Profet Jeremaea 1:16 - Buka Blahi Ka Cheke Holo

¹⁶ Iara diꞌatagu fara ka puhi te diꞌa te edi nogu naikno iara igre, naugna mare ne figri tagru ghau iara. Eghuteuna mare theome gnafa te gahu insens nei tarai teu ka mumuju god teke sari thedi igre.

Profet Jeremaea 1:16 ပူးပေါင်းရင်းမြစ်များ

Profet Jeremaea 19:4

Iara ginauna eni igne, naugna naiknogna namono igne figri tagru ghau iara ne goigoni namono igne. Mare neke atha mei nodi god keha kantri delei mala pogho soru tadi. Eghuteuna mare gahu gano neke fafara ka god igre. Naikno igre baludi mae kuꞌedi tifa ra, nei hatimare mae king di Juda jaola theome lasedi god igre. Namono igne fodu ka dadaradi naikno te doglo.

Profet Jeremaea 7:9

“ ‘Leuleghu fata na ghotilo blau, falehe naikno, theome leghuni puhigna tholaghi na, nei theome eni unha teke nhaꞌa chekeni ghotilo na. Eghuteuna ghotilo gahu insens ka god Baal, eghuteuna ghotilo tarai ka god teke theome lasedi ghotilo tifa.

Mae Khuru 7:41

Aonu mare ne hohoro kaisei mumuju mala jateula buluka eghu. Eghuteuna mare ne fafara ka mumuju buluka igne ne keli tadi ka unha teke hohoro thedi na.

Profet Isaia 2:8

Nodi namono mare igre jaola fodu ka mumuju, eghuteuna mare tarai ka mumuju teke horo kolho thedi tuare.

Diutronomi 28:20

“Kate figri tagruni ghotilo Lord, te leghuni ghotilo puhi te diꞌa na, mana ginauna tusu ari puhi biꞌo mala thokedi gobigna lepo te edi ghotilo are. Mana ginauna tei koko ghami ghotilo, eghuteuna ghotilo ginauna mhaghu nomi na theome tangomana te laseni unha nate eni na, ghilei goigoni ghami fabrahu ghotilo.

Profet Hosia 11:2

Nu kmana fata iara neke ehadi mala mei ka iara, nu mare tirodi neke tei fakhaba ka iara. Mare fafara nei jaola gahu insens koba ka mumuju god Baal igre.

Profet Hosia 8:6

Kaisei maegna Israel neke eni mumuju god igne. Eghuteuna glepo teke eni mana igne theome God tutuani. Iara ginauna na puri nguanguja mala vuhai nakrofu mumuju tuana.

Profet Jeremaea 44:17

Ghehati ginauna edi gobigna lepo igre jateula teke chekedihi ghehati ra eghu. Ghehati ginauna gahu insens nei tarai eghu ka god gaꞌase Kuin gna Kligna igne. Eghuteuna ghehati ginauna tofa waen fabrahu ka naꞌa, jateula teke edi kuꞌemi, nomi king, nei nomi mae mala baubatura. Mare neke edi glepo igre ka namono te gnafa agne Juda nei Jerusalem. Ka narane tuare tahati neke au gheda kmana gano neke au fakeli noda neke theome thoke ghita kaisei puhi biꞌo.

Profet Jeremaea 17:13

Lord God, ghehati maemi Israel gre fatutuani nigho. Ihei te figri tagru nigho na ginauna mamaja nogna fara. Ihei te tei koko nigho iagho na, ginauna na jateula cheke te rioriso soru ke kligna nusu ra eghu, eghuteuna ghosei me dofini teura eghu kolho. Lord, iagho jateula glokha khoꞌu te tusu mei karha na ka ghehati ra eghu.

Profet Jeremaea 4:12

Nuri igne ginauna rheta fara mala mei goigonidi mare. Tutuani fara, iara neke chekenihi te mala fatedi naiknore. Gognaro na iara magnahaghei te paradi.”

Profet Isaia 37:19

Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Fapea Kings 22:17

Naugna nogu naikno iara igre neke tei koko ghau iara neke gahu insens ka keha god delei, eghuteuna iara thono diꞌatagu fara ka mare eidi gobigna lepo te edi naikno igre. Eghuteuna diꞌatagu iara ka naiknore igne ginauna theo ka huigna.

