Profet Jeremaea 13:1 - Buka Blahi Ka Cheke Holo

¹ Lord ne cheke eghu ka iara, “Iagho tei foli kaisei pohe kmoꞌei mala pipichi. Nu iagho thosei titihi pohe igne ka khoꞌu eghu.”

Profet Jeremaea 13:1 ပူးပေါင်းရင်းမြစ်များ

Hibru 1:1

Tifa na God neke vahidi keha mae profet mala cheke ranghidi mae ku'edara. Mana neke cheke ka mare kmana fata nei kmana nafnata puhi.

Profet Jeremaea 13:11

Ulu lahu na iara neke magnahaghedi fara naiknodi Israel ghe Juda igre te mala loku famaku ka iara jateula pohe te maku ka thinigna naikno na igne neku. Iara neke magnahaghedi mare te mala thofno nogu naikno iara te mala tangomana naiknogna nauthoglu igne te mala cheke fakeli ghau, ghatho tahu ghau nei fafnaknoni teu nanghagu iara na. Nu mare tirodi te leghu ghau iara na.” Igne chekegna Lord.

Profet Jeremaea 27:2

“Jeremaea, iagho atha kaisei vido thaba baludi phei nhugha mala horo kaisei glepo jateula glepo te mala lilisei ka grara gna buluka ra eghu. Eghuteuna iagho lilisei glepo igne ka graramu na.

Profet Jeremaea 19:1

Lord ne cheke eghu ka iara, “Jeremaea, iagho tei foli kaisei suspen glose, aonu iagho atha keha mae mala baubatu, nei keha mae biꞌo ka hatimare mae pris.

Mae Khuru 21:11

Mana mei hiro ghami ghehati ne hataghu kolho nogna nhugha mae Pol na. Eigna mana magnahaghe eni kaisei fagaglana ka mae Pol, aonu mana haru nhugha na ka khamegna nei ghahegna teu thegna re ne cheke eghu, “Mae Tharunga te Blahi na ne cheke eghu, ‘Mae Jiu te au Jerusalem gre ginauna na haruni mae khotogna nhugha igne, eghuteuna mare ginauna na snakre laoni mana ka mae te theome Jiure.’ ”

Profet Isaia 20:3

Kate mei mae soldiadi Asiria igre te uluni namono Asdod igne, iara neke toutonuni chekegna Lord na neke cheke eghu, “Tore! Filo si ghotilo! Nogu mae gloku iara Isaia igne mana neke soesole neke nolo tafri nabagna thilo finogha nei theome fahaghe sadol neku. Igne kaisei fagaglana te fakakhana eidi puhi biꞌo nate thoke mei ka naiknodi Ijep nei Kus.

Profet Jeremaea 18:2

“Jeremaea, iagho tei ka sugagna mae te mala horo suspen ka glose ia, eghuteuna iara ginauna cheke ka iagho.”

Profet Jeremaea 43:9

“Jeremaea, kate kafe thugha mei naiknodi Juda igre te filo nigho iagho na, iagho pala mei keha thina biꞌo mala haru ka brik te au ke ulugna nogna suga king gna Ijep.