Profet Jeremaea 14:9 - Buka Blahi Ka Cheke Holo

⁹ Naugna unha sagho te jateula kaisei mae te rhana ka nogna naoka na teugnea, ba jateula kaisei mae soldia te theo nogna nolaghi te mala fakarhini ihei teu gnea? Lord, ghehati thofno nou naikno iagho, eghuteuna ghehati lase nigho iagho te au balumi. Eghume iagho thosei tei koko ghami eghu.”

Profet Jeremaea 14:9 ပူးပေါင်းရင်းမြစ်များ

Profet Isaia 63:19

Funu tifa te ghilei mei posa gognarogne ghehati jateula naikno te theome funei fruni ghami iagho ra eghu kolho. Uve, ghehati jateula te fiti naikno ra eghu kolho ka iagho.

Profet Isaia 59:1

Tutuani fara, Lord na au nolaghi biꞌo te mala fakarhi ghami ghotilo na. Mana tangomana te fanomho kate tore ghotilo mala togho ghami teuna.

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Nodi Khoje Hatimare Mae Jiu 46:5

Namono tuana theome tangomana te nghali ba te paꞌe na, naugna God na au baludi naikno te tufru soruni mana ka namono tuana. Kate phage naprai na, mana auhi jare mala toghoni namono tuana.

Naba 11:23

Nu Lord ne cheke eghu, “Ba, ne theome tangomana iara te edi re eghu sagho ia? Filo sagho!”

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Profet Sekaraea 2:5

Iara thegu ginauna gringni thina te mala reireghini namono igne jateula khaꞌaghi te phae ligoho ra eghu. Eghuteuna nogu nolaghi biꞌo iara na ginauna phae lamna ka namono igne.’ ”

Profet Jeremaea 8:19

Iara nomhidi nogu naiknore la tanhi eghu fabiꞌo, ‘Jame Lord na theome king ka Thogele Saion. Naugna unha si mana te theome togho ghita tahati gnea?’ ” Nu Lord ne cheke eghu, “Naugna unha si ghotilo nogu naikno iara gre te pogho soru te tarai ka nodi god keha kantri delei igrea? “Iara diꞌatagu fara ka nafnata puhi te pogho soru te tarai ghotilo ka god nate theome togho ghami ghotilo igre.”

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Nodi Khoje Hatimare Mae Jiu 27:9

God, thosei poru ka iara, naugna iagho mae ihei te fakarhi ghau iara na. Iara nou mae gloku iagho, thosei diꞌatamu ka iara. Iagho neke togho ghau iara kmana fata, thosei tei koko ghau iara.

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Diutronomi 23:14

Ghotilo edi glepo igre naugna Lord nomi God ghotilo igne, mana au balumi ghotilo, eghuteuna mana ginauna reireghi ghami ghotilo, eghuteuna mana ginauna togho ghami ghotilo mala tangomana ghotilo te uludi nomi naokare. Eghume vido te au ghotilo igne mala kaisei vido blahi, eghuteuna Lord theome magnahagheni te filoni kaisei glepo te famamaja ikno ka ghotilo, ba glahu figri tagru ghami mana.”

Mae Khuru 15:17

Iara ginauna na eni igne mala mei te hiro ghau naikno te gnafa te theome Jiu teke kulu vavahi iara te mala nogu naikno thegu. Tuana unha teke chekeni Lord mae ihei te falalase ka naiknore gobigna lepo igre funu tifa te mei.’

Profet Esikiel 48:35

“Brahugna gringni thina te tei falithuni namono igne nheva kilomita. “Eghuteuna funu ka narane tuana, ghotilo ginauna kiloni namono igne, Lord-Sama, gaoghathogna na Lord na au jare.”

Profet Habaku 1:2

Mana ne cheke eghu, “Lord! Niha fata tirou fanomho mei ka iara sagho ia kate tanhi ari iara mala togho ghami ka naꞌau papara igre teu gnea? Ba iagho tirou fakarhi ghami ghehati ka khamedi mae te diꞌa puhidi igre sia?

Diutronomi 28:10

Eghume naikno te gnafa ka nauthoglu igne ginauna filo glani ghami ghotilo te nogna naikno Lord na, eghuteuna mare ginauna mhaghu ghami ghotilo.

Fapea Kronikols 7:14

Nu jame te nhaꞌa fapari ghami themi ghotilo nogu naikno iara ra, eghuteuna koko ghotilo puhimi te diꞌare, eghuteuna tarai mei ghotilo ka iara teuna, neubane au neu iara kligna, iara ginauna nomhi ghami ghotilo. Eghuteuna iara ginauna hata fadelei nakhibomi ghotilo re, eghuteuna iara ginauna eni glose igne mala ke keli fapulo.

Nodi Khoje Hatimare Mae Jiu 10:1

Lord, naugna unha sagho te au fakhaba ka ghehati gnea? Naugna unha sagho te poru teu kate au teu ghehati kau hoholo gnea?

Profet Isaia 43:7

God neke kafe vuavuhadi mare gnafa mala nogu naikno iara, eigna iara magnahaghedi mare mala ke pulo mei mala kilo fnaknoni nanghagu iara na.”

Profet Jeremaea 51:5

Iara Lord mae ihei te au nolaghi fateote'o nei iara nodi God mae Israel te blahi fara. Iara ginauna eni igne ka naiknodi Babilonia, naugna iara theome ghatho ihodi nogu naikno te au Israel nei Juda. Neuba mare ne nabadi te mala au papara eidi nakhibo biꞌo teke edi mare re, nu iara theome ghatho ihodi mare.

Lamentations 5:20

Naugna unha sagho te ghatho iho ghami ghehati fabrahu gnea? Naugna unha sagho te tirou ghami ghehati gnea?

Profet Sekaraea 8:3

“Iara cheke tutuani fara: Iara ginauna nake figri Jerusalem, eghuteuna iara ginauna au ke kligna Thogele Saion. Naiknore ginauna tangomana te cheke eghu na, ‘Namono Jerusalem te ghatho tahuni Lord fabrahuni naiknore igne. Eghuteuna nogna thogele Lord mae ihei te au nolaghi fateote'o igne, ginauna kiloni thogele blahi.’