Profet Jeremaea 10:6 - Buka Blahi Ka Cheke Holo

⁶ Lord, theo kaisei god te jateula iagho teuna! Nanghamu iagho na fnakno fara kligna lahu, eghuteuna iagho au nolaghi fateote'o.

Profet Jeremaea 10:6 ပူးပေါင်းရင်းမြစ်များ

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Nodi Khoje Hatimare Mae Jiu 96:4

Lord na fnakno kligna lahu. Uve, tahati pala hagheni nanghagna mana na. Fnakno kligna lahu ka God fateote'o, nei tahati mala ghatho tahuni mana kolho.

Nodi Khoje Hatimare Mae Jiu 48:1

Lord te fnakno kligna lahu! Tahati na tei ka nogna thogele blahi God na mala pala hagheni nanghagna mana na kilgna! Tahati na tei ka nogna namono biꞌo God na mala cheke fakelini mana. Nogna thogele blahi God igne au ke raru nei famane fara eghu. God na mae King, eghuteuna nogna thogele blahi mana igne faglealeꞌadi naikno te gnafa ka nauthoglu igne.

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Profet Daniel 4:3

“Fagaglana te fakakhana God ka tahati igre thono biꞌo fara! Kofubobhoi te edi mana igre thono nheta fara! God ginauna king fabrahu, eghuteuna mana ginauna funei fruni tifa tifa.”

Nodi Khoje Hatimare Mae Jiu 147:5

Noda Lord na kaisei mae nafnakno nei nolaghi eghu fara, nei theo kaisei naikno te tangomana te fananaba nogna glalase na.

Fapea Samuel 7:22

“Lord God iagho thofno kligna lahu tulao! Theo kaisei jateula iagho teuna! Thono theo fara. Ghehati te nomhini nei laseni teuna kaisei iagho ngala God na. Theo ihei nga.

Profet Jeremaea 32:18

Leuleghu fata na, iagho namhadi nei kokhonidi eghu kmana thogha naikno. Nu jame te tapla jafra kaisei phagusu ka nakhibo na, iagho ginauna paradi naikno te leghudi puhi te diꞌa tuare baludi goro thudi nate karha mei ke leghudi re. God, iagho thofno keli fara, nei nolaghi fara eghu, eghuteuna nanghamu iagho na Lord, mae ihei te au nolaghi fateote'o.

Profet Isaia 40:25

Igne nogna cheke God mae te blahi fara, “Ihei gne te jateula iara teu puhigna na?

Eksodas 8:10

Mae king ne cheke eghu, “Eni tuana nathuꞌu.” Mae Moses ne cheke eghu ka mana, “Uve, unha te magnahagheni iagho na eni au. Eghuteuna naikno te gnafare ginau na laseni eigna jare na theo kaisei god aheva nga te jateula Lord nomi God teu ghehati mae Hibru gre na.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Profet Daniel 4:34

Aonu King Nebukadnesa ne cheke eghu eidi narane igre, “Kate gnafa fitu finogha igre, iara mae Nebukadnesa filo haghe ka maloa kligna, eghuteuna gaoghathogu na iara neke snagla fapulo. “Aonu iara ne cheke fakelini God mae ihei te fnakno kligna lahu. Uve, iara ghatho tahuni nei pala hagheni eghu nanghagna mana te karha fabrahu tifa te tifa. Tutuani, God igne ginauna funei frunidi fabrahu naikno te gnafa ka nauthoglu gne.

Profet Isaia 46:9

Ghotilo ghathodi glepo teke edi tifa ra. Eghuteuna te mala laseni ghotilo na, kaisei iara ngala God na, theo kaisei god ahevanga te jateula iara teuna.

Profet Isaia 46:5

“Ihei te jateula iara teuna? Ba? Keha god gre jateula iara eghu? Theo kaisei te nanaba ka iara na, ba te jateula iara teuna. Thono theo fara.

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?

Nodi Khoje Hatimare Mae Jiu 35:10

Eghuteuna ka nagnafagu fateo na iara ginauna cheke eghu ka God, “Theo kaisei naikno te jateula iagho teuna, iagho togho fakelidi naikno te nigra re. Eghume naikno te nheta re theome tangomana te goigonidi re naikno te kumare.”

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Diutronomi 32:31

Nomi naoka ghotilo are laseniu te nodi god naikno tuare theo nodi nolaghi te jateula nolaghi te au ka iara igne teuna.

Eksodas 9:14

Jame te theome eni iagho igne na, gognaro na iara ginau para nigho iagho baludi nou mae funei nei naikno teu iagho are. Ghotilo ginau na thofno laseni te theo kaisei god jateula iara teu te au nolaghi biꞌo ka nauthoglu igne na.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Profet Jeremaea 10:16

Nu nogna God mae Jekop igne theome jateula keha nafnata god are eghu. Mana ngala mae ihei teke vuavuhadi gobigna lepo ka nauthoglu igne. Eghuteuna vahi fadelei ghita tahati naiknoda Israel mala nogna naikno thegna. Nanghagna na Lord mae ihei te au nolaghi fateote'o.

Ululahu Kronikols 16:25

God na fnakno kligna lahu. Uve, tahati pala hagheni nanghagna mana na. Mana haghe fara tulao salaꞌudi keha god are. Tahati mala ghatho tahuni mana kolho.