Profet Jeremaea 10:9 - Buka Blahi Ka Cheke Holo

⁹ Mae iheire te laseni gloku igne, mare lalaoni mumuju igre ka famane silva teke atha kantri Spen nei ka gol teke atha namono biꞌo Ufa. Aonu mare fapipichi mumuju igre ka famane pohe te ngonge jateula nogna pohe king eghu.

Profet Jeremaea 10:9 ပူးပေါင်းရင်းမြစ်များ

Nodi Khoje Hatimare Mae Jiu 115:4

Nu nodi god naikno bongihehere neke edi kolho ka silva nei gol.

Profet Daniel 10:5

Iara filo tei ne filoni kaisei mae te pipichi ka famane pohe te vegha fara, eghuteuna nogna nhugha na mare hohoro ka famane gol.

Profet Isaia 40:19

Theo. Naikno kolho teke horo mumuju ka gaju na, eghuteuna keha mae na sesere ka biꞌo, eghuteuna hohoro chen ka silva mala famane filogna na.

Ululahu Kings 10:22

Eghuteuna King Solomon au nogna kmana vaka biꞌo mala luja kago te loku baludi nogna vaka King Hiram. Vaka igre tangomana te tei faligoho nabagna thilo finogha. Eghuteuna mare ke pulo mei baludi silva, gol, kheꞌi elefant, mongki nei thua nafnata nanghaji.

Profet Esikiel 27:12

“ ‘Maedi ka kantri Spen ei bisnis balumi ghotilo, naugna ghotilo au kmana famane glepo te keli te mala sabiri ka mare na. Mare hata mei silva, nei aean, nei tin, nei led mala tughu ka nomi famane glepo ghotilo re.

Nodi Khoje Hatimare Mae Jiu 72:10

Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.

Profet Isaia 23:6

Ghotilo naiknomi Fonisia! Ghotilo diꞌanagnafa nei tanhi fabiꞌo eghu! Te keli na ghotilo farirhiu rikha tei Spen!

Profet Esikiel 27:7

Mare neke horo nou selo iagho na ka famane pohe vegha teke hata teke mei funudi Ijep, eghuteuna mare susuki thotoghale tadi mala lalaoni. Jateula nou flagi eghu iagho, kate mei khaba teu iagho na, nu bligi kolho te filo glani nigho na. Nou pohe te mala fanagra naprai na, mare neke horo ka famane pohe te blu nei ngonge teke hata teke mei mare funudi ka moumolu Saepras.

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Profet Habaku 2:19

Kokhoni ghami fara! Ghotilo cheke eghu koba ka kaisei vido gaju ba ka kaisei thina biꞌo, ‘Dofra! Kegra haghe sagho!’ Ba? Mumuju igne lalase na nomhi ghami nei cheke balumi ghotilo eghu? Thono theo fara. Tutuani, ghotilo hohoro mumuju igre ka silva nei ka gol mala famane filodire, nu theo kaisei nakarha tadi eghu!”

Fapea Kronikols 9:21

Eghuteuna King Solomon au nogna kmana vaka biꞌo, eghuteuna nogna mae gloku mae King Haeram te loku ka vaka igre. Mare tangomana te tei lithui nabagna thilo finogha, vaka igre te pulo mei balu gol, nei silva, nei kheꞌi elefant, nei mongki nei thua nafnata nanghaji.

Profet Hosia 8:6

Kaisei maegna Israel neke eni mumuju god igne. Eghuteuna glepo teke eni mana igne theome God tutuani. Iara ginauna na puri nguanguja mala vuhai nakrofu mumuju tuana.