Profet Jeremaea 11:5 - Buka Blahi Ka Cheke Holo

⁵ Eghuteuna iara neke tajini nogu nhaꞌa cheke na neke snakreni kaisei vido glose te biꞌo ka ghotilo.” Eghuteuna glose igne thofno keli fara ka gano na maladi mae kuꞌemi ghotilora.’ ” Igne namono te au ghotilo tagna gognarogne. Kate cheke te gnafa Lord cheke igre, iara ne cheke eghu, “Tutuani fara Lord, iagho tangomana te eni unha te chekeni iagho na!”

Profet Jeremaea 11:5 ပူးပေါင်းရင်းမြစ်များ

Profet Jeremaea 28:6

“Tutuani fara! Iara magnahagheni Lord te eni jateula te chekeni iagho igne teuna! Thofno keli fara jame te eni Lord unha te chekeni iagho igne mala ke atha fapulo glepo gna Sugablahi te au teu Babilonia baludi naikno teke atha fajifladi mare ka namono igne ra.

Ululahu Korin 14:16

Nu jame te kilo fnaknoni God ghotilo ka tharungami kolho na, kaisei naikno te majaghani ka khiloau te au balumi ka tharai na ginauna theome laseni unha te chekeni ghotilo na. Mana ginauna theome kaisei gaoghatho ka nomi tharai nei theome tangomana te chekeni “Amen” teu balumi ghotilo na.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Diutronomi 6:3

Eghume, ghotilo Israel, ghotilo fanomho fakeli ka vetula igre, eghuteuna famane leghu fakelidi. Jame te eghu ghotilo na, ghotilo ginauna au fakeli, eghuteuna ghotilo ginauna na vuragha ka famane glose igne, jateula Lord nodi God kuꞌemi ghotilo teke nhaꞌa cheke ka ghotilo ra.

Levitikas 20:24

Nu iara neke nhaꞌa chekehi ka ghotilo te mala atha ghotilo nodi glose mare na. Uve, iara ginauna tusu ari ka ghotilo mala khotogna namono aheva glosegna na thofno keli fara, eghuteuna leuleghu fata na au kmana gano.” Iara Lord, nomi God ghotilo. Iara neke vahi ghami ghotilo neke hata fajifla ghami ka keha naikno re, mala nogu naikno iara.

Eksodas 13:5

Lord na neke kulu nhaꞌa chekehi ka mae kuꞌemi ghotilo tifa ra te mala atha mei ghami ghotilo ka nodi glose hatimare mae Kenan, hatimare mae Hit, hatimare mae Amo, hatimare mae Hivi nei hatimare mae Jebus. U glose igne thofno keli fara te mala karha gano na. Eghume kate atha ari ghami Lord ka vido glose igne na, ghotilo mala eni Gaghamu biꞌo eigna Bret te Theo Isi gna na leuleghu finogha ka nhigra Abib.

Profet Jeremaea 32:22

Eghuteuna iagho neke tusu mei glose igne ka ghehati, leghuni nou nhaꞌa cheke teke eni iagho ka mae kuꞌemi tifa ra. Glose igne thofno keli fara, eghuteuna leuleghu fata na gano na vuragha salaꞌui.

Fapea Kronikols 6:17

Eghume, iagho nomi God ghehati maemi Israel, edi sagho mala thoke mei unha teke nhaꞌa chekedi iagho ra.

Nodi Khoje Hatimare Mae Jiu 105:8

U nhaꞌa cheke teke eni mana ka tahati igne, ginauna au fabrahu. Uve, mana ginauna tajini fabrahu u nhaꞌa cheke teke eni mana ka tahati te gnafa igne nei mala dila iheire la ngau nate karha mei teu ke leghuda tahati thogheiro.

Profet Jeremaea 19:12

Iara cheke fadoglo ari ka ghotilo. Igre glepo nate edi iara ka namono igne baludi iheire te au tagnare. Iara ginauna goigoni namono igne mala thofno jateula Tofet eghu.