Profet Jeremaea 10:16 - Buka Blahi Ka Cheke Holo

¹⁶ Nu nogna God mae Jekop igne theome jateula keha nafnata god are eghu. Mana ngala mae ihei teke vuavuhadi gobigna lepo ka nauthoglu igne. Eghuteuna vahi fadelei ghita tahati naiknoda Israel mala nogna naikno thegna. Nanghagna na Lord mae ihei te au nolaghi fateote'o.

Profet Jeremaea 10:16 ပူးပေါင်းရင်းမြစ်များ

Diutronomi 32:9

Nu ghotilo nogna naikno Lord. Ghotilo naikno ka vikegna Jekop ra, ghotilo nogna Lord.

Profet Jeremaea 32:18

Leuleghu fata na, iagho namhadi nei kokhonidi eghu kmana thogha naikno. Nu jame te tapla jafra kaisei phagusu ka nakhibo na, iagho ginauna paradi naikno te leghudi puhi te diꞌa tuare baludi goro thudi nate karha mei ke leghudi re. God, iagho thofno keli fara, nei nolaghi fara eghu, eghuteuna nanghamu iagho na Lord, mae ihei te au nolaghi fateote'o.

Profet Jeremaea 31:35

God neke lillisei naprai na mala phae ka narane, eghuteuna glaba nei nathunu teu igre mala phae bongiro. Mana neke eni thongna gne mala malu oa'ongha fabiꞌo. Nanghagna God igne, Lord mae ihei te au nolaghi fateote'o. Igne unha te chekeni Lord na:

Profet Jeremaea 51:19

Nu noda God tahati vike gna mae Jekop igre theome jateula keha god are eghu. Kaisei mana ngala teke vuavuhadi gobigna lepo ka nauthoglu igne, eghuteuna mana vahi ghita mala nogna naikno mana. Uve, nanghagna mana na, Lord mae ihei te au nolaghi fateote'o.”

Profet Jeremaea 10:12

Ka nogna gaoghatho te keli nei ka nogna glalase eghu thegna Lord neke vuavuha nauthoglu ghe maloa igre. Mana neke vuavuha glepo igre ka nogna nolaghi nei glalase eghu thegna.

Nodi Khoje Hatimare Mae Jiu 119:57

Lord God, kaisei iagho ngala te tusu mei ka iara u karha na, eghume iara nhaꞌa cheke mala leghudi nou cheke iagho re.

Nodi Khoje Hatimare Mae Jiu 74:2

Ghatho ghami ghehati sagho, eigna iagho neke vahi ghami ghehati funu tifa. Funu tifa te mei na, ghehati neke sneka kolho, nu iagho neke fakarhi ghami ghehati mala vikemu themu. Iagho jaola ghathoni Thogele blahi Saion aheva teke au iagho tifa ia.

Lamentations 3:24

Te ghathoni iara na, “Lord ngala thua nafnotu te magnahaghedi iara re, eghume iara tangomana te fatutuanini mana na.”

Nodi Khoje Hatimare Mae Jiu 135:4

Lord neke vahini vikegna mae Jekop mala nogna naikno mana. Uve, mana la vahidihi naiknodi Israel mala thofno nogna naikno mana.

Profet Jeremaea 50:34

Nu God mae ihei te mala atha fajifladi mare na thono nheta fara. Nanghagna mana na Lord, mae ihei te au nolaghi fateote'o. Mana ginauna toghodi mare, eghuteuna mana na tapla faparidi hatimare mae naoka. Eghuteuna mana ginauna toghodi nogna naiknore mala au ka pharikeli ka nodi thofno namono na. Nu iara ginauna eꞌei puhi biꞌo mala thokedi naiknodi Babilonia.”

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Nodi Khoje Hatimare Mae Jiu 73:26

Gaoghathogu nei thinigu teu iara gre tangomana te glaꞌe na, nu iagho God ngala te mala farheta ghau iara na, iagho ngala te au fabrahu ka nakarhagu iara na.

