Profet Jeremaea 17:3 - Buka Blahi Ka Cheke Holo

³ Ghotilo tei tarai fari hotei thogele ba fari hotei gukhu! Nakhibomi ghotilore au heva heva ka kantri igne, eghume iara ginauna snakre lao ka mae naoka nomi dedei nei nomi glepo te keli fateote'o baludi nomi vido blahi te mala tarai ghotilore.

Profet Jeremaea 17:3 ပူးပေါင်းရင်းမြစ်များ

Profet Jeremaea 15:13

“Eghume, iara ginauna kuru meidi mae naokare ka ghotilo, eghuteuna ghotilo ginauna na theome tangomana ghami te uludi mare na. Iara ginauna tufa kolho nomi gobigna glepo te keli fateote'o ghotilo are ka hatimare mae naoka. Naugna ghotilo ne edi kmana glepo te diꞌa ka vido te gnafa ka nomi kantri na.

Profet Jeremaea 26:18

“Tifa, ka narane teke king mae Hesekaea ka kantri Juda, profet Maeka maegna Moreset ia neke eni nafnata cheke igne ka naiknodi Juda ra, ‘Lord mae ihei te au nolaghi fateote'o igne ne cheke eghu: “ ‘Jerusalem ginauna groꞌe jateula bukrei chara eghu. Eghuteuna Thogele Blahi igne Saion ginauna vuhai glose kolho, eghuteuna mare ginauna tobi nagare tagna. Eghuteuna thogele te au nogna Suga Lord igne ginauna thafru ka soro.’

Fapea Kings 24:13

King Nebukadnesa ne jateula teke kulu chekeni Lord tifa ra neu ne hata ne tei gobigna lepo te keli teke au ka nogna Sugablahi Lord, nei sugagna king teure. Mana ne hata koko gol teke lilisei King Solomon ka Sugablahi na.

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Esikiel 16:39

Iara ginauna snakre lao nigho iagho ka hatimare mae nalhaꞌu are, eghuteuna mare ginauna paꞌe soru vido aheva te eni iagho nogna gloku vine tagna na, nei nou vido mala tarai iagho ka mumuju na. Mare ginauna hata nou gobigna lepo te keli iagho teke horo mare ka famane thina re, eghuteuna hata koko nou famane pohe te keli iagho re, mala soesole kolho iagho.

Profet Esikiel 6:3

Iagho cheke eghu, ‘Ghotilo thogele Israel ra! Faghano fanomho mei ka nogna cheke Lord igne! Lord ne cheke eghu ka thogele, nei ka fanukhu, nei ka khoꞌu biꞌo, nei ka gloha teura: Iara thegu na ginauna snakreni magra na mala mei thoke ka namonomi ghotilo gre, eghuteuna iara na snakredi mae naoka gre mala goigonidi nodi vido blahi mumuju god te au ka ghotilo igre.

Lamentations 1:10

Mae bongihehe teke chekedi Lord mala thosei tei ruma lamna Sugablahi teku igre, Jerusalem ne filodi mare te tei ruma lamna Sugablahi na, eghuteuna mare blau glepo blahire.

Profet Jeremaea 12:12

Mae naoka ginauna mei ke kligna thogele namono nagou mala goigoni gobigna lepo ka glose igne. Mae igre jateula nogu naflahi biꞌo iara Lord eghu, naugna iara teke kuru meidi re mala paradi naikno ka glose igne, eghuteuna theo kaisei naikno nate karha na.

Profet Isaia 27:9

Jame te magnahagheni God te hata fadeleidi nakhiboda re na, tahati vikegna mae Jekop gre, tahati ginauna paꞌe soru nodi olta keha god igre mala bruja ghilei vuhai nakrofu kolho. Eghuteuna ginauna na theo kaisei mumuju god gaꞌase Asera ba kaisei olta mala gahu insens te au ka vido igne.

Levitikas 26:30

Eghuteuna iara ginauna goigoni nomi vido blahi ghotilo are. Iara ginauna paꞌe olta te mala gahu insens ghotilo are. Eghuteuna iara ginauna koko lao thinimi ghotilo te lehe are mala pagu ke klignadi nomi mumuju blahi ghotilo te theome karha te pogho soru ghotilo tadi are. Eghuteuna iara ginauna tirogu ghami fara ghotilo.

Nodi Khoje Hatimare Mae Jiu 78:58

Mare fa eꞌei mala diꞌatagna fara God eghu, ka puhi te tarai mare ka keha god delei ka thogele na. Ka puhi te fakegra haghe mare mumuju na igne ngala te thofno diꞌatagna fara God na.

Profet Jeremaea 20:5

Eghuteuna iara ginauna snakre lao ka mae naokare gobigna lepo te keli fateote'o ka namono biꞌo igne, neubane famane glepo teke edi ghotilo themi ba nogna dedei mae king gna Juda. Mare ginauna atha fahui gobigna lepo igre pala tei Babilonia.

Profet Sefanaea 1:13

Hatimare mae naoka ginauna mei blau fahui nodi dedei naiknore, nei paꞌe soru nodi sugare. Eghume, neuba mare ne babana suga majaghani, mare na theome autadi. Neuba mare ne joꞌu nagare grep, mare ginauna theome koꞌu kaisei waen.”

Profet Jeremaea 21:13

Eigna te au teu ghotilo ke kligna thogele na, theome tangomana kaisei naikno nate mei magra te uluni nomi vido mala poru na eghu jau si ghotilo gaoghathomi na? Theo.

Profet Esikiel 23:46

“Iara Lord God te chekeni igne: Lisa lao ka mae naokare mala mei famamhaghudi repa, eghuteuna hata fadelei gobigna lepore ka repa.