Profet Jeremaea 10:5 - Buka Blahi Ka Cheke Holo

⁵ Mumuju igre tharu maei kolho, jateula thotogale naikno te mala famamhaghu nanghaji ka nagare sopho ra eghu kolho. Mumuju god igre theome tangomana te cheke na nei jaola theome tangomana te nolo na. Ghotilo thosei mhaghudi, eigna mare theome tangomana te goigoni ghami ghotilo na, nei jaola theome tangomana te togho ghami ghotilo na.”

Profet Jeremaea 10:5 ပူးပေါင်းရင်းမြစ်များ

Profet Isaia 46:7

Mare hata mumuju igne ne fakegra haghe ka kaisei vido mala au fabrahu jare, naugna mumuju igne theome tangomana te nolo tafri thegna na. Nu ihei te tarai ka mumuju igne na, mumuju igne ginauna theome tangomana nate nomhini mana na, nei jaola theome tangomana nate toghoni mana ka narane te thoke mei puhi biꞌo na.

Ululahu Korin 12:2

Uve, ghotilo laseni kani au teku ghotilo ka nodi puhi iheire te theome fatutuani God ra, mae Satan neke batu fadelei ghami te mala pogho soru ghotilo ka mumuju te theo karha tadire.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Profet Habaku 2:19

Kokhoni ghami fara! Ghotilo cheke eghu koba ka kaisei vido gaju ba ka kaisei thina biꞌo, ‘Dofra! Kegra haghe sagho!’ Ba? Mumuju igne lalase na nomhi ghami nei cheke balumi ghotilo eghu? Thono theo fara. Tutuani, ghotilo hohoro mumuju igre ka silva nei ka gol mala famane filodire, nu theo kaisei nakarha tadi eghu!”

Profet Isaia 46:1

Igne leghu lahudi phei mumuju god, Bel ghe Nebo, te mala tarai naiknodi Babilonia ra. Nu phei god igre dongki kolho te pala tafridi re. Phei dongki igre, thono tahu fara, eghuteuna dongki te pala igre jaola thono babaꞌo nodi fara.

Profet Isaia 45:20

Lord neke cheke eghu, “Ghotilo te gnafa ka keha kantri te au karha nga teu ra, ghotilo kafe mei mala fate ke ulugu iara! Keha naiknore pala tafri nodi mumuju teke horo kolho ka gaju re. Eghuteuna mumuju god te tarai mare tadi igre theo kaisei nodi nolaghi te mala fakarhidi mare na. Nafnata naikno igre theome laseni kolho kaisei glepo.

Ululahu Kings 18:26

Aonu mare ne hata keha buluka nalhaꞌugna na ne tarabana neu. Eghuteuna mare ne funu tarai ka Baal hamerane ne ghilei farihotei aublatha. Aonu mare ne eha eghu fabiꞌo, “Lord Baal! Fanomho mei ka nomi tharai ghehati gre!” Aonu mare ne ragi faligohoni olta teke horo mare na, nu theo kaisei cheke tughu te mei funu ka god Baal.

Profet Jeremaea 10:14

Mae igre theome eghu. Mae igre fameomekro nei theome lalase eghu. Mae te hohoro mumuju ka gol igre ginauna mamaja nodi fara, naugna god te edi mare igre chaichaghi kolho. Eigna theo kaisei nakarha tadi.

Diutronomi 4:28

Jare ghotilo ginauna tarai ka mumuju teke horo kolho naiknore. Nafnata mumuju teke horo ka gaju ba thina te theome tangomana te fifilo ba fanomho ba ghamu ba gnanghoni kaisei glepo.

Fapea Kronikols 25:15

Aonu Lord ne diꞌatagna fara ka Amasaea ne kuru meini kaisei profet ka mana. Profet igne ne cheke eghu ka mana, “Naugna unha sagho te tarai ka nodi god naiknodi delei grea? Filo sagho, kate tei magra iagho ka mare ra, nu god igre neke theome tangomana teke fakarhidi mare na!”

Profet Isaia 16:12

Naiknodi Moab igre kmusa fara kate haghe fabrahu ka thogele te mala tarai ka mumuju. Neuba mare ne tei ka vido te mala tarai igne, nu igne theo nafugna kolho.