Profet Jeremaea 12:2 - Buka Blahi Ka Cheke Holo

² Iagho liliseidi ka nauthoglu igne jateula mae ihei te joꞌu gano ka nagare na te karha kelidi nei ure teura neu. Neuba mare ne famane cheke eimu iagho koba, nu mare theome ghatho tahu nigho iagho kolho.

Profet Jeremaea 12:2 ပူးပေါင်းရင်းမြစ်များ

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Matiu 15:8

Mana neke cheke eghu: “ ‘Naikno igre fafnakno ghau iara ka chekedi kolho, nu nagnafadire theome namo ka iara.

Profet Jeremaea 11:17

Iara Lord mae ihei te au nolaghi fateote'o, iara neke nhaꞌa soru ghami ghotilo ka vido te au ghotilo igne, jateula mae ihei te joꞌu famane gaju oliv ka nogna nagare na ia neku. Nu gognarona, iara ginauna na snakre mei puhi biꞌo mala thoke ghami ghotilo. Naugna ghotilo naiknomi Israel nei naiknomi Juda teu igre leghuni fabrahu puhi te diꞌa na. Ghotilo tarai koba ka god Baal, nafnata puhi te diꞌa te eni fabrahu ghotilo igne te diꞌataguni iara ka ghotilo na.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Profet Jeremaea 45:4

Ghema Baruk, Lord na cheke ranghi ghau iara mala toutonu ka iagho nogna cheke mana igne: Iara ginauna paꞌe soru unha teke babana haghe iara igre, nei atha fadelei unha teke joꞌu iara igre, heva heva ka kantri Juda.

Nonomho Te Keli Teke Risoi Mae Mak 7:6

Mae Jisas ne cheke eghu ka mare, “Ghotilo mae lase chaichaghi fara! Unha teke chekeni God ka mae profet Isaia teke rioriso mana eimi ghotilo tifa ia thono tutuani fara. Mae Isaia neke rioriso eghu, “ ‘Naikno igre fafnakno ghau iara ka chekedi kolho, nu nagnafadire theome namo ka iara.

Profet Jeremaea 3:10

Neuba, Juda jaola ne tei koko ghau iara ne tei eni puhi te diꞌa na. Naꞌa theome tughu nagnafa mala ke figri mei ka iara. Naꞌa chaichaghi ghau iara fabrahu kolho.” Igne chekegna Lord.

Thoutonu Eigna Mae Job 5:3

Iara la filonihi mae te fameomekro te au fakeli fabrahu gognarona, nu hoholo megei nga thoke mei ka mana.

Nodi Khoje Hatimare Mae Jiu 37:35

Tifa na iara neke filoni kaisei mae te diꞌa te thono heta fara te goigonidi keha naiknore. Mana haghe uludi fara keha naiknore jateula gaju gurighau biꞌo te tei uludi keha gajura eghu.

Profet Habaku 1:13

Iagho thono blahi fara, eghuteuna iagho theome magnahaghei te filoni kaisei glepo te diꞌa. Naugna unha sagho te au kmu te theome paradi naiknodi Babilonia te diꞌa igrea? Mare lalamadi fara naikno te doglo te uludi mare igre.

Thoutonu Eigna Mae Job 24:12

Iheire te ghoreho te namo lehe re, tanhi ke lamna namono mala toghodi God. Nu God theome eni kaisei glepo eidi glepo te diꞌa igre.

Profet Hosia 7:14

Mare tarai chaichaghi ka iara. Eghuteuna kate tarai na, mare thuru pari balu tanhi. Kate mei tore gano nei waen teuna mare vavahe thinidire jateula mae bongihehe eghu. Nu mare figri tagru ghau iara.