Profet Jeremaea 15:9 - Buka Blahi Ka Cheke Holo

⁹ Gaꞌase te au fitu thugna na ginauna glaꞌe soru ghilei nigrai phanga. Naꞌa ginauna na jateula naprai te plulu fari hotei narane ra eghu. Gaꞌase igne ginauna mamaja nogna fara, naugna naꞌa theo kaisei thugna te karha na. Eghuteuna ihei nate karha teu ka ghotilo na, iara ginauna snakredi mae naokare mala mei aknu falehe.” Igne chekegna Lord.

Profet Jeremaea 15:9 ပူးပေါင်းရင်းမြစ်များ

Ululahu Samuel 2:5

Mae teke kulu ghamu fakeli ra, gognarona mare mala loku ranghidi keha maei, mala tangomana mare te au gano na. Nu mae teke kulu rofo teku ra, gognarona, mare theome rofo. Gaꞌase teke theo thugna ia, gognarona, kela au fitu thugna, nu gaꞌase teke au kmana thugna ia, gognarona, naꞌa kela diꞌanagnafa nei tanhi eghu.

Profet Isaia 47:9

Nu kokhoni nigho fara eghu, naugna glepo igre ginauna thoke nigho iagho. Khetomu nei thumu teu iagho igre ginauna lehe ka kaisei narane kolho. Neuba iagho ne au nou naitu te nolaghi fara te mala reireghi nigho na. Theo. Iagho ginauna thafoni narane te diꞌa fara na.

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Profet Esikiel 5:12

Iara ginauna fofota ghami ghotilo ka thilo tothoghei. Tothoghei ulu lahu na mare ginauna lehe ka grofo ba fogra ke lamna namono. Fapea tothoghei ka ghotilo na, mae naokare ginauna aknu falehedi mare ka magra ke kosi namono. Eghuteuna fatilo tothoghei na, iara ginauna khidi tafri kolho ka keha kantri are, eghuteuna iara ginauna snakredi mae naoka re mala ngholhi tafridi balu naflahi.

Lamentations 4:10

Tifa na, idodi suare reireghi fakelidi thudire. Nu kate goigonidi God nogu naikno iara igre na, idodi re aknu falehe sua igre mala gahu ghamu.

Profet Jeremaea 44:27

Iara ginauna filoni unha puhi biꞌo nate thoke mei ka mare na, naiknodi Juda te au teu Ijep igre ginauna lehe ka magra, ba lehe ka vido te theo gano na.

Profet Jeremaea 21:7

Kmana naikno ginauna lehe ka fogra igne, ka magra nei ka theo gano. Ke leghugna igne, iara ginauna snakreni mae King Nebukadnesa balu nogna armi mala atha mae Sedekaea balu nogna ofisa nei iheire teke theome lehe ka fogra igne. Mae Nebukadnesa balu armi gna Babilonia, mae iheire te naoka ka ghotilo maemi Israel. Mare ginauna theome kokhoni ghami nei na theome keli ranghi ghami eghu ghotilo, nu mare ginauna falehe ghami ghotilo hui ka naflahi.’ Igne chekegna Lord.

Profet Jeremaea 6:4

“Mae igre ginauna cheke eghu, Tahati tarabana mala magra! Tore, te keli na tahati tei magra kani naraneu. Nu fameomekro! Naprai gne la funu soruhi la namo romnohi.

Profet Jeremaea 7:19

Puhi te eni mare igne mala goigoni ghau iara? Theo! Mare mala goigonidi thedi kolho. Uve, mare famamajadi thedi kolho. Igne chekegna Lord.”

Profet Jeremaea 19:7

“ ‘Eghuteuna ka vido igne iara ginauna goigonidi nodi gaoghatho maedi Juda nei Jerusalem. Iara ginauna snakredi nodi naoka mare are mala falehedi mare ka magra. Eghuteuna iara ginauna snakre lao ka nanghaji nei ka glepo te tautagu eghu mala ghamu fateo thinidire.

Profet Jeremaea 50:12

Nu namono igne na jateula gaꞌase teke fakarhi ghami ghotilo ra eghu mamaja nogna fara ka ghotilo. Nomi kantri ghotilo igne ginauna luvu nanghagna teke fnakno na, eghuteuna naꞌa ginauna glaꞌe soru salaꞌudi keha kantri are. Naꞌa ginauna krogha theo kaisei naikno nate au tagna na.

Profet Esikiel 5:13

“Ke leghudi glepo igre, papara igne ginauna hui, eghuteuna diꞌatagu iara ka mare igne ginauna jaola hui. Eghuteuna mare ginauna lase ghau iara Lord te chekeni papara igne te mala thokedi mare na naugna iara ne diꞌatagu fara ka mare.