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Profet Isaia 54:5

Naugna iara jateula mae tholaghi eghu ka ghotilo, naugna iara neke vuavuha ghami ghotilo. Nanghagu iara na Lord, mae ihei te au nolaghi fateote'o. Eghuteuna iara nodi God te blahi mae Israel mae ihei te atha fasnagla ghami nei funei frunidi naikno te gnafa ka nauthoglu igne.

Profet Isaia 51:15

Iara nomi Lord, nei nomi God ghotilo. Nanghagu iara na Lord, mae ihei te au nolaghi fateote'o. Iara neke cheke ranghidi nhorora nei galo teu igre mala oa'ongha fabiꞌo.

Profet Isaia 47:6

Tifa na iara diꞌatagu fara ka nogu naiknore naugna mare ne theome leghuni puhigu iara na. Iara neke nhaꞌa sorudi ke parigna nou nolaghi iagho, nu iagho neke goigonidi kolho, eghuteuna iagho neke theome kokhonidi kolho naiknore. Neubane mae khuekuꞌe mare, iagho paradi fara.

Profet Isaia 47:4

God mae ihei te togho ghita igne, nanghagna na Lord mae ihei te au nolaghi fateote'o. Mana nodi God Blahi mae Israel.

Proveb 16:4

Lord edi gobigna lepore leghuni gaoghatho gna na. Eghuteuna Lord na jaola parani mae te diꞌa na.

Nodi Khoje Hatimare Mae Jiu 142:5

Lord God, iara eha mei ka iagho mala togho ghau, naugna iagho ngala vido keli te mala poru iara na. Iara magnahaghei kaisei glepo kolho, glepo igne mala au balumu iagho fabrahu.

Profet Jeremaea 10:6

Lord, theo kaisei god te jateula iagho teuna! Nanghamu iagho na fnakno fara kligna lahu, eghuteuna iagho au nolaghi fateote'o.

Profet Jeremaea 33:2

Profet ne cheke eghu, “Lord mae ihei teke ghaoghaho nei vuavuha teku nauthoglu igne. Nanghagna Lord! Mana neke cheke eghu:

Profet Emos 4:13

Kaisei God ngala te au nolaghi na, teke vuavuhadi thogele nei nuri teu igre. Mana lasedi gaoghathodi naiknore. Mana au nogna nolaghi te mala tughu narane na mala ke romno. Mana fnakno fara, eghuteuna mana funei frunidi vido te gnafa ka nauthoglu igne. Nanghagna na Lord mae ihei te au nolaghi fateote'o!

Profet Sekaraea 2:12

Nohi Juda igne ginauna mala nogna Lord ka nogna glose blahi mana. Eghuteuna mana ginauna nake vahini Jerusalem kaisei namono mala au mana tagna.

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Profet Isaia 19:25

Lord mae ihei te au nolaghi fateote'o igne ginauna fablahidi naiknodi thilo kantri igre. Mana ginauna na cheke eghu, “Ghotilo naiknomi Ijep ra, ghotilo nogu naikno iara. Ghotilo naiknomi Asiria ra, ghotilo mala nogu naikno iara. Eghuteuna iara jaola neke vahini vikegna Israel ka keha naikno teu ka nauthoglu igne mala nogu iara. Eghuteuna iara ginauna fablahi ghami ghotilo hui.”

Profet Jeremaea 46:18

“Igne nogna cheke mae king nanghagna na Lord, mae ihei te au nolaghi fateote'o. Mana ne cheke eghu: Iara nhaꞌa cheke ka nanghagu thegu. Naoka ginauna mei mala magra ka ghotilo mae iheire te faheaheta fara te salaꞌu ra. Naoka nate mei ka ghotilo igne ginauna kegra rheta jateula thogele Tebo te haghe salaꞌudi keha gukhura eghu, eghuteuna jateula thogele biꞌo Kamel te kegra haghe ke kligna thongna ra eghu.