo.

Profet Jeremaea 17:5 ပူးပေါင်းရင်းမြစ်များ

Profet Isaia 2:22

Ghotilo thosei au nomi grouronu kaisei phile ka naikno, naugna mare theome au raugha lehe kolho. Mare theo nafudi kolho eghuteuna theome tangomana nate togho ghami ghotilo.

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.

Profet Isaia 36:6

Iara lase nigho iagho khogla rouronu kolho ka king gna Ijep. Nu te chekeni iara ka iagho na! Ijep gne jateula kaisei gaju ikoi te nali klopara eghu kolho theome nheta! Jame te fariuriu kodo iagho tagna na, iagho ginauna fnera tagna. Tuana unha nate eni king gna Ijep ka ihei te rouronu ka mana na.

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Nodi Khoje Hatimare Mae Jiu 18:21

Iara leghu fakelini nogna vetula Lord na. Iara neke theome figri tagruni nogu God na, nei iara neke theome eni kaisei puhi te diꞌa.

Profet Esikiel 6:9

Uve, kate au teu mare ka vido aheva teke hatadi teke tei mae naokare igre teke au tagna na, mare ginauna nake ghatho fapulo ghau iara. Mare ginauna laseni te diꞌatagu fara iara na, naugna mare la ghatho koko ghauhi iara ka nagnafadire, eghuteuna magnahagheni kolho te leghudi nodi mumuju thedire ke tulaogu iarai. Mare ginauna tirodi edi puhidi te diꞌa re.

Profet Hosia 1:2

Ka narane igre, God ne cheke eghu ka mae profet Hosia, “Iagho na tei tolaghi ka kaisei gaꞌase, eghuteuna gaꞌase igne ginauna theome ghatho tahuni puhigna tholaghi na. Eghuteuna thugnare ginauna jaola leghuni puhigna idodi na. Nafnata gaꞌase igne ginauna fakakhana puhidi naikno te tei koko ghau iara te tei tarai ka mumuju god igre.”

Profet Isaia 59:15

Gognarona theo kaisei naikno te doglo na, nu jame ihei te koko puhigna te diꞌa igre na, keha naiknore ginauna nake goigoni ni mana.” Lord ne filodi naikno te theome doglo puhidire ne diꞌanagnafa gna.

Fapea Kronikols 16:12

Kate tolufulu nheva finogha te king mana igre, mana ne thokeni kaisei fogra ka ghahegna na. Neuba fogra igne te thono diꞌa fara, mana theome toreni Lord mala toghoni. Nu mana tei kolho ka dokta.

Profet Isaia 20:5

Naiknodi Filistia te gnafa te rouronu ka naiknodi Kus ghe Ijep te mala toghodi, teu igre ginauna thono mhaghu nodi fara balu diꞌanagnafa.

Profet Jeremaea 11:3

Iagho cheke eghu ka mare, ‘God noda Lord tahati maeda Israel igne, mana ne cheke eghu, “Ihei te theome leghuni nogu nhaꞌa cheke iara na, iara ginauna thofno parani mana.