Profet Jeremaea 10:4 - Buka Blahi Ka Cheke Holo

⁴ Gnafa teuna mare lalaoni mumuju igne ka silva nei ka gol. Aonu mare atha hama nei nila mala tutu famaku thinigna na mala theome uka pari.

Profet Jeremaea 10:4 ပူးပေါင်းရင်းမြစ်များ

Profet Isaia 46:7

Mare hata mumuju igne ne fakegra haghe ka kaisei vido mala au fabrahu jare, naugna mumuju igne theome tangomana te nolo tafri thegna na. Nu ihei te tarai ka mumuju igne na, mumuju igne ginauna theome tangomana nate nomhini mana na, nei jaola theome tangomana nate toghoni mana ka narane te thoke mei puhi biꞌo na.

Profet Isaia 44:12

Mae te lase hohoro glepo ka aean na, mana ginauna hata kaisei vido aean mala gahu ka khaꞌaghi te brana fara na mala hohoro kaisei mumuju. Aonu mana kuri aean igne ka nanhetagna fateote'o ghilei eni nafnata mumuju te magnahagheni mana na. Neubane mae nheta mana, mana tangomana te rofo nei roi koꞌu, nei babaꞌo langau teuna.

Nodi Khoje Hatimare Mae Jiu 135:15

Nodi god mae bongihehe gre neke hohoro kolho naikno ka silva nei gol eghu.

Nodi Khoje Hatimare Mae Jiu 115:4

Nu nodi god naikno bongihehere neke edi kolho ka silva nei gol.

Profet Isaia 46:6

Naiknore tothora nodi gloi re, eghuteuna tofa soru gol ba silva mala skel. Aonu mare folini kaisei mae mala hohoro kaisei mumuju ka gol nei silva teu igre. Gnafa teuna, mare pogho soru ne tarai ka mumuju igne.

Profet Hosia 13:2

Gognarona mae Israel igre mare leghuni puhidi vikegna mae Ifreim te diꞌa igre, mare tapla jafra fabrahu ka nakhibo. Mare theome gnafa te hohoro mumuju ka silva te mala tarai nei pogho soru ranghini teuna. Mumuju igre neke hohoro kolho naikno leghuni nogna glalase na. Naiknodi keha kantri te au faligohodi mare igre cheke eghu, “Mae Israel igre mare falehe naikno mala fafara ka mumuju, eghuteuna mare gnangho ka mumuju buluka igne.”

Profet Habaku 2:19

Kokhoni ghami fara! Ghotilo cheke eghu koba ka kaisei vido gaju ba ka kaisei thina biꞌo, ‘Dofra! Kegra haghe sagho!’ Ba? Mumuju igne lalase na nomhi ghami nei cheke balumi ghotilo eghu? Thono theo fara. Tutuani, ghotilo hohoro mumuju igre ka silva nei ka gol mala famane filodire, nu theo kaisei nakarha tadi eghu!”