Profet Jeremaea 11:4 - Buka Blahi Ka Cheke Holo

⁴ Nhaꞌa cheke teke eni ka narane teke atha fajifladi iara ka kantri Ijep kuꞌemi ghotilo ra aheva teke au papara fara mare tagna na.” Iara neke cheke eghu ka mare, “Fanomho fakeli ka nogu cheke iara igre, eghuteuna leghudi gobigna lepo mala edi ghotilo teku iara ra! Jame te leghu ghau iara ghotilo na, ghotilo ginauna nogu naikno iara, eghuteuna iara nomi God ghotilo.

Profet Jeremaea 11:4 ပူးပေါင်းရင်းမြစ်များ

Diutronomi 4:20

Nu Lord neke fakarhi ghami ghotilo ka puhi biꞌo Ijep te jateula kaisei khaꞌaghi biꞌo te brana fara ra neku, naugna mana magnahaghei ghami ghotilo te mala nogna naikno thegna, eghuteuna tahati au eghu au gognaro gne.

Levitikas 26:12

Iara ginauna nomi God ghotilo fabrahu, eghuteuna ghotilo ginauna nogu naikno iara.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Profet Sekaraea 8:8

Iara nake atha fapulodi Jerusalem. Mare ginauna nogu naikno iara, eghuteuna iara ginauna nodi God mare. Eghuteuna iara ginauna ghatho tahudi fabrahu, eghuteuna funei frunidi ka puhi te doglo.”

Profet Jeremaea 24:7

Iara ginauna nhaꞌa lao gaoghatho te keli ka mare, mala tangomana mare te lase ghau iara Lord. Eghuteuna mare ginauna nogu naikno iara, eghuteuna iara nodi God mare, naugna mare ginauna nake pulo mei ka iara balu thofno gaoghathodi.

Ululahu Kings 8:51

Iagho tangomana te eni igne, naugna mare nou naikno iagho. Tifa na kuꞌemi ghehati ra neke au Ijep, eghuteuna mare neke au papara fara jateula te au ke lamna khaꞌaghi ra neku kolho.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Profet Esikiel 37:23

Mare ginauna na theome tarai ka mumuju ba edi glepo te theome magnahaghedi iara re. Iara ginauna hata fadelei nakhibodi re mala gae, eghuteuna iara ginauna bara fothidi ka gobigna lepo te thona ka tathagu iara na. Mare ginauna nogu naikno iara, eghuteuna iara nodi God mare.

Profet Esikiel 36:28

Eghuteuna ghotilo ginauna tangomana te au fakeli Israel ka namono teke tusu lao iara ka kuꞌemi ghotilo tifara. Ghotilo ginauna nogu naikno iara, eghuteuna iara nomi God ghotilo.

Profet Esikiel 14:11

Iara ginauna eni igne ka ghotilo naiknomi Israel ra mala thosei tei koko ghau ba ke edi fapulo puhi te diꞌa teke edi te theome klino ghotilo ka tathagu iara na. Eghume ghotilo ginauna nake nogu naikno keli iara, eghuteuna iara nomi God ghotilo. Igne nogu cheke iara Lord!’ ”

Profet Esikiel 11:20

Uve, mare ginauna tangomana te leghudi nogu vetula iara re, eghuteuna faꞌuvedi nogu cheke iara re. Eghuteuna mare ginauna nogu naikno iara, eghuteuna iara nomi God mare.

Profet Jeremaea 30:22

Ka puhi igne mare ginauna nogu naikno iara, eghuteuna iara nodi God mare.” Igne cheke gna Lord.

Profet Jeremaea 26:13

Eghume gognarona ghotilo koko puhimi te diꞌare! Tughu nakarha, eghuteuna funu eni unha glepo te keli na mala leghuni Lord noda God. Jame te eghu ghotilo na, Lord ginauna nake tughu gaoghatho gna na. Eghuteuna mana ginauna na theome eni gaoghatho mala roꞌe ghami ghotilo teku igne.

Diutronomi 11:27

Jame te leghudi ghotilo nogna cheke Lord nomi God te tusu ari iara ka ghotilo gognarogne, mana ginauna fablahi ghami ghotilo.

Levitikas 26:3

“Jame te leghudi ghotilo nogu vetula nei faꞌuvedi nogu cheke iara re teuna,

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Sekaraea 6:15

Naikno te au ka keha kantri delei ra ginauna mei mala totogho mala ke babana fapulo nogna Sugablahi Lord. Kate eni igne, ghotilo ginauna laseni Lord mae ihei te au nolaghi fateote'o igne kuru mei ghau iara ka ghotilo. Mana noda God tahati, eghuteuna jame te loku heta ghotilo te leghuni mana na, gobigna lepore ginauna keli ranghi ghami ghotilo.”

Profet Esikiel 37:27

Iara ginauna au fabrahu baludi mare ka namono igne tifa tifa. Uve, iara ginauna nodi God mare, eghuteuna mare nogu naikno iara.

Profet Jeremaea 32:28

Eghume, igne unha te chekeni iara Lord na: Iara ginauna snakre lao namono biꞌo Jerusalem ka King Nebukadnesa balugna nogna armi gna Babilonia mala atha mare.

Profet Isaia 48:10

Iara magnahaghei ghami ghotilo te mala klino, nu iara theome gahu ghami ghotilo ka khaꞌaghi jateula kaisei mae te gahu silva ka khaꞌaghi te mala koko thonagna na ia eghu. Nu iara lisa lao ghami ghotilo ka thua nafnata naꞌau papara mala koko ghotilo puhi te diꞌa te edi ghotilo are.

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.

Eksodas 20:6

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Profet Isaia 30:6

Igne nogna nonomho Lord eidi glepo te tautagu te au Negev ke mata Juda. Lord neke cheke eghu, “Namono nagou igne fodu ka lion nei ka mogo te faghughumhu eghu tagna. Mae te mala hata nonomho igre mare luja nodi dedei nei glepo te keli teure ka dongki nei kamel mala tei ka vido igne. Mare hata tei glepo igre jateula namha eghu ka kantri Ijep te theome toghodi kolho mare igne.

Profet Jeremaea 11:7

Funu ka narane teke atha fajifladi iara ka kantri Ijep kuꞌemi ghotilo ra te ghilei mei posa ka narane gognaro igne, iara chekeni koba igne ka mare, ‘Leghu ghau iara.’

Profet Jeremaea 38:20

Mae Jeremaea ne cheke eghu, “Mare ginauna theome lisa lao nigho iagho ka khamedi mare. Nu igne unha te chekeni iara ka iagho na, jame te leghuni iagho nogna cheke Lord te chekeni iara igne na, iagho ginauna karha.

Profet Daniel 3:26

King Nebukadnesa ne tei rhegna khaꞌaghi te brana fara igne ne eha eghu fabiꞌo, “Sadrak, Misak, Abenegho, ghotilo thilo nogna mae gloku God ka maloa kligna ra, jifla mei!” Aonu thilo mare ne jifla mei ka khaꞌaghi na.

Diutronomi 5:6

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Fapea Kings 18:6

Mana ghatho tahuni Lord neke theome huhughuni mana, nu mana thofno leghuni fabrahu nogna vetula Lord teke tusu ranghini mae Moses tifa ra.