Profet Jeremaea 12:4 - Buka Blahi Ka Cheke Holo

⁴ Ba, niha fata moja fabrahu si glose, nei buburu teu te mala ghamudi buluka igrea? Gognaro na buluka nei nanghaji teu igre la theo ghedi gano la lehe. Naugna naikno te au ka namono igne mare leghuni kolho puhi te diꞌa na. Eghuteuna keha na igne, mare cheke eghu koba, “Lord theome tangomana te lasedi unha te thoke ghita tahati igre.”

Profet Jeremaea 12:4 ပူးပေါင်းရင်းမြစ်များ

Profet Jeremaea 9:10

Eghume, iara mae Jeremaea. Iara thofno diꞌa nagnafagu fara eidi thogele nei namhata teu te goigoni fahui ghotilo igre. Iara tanhi nei koje balu diꞌanagnafa. Theo kaisei naikno nate nolo ka vido igne, ba kaisei buluka nate ghamu buburu ka namhata igne. Eghuteuna nanghaji te gnafa nei glepo tautagu te gnafa teu igre ginauna na jaola kafe tei kokoni vido igne.

Profet Jeremaea 4:25

Ka vido igne iara ne theome filoni kaisei naikno, ba kaisei nanghaji.

Nodi Khoje Hatimare Mae Jiu 107:34

Eghuteuna mana na edi glose igre mala fodu ka solt mala theo kaisei glepo te kotu jare na. Naugna naikno te au ka vido tuana ra ne diꞌa fara puhidire.

Letas Teke Riso Tei Mae Pol Ka Khiloau Rom 8:22

Naugna tahati laseni, funu tifa te ghilei mei posa gognaro gne, gobigna lepo teke vuavuha God re ne eha fabiꞌo naugna ne paradi fara, jateula gaꞌase te namo fakarha sua ia neu.

Profet Hosia 4:3

Naugna igne, glose igne ginauna moja. Eghuteuna gobigna lepo te tautagu ke lamna glose, nei nanghaji, nei sasa, nei naikno teu igre ginauna na jaola kafe lehe.”

Profet Jeremaea 23:10

Kantri igne fodu ka naikno te theome ghatho tahuni Lord, mare jateula naikno te huhughuni puhigna tholaghi na ra eghu. Naugna igne, Lord ginauna tibrini glose igne mala theome karha kaisei gano tagna. Eghuteuna vido teke fodu ka buburu igre ginauna kafe gnhagha soru. Mae profet igre leghuni kolho puhi te diꞌa na, eghuteuna mare loku heta ka puhi te theome doglo.”

Profet Jeremaea 7:20

Aonu Lord God ne cheke eghu, “Diꞌatagu iara na ginauna soru mei jateula khaꞌaghi te theome tangomana kaisei naikno te faleheni ra eghu ke kligna gna kantri igne, nei naikno, nei glepo te tautagu, nei gaju, nei gano ka nagare.

Profet Habaku 3:17

Neuba tahati ne au ka puhi biꞌo, jateula gaju fig, gaju grep, gaju oliv teu igre ginauna theo fuꞌadi, nagare igre theo ganodi, sipu nei buluka teu igre ginauna kafe lehe, God ginauna togho ghita!

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Jeremaea 14:2

“Jeremaea, naikno igre tanhi nei diꞌanagnafa eghu heva heva ka kantri Juda. Naikno te au ka namonore kafe glaꞌe soru, nei diꞌa nagnafadi fara eghu eidi nodi glose te mojare. Eghuteuna naikno te au ka namono Jerusalem tanhi mei fabrahu ka iara.

Profet Jeremaea 5:13

Mae profet igre chaichaghi kolho, eghuteuna mare theome laseni chekegna Lord na. Eghume unha te chekedi mare igre ginauna thoke mei ka mare thedi.” Igne chekegna Lord.

Profet Jeremaea 4:28

Gobigna lepo ka nauthoglu na igre ginauna tanhi, eghuteuna maloa igne ginauna romno soru. Naugna igne, nogu cheke nei gaoghatho teu iara te mala edi glepo igre ginauna na theome ke tughu.”

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!

Profet Jeremaea 12:11

Mare ginauna eni nogu glose iara igne mala theo kaisei glepo nate tangomana nate kotu tagna na. Glose igne ginauna krogha kolho, eghuteuna naꞌa na jateula glose te tanhi ka iara ra eghu. Uve, hatimare mae naoka igre goigoni nogu glose iara na, eghuteuna theo kaisei nate kokhonini na.

Profet Joel 1:18

Buluka ra la rofo la theome au snoto la tanhi tafri, naugna theo kaisei buburu te mala ghamu na. Uve, sipu gre la jaola la paradi fara kate rofo na la ghilei nhubradi kolho.

Profet Emos 1:2

Mae Emos ne cheke eghu, “Lord ne eha fabiꞌo jateula kaisei lion eghu ka Thogele Saion. Eghuteuna naogla gna mana igne oa'ongha jateula fila eghu. Aonu buburu te gnafa te mala ghamu sipure ne kafe gnhagha soru. Eghuteuna gaju te gnafa ka Thogele Kamel ra ne jaola ne kafe lehe.”

Profet Sekaraea 1:12

Engel nogna Lord igne ne cheke eghu, “Lord, iagho au nolaghi fateote'o. Nabagna fitusalei finogha te diꞌatamu iagho ka naiknodi Jerusalem nei ka keha namono lithui ni Juda. Niha fata diꞌatamu eghu fabrahu ka mare sagho ia? Niha nau nate falalase iagho te kokhonidi mare na?”

Profet Isaia 24:4

Heva heva ka nauthoglu igne glose igne ginauna khapra fara, eghuteuna gobigna lepo igre ginauna theome karha kelidi na lehe. Mae biꞌo te gnafa ka nauthoglu igne ginauna kafe glaꞌe fara.

Profet Isaia 24:6

Naugna igne, hoholo biꞌo ginauna thokeni nauthoglu igne. Eghuteuna naikno ka nauthoglu igne na au papara eigna nodi najafra fateote'o. Eghuteuna ginauna na theome kmana ka mare nate au teu ka nauthoglu igne.

Profet Jeremaea 9:9

Tore! Na theome para ghami iara eidi puhi te diꞌa te edi ghotilo igre neu si ghotilo ia? Theo, iara ginauna na para ghami ghotilo nafnata naikno igre.” Igne chekegna Lord.