Profet Jeremaea 17:2 - Buka Blahi Ka Cheke Holo

² Ghotilo jaola leghudi fabrahu puhidi vikemi tifa teke pogho soru ka nogna olta mumuju god gaꞌase Asera, ba ke pari gaju blahi, ba ke kligna thogele biꞌo.

Profet Jeremaea 17:2 ပူးပေါင်းရင်းမြစ်များ

Fapea Kronikols 24:18

King baludi naiknore ne lisa kokoni puhi te doglo te mala tarai ka nogna Sugablahi Lord nodi God kuꞌedi tifa ra. Mare ne tarai ka mumuju gna god gaꞌase Asera. Eghuteuna Lord ne thono diꞌatagna fara ka puhi te diꞌa fara te edi naiknodi Jerusalem ghe Juda.

Profet Jeremaea 2:20

Lord ne cheke eghu, “Funu tifa te mei na, iara neke tei koko ghami ghotilo, eigna nakarha te diꞌa te eni ghotilo igne jateula naikno sneka eghu. Nu ghotilo tiromi te loku ranghi ghau iara na. Ghotilo tei koko ghauhi iara, eghuteuna gognarona ghotilo tarai tafri kolho ka keha god te chaichaghi igre ke kligna thogele nei ke pari gaju. Ghotilo jateula gaꞌase vine te tei kokoni khetogna na ia eghu.

Profet Isaia 17:8

Mare ginauna theome pogho soru ka unha teke horo ka khamedi thedire. Eghuteuna mare ginauna figri tagruni mumujugna god gaꞌase Asera, balugna olta te mala gahu insens tagna na.

Profet Isaia 1:29

“Mana ginauna na famamaja ghami ghotilo, naugna ghotilo ne pogho soru ka mumuju ke pari gaju blahi ok nei ke lamna nagare blahi.

Fapea Kronikols 33:3

Mana tei neke babana fapulo nodi vido blahi naikno bongihehe teke paꞌe soru mae kmagna mana King Hesekaea ra. Mana horo olta mala tarai ka Baal, eghuteuna mana horo kaisei mumuju gna god gaꞌase Asera. Eghuteuna mae Manase jaola tarai ka nathunu.

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Profet Esikiel 20:28

Kate hata iara kuꞌemi ghotilo ra te tei au ka kantri teke nhaꞌa chekeni iara teke tusu falao ka mare igne na, mare neke filoni kaisei thogele kligna, ba kaisei gaju biꞌo te au kmana khaklagna mala fafara ka mumuju god ka vido tuana. Iara thono diꞌatagu fara kau fafara igre, nei ka waen te tusu lao mare ka god te chaichaghi igre.

Profet Jeremaea 7:18

Goro suara salo gaju mei, eghuteuna mae kmadira eꞌei khaꞌaghi, eghuteuna idodira ngigno flaoa mala eꞌei bret mala fafara ka god gaꞌase Kuin Gna Kligna. Mare jaola toatofa waen ka keha god te mala pogho soru mare tadi re. Mare edi igre mala goigoni ghau iara kolho.

Nodi Khoje Hatimare Mae Jiu 78:58

Mare fa eꞌei mala diꞌatagna fara God eghu, ka puhi te tarai mare ka keha god delei ka thogele na. Ka puhi te fakegra haghe mare mumuju na igne ngala te thofno diꞌatagna fara God na.

Fapea Kronikols 33:19

Eghuteuna keha glepo la ngau teke edi Manase re, Hosae neke rioriso soru ka nogna buka na. Ka buka igne, au thoutonu eigna nogna tharai mae Manase nei nogna cheke tughu God ranghini mana. Eghuteuna ka buka igne jaola au thoutonu eidi glepo te diꞌa teke kulu edi mana re, nei thoutonu eidi puhigna mana te diꞌa re, nei thoutonu eidi vido aheva teke horo mana vido blahi re, nei thoutonu eigna mumuju gna god gaꞌase Asera nei keha mumuju god teke lisei haghe langau mana re eghu. Igre glepo teke edi mana ame nhaꞌa faparini nga thegna teku na.

Eksodas 34:13

Nu igne unha te mala eni ghotilo na, ghotilo paꞌe soru nodi olta are, goigoni nodi thina blahi are, eghuteuna ghotilo kato soru mumuju gna nodi god gaꞌase mare Astarot.

Profet Jeremaea 3:6

Ka narane teke funei mae king Josaea ka kantri Juda igre, Lord neke cheke eghu ka iara, “Jeremaea, iagho la filodihi thua nafnata puhi te diꞌa te edi naiknodi Israel igre? Mae igre theome tajini nodi nhaꞌa cheke teke eni mare ka iara na, nei mare jaola tei koko ghau iara. Naikno igre tei tarai tafri ke kligna thogele te gnafa nei ke pari gaju jateula mae ihei te tolaghi pedo ra eghu.

Profet Jeremaea 3:23

Tutuani fara, puhi te tarai tafri ghehati ke kligna thogele igne theome mala togho ghami ghehati. Lord, nomi God, kaisei iagho ngala te nabamu nate fakarha ghami ghehati maemi Israel.

Diutronomi 12:2

Kate ngolhi fajifladi ghotilo naikno teke au ka glose igne na, ghotilo mala goigoni fahui nodi vido blahi te gnafa nodi god mare te au ka thogele nei ka gukhu, nei ke pari gaju.