Josua 24:20

Neuba Lord ne thofno keli fara ka tahati, nu jame te tei kokoni ghotilo mana na, eghuteuna jaola me tei leghudi ghotilo keha god are teuna, mana ginauna diꞌatagna ka ghotilo, te eghu na, mana ginauna goigoni fahui ghami ghotilo.”

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Profet Esikiel 24:14

“ ‘Iara Lord te chekeni igne. Narane te mala eni iara unha teke chekeni iara ia la thoke meihi. Iara ginauna na theome kokhoni ghami ghotilo eghuteuna iara ginauna na theome tangomana na teke tughu gaoghathogu na. Iara ginauna para ghami ghotilo nabadi puhi te diꞌa teke edi ghotilo ra. Igne nogu cheke iara Lord God.’ ”

Profet Jeremaea 51:17

Naikno igre thono fameomekro fara, mare theome lalase. Naikno te hohoro glepo ka gol igre mamaja nodi fara, naugna mumuju god te edi mare igre khogla chaichaghi kolho. Glepo igre theo karha tadi.

Profet Jeremaea 16:11

Aonu iagho ginauna na cheke eghu ka mare, ‘Lord na neke cheke eghu: Kuꞌemi ghotilo tifa ra, mare neke figri tagru ghau iara, eghuteuna mare neke leghudi god te chaichaghi re neke pogho soru tadi. Uve, mare neke figri tagru ghau iara neke tirodi leghuni chekegu iara na.

Profet Jeremaea 15:6

Ghotilo tiromi ghauhi iara la rikha ghau iara. Eghume iara ginauna falehe ghami nei goigoni ghami eghu ghotilo. Iara na theome kokhoni ghami ghotilo.

Profet Jeremaea 11:17

Iara Lord mae ihei te au nolaghi fateote'o, iara neke nhaꞌa soru ghami ghotilo ka vido te au ghotilo igne, jateula mae ihei te joꞌu famane gaju oliv ka nogna nagare na ia neku. Nu gognarona, iara ginauna na snakre mei puhi biꞌo mala thoke ghami ghotilo. Naugna ghotilo naiknomi Israel nei naiknomi Juda teu igre leghuni fabrahu puhi te diꞌa na. Ghotilo tarai koba ka god Baal, nafnata puhi te diꞌa te eni fabrahu ghotilo igne te diꞌataguni iara ka ghotilo na.

Profet Jeremaea 11:12

Naiknodi Jerusalem nei keha naiknodi Juda teu igre ginauna tei tanhi ka god te chaichaghi te gahu insens nei tarai teu mare tadi igre. Nu kate posa mei puhi biꞌo ka mare na, god igre ginauna theome tangomana te toghodi mare ka narane igne.

Profet Jeremaea 10:15

Mumuju igre theo nafudi kolho, eghuteuna naiknore fameomekro fahaehaghedi glepo igre. Ka narane fate na, God ginauna roꞌe fahui glepo igre.

Profet Jeremaea 5:29

Ba, na theome para ghami iara eidi glepo te diꞌa igre neu si ghotilo ia? Theo, iara na theome kokhonidi nafnata naikno jateula ghotilo teu igre. Theo fara.

Profet Jeremaea 5:9

Ba, na theome para ghami iara edi glepo te diꞌa tuare neu si ghotilo ia? Theo, iara ginauna paradi fara nafnata naikno te jateula ghotilo teu igre.

Profet Jeremaea 4:28

Gobigna lepo ka nauthoglu na igre ginauna tanhi, eghuteuna maloa igne ginauna romno soru. Naugna igne, nogu cheke nei gaoghatho teu iara te mala edi glepo igre ginauna na theome ke tughu.”

Profet Jeremaea 2:17

Ghotilo faꞌeiꞌei puhi ne thoke ghami themi. Kate batu ghami iara ka puhi te doglo na, ghotilo tiromi leghu ghau iara nomi God.

Profet Jeremaea 2:13

Naugna nogu naikno iara igre ne edi phei najafra te thono diꞌa fara igre. Naikno igre figri tagru ghau iara. Iara jateula glokha te fura haghe te mala koꞌu te karha naiknora eghu, nu mare tei koko ghau iara. Eghuteuna, mare leghudi god teke sari thedire. Uve, god igre jateula baket teke horo kolho naikno, nu phosa me theo kaisei khoꞌu tagna teura eghu kolho.

Profet Isaia 65:3

Leuleghu fata na, ghotilo theome mamajadi koba glepo te diꞌa tagudi iara re. Iara theome gleꞌadi puhi te fafara koba ghotilo ka nomi mumuju god ke lamna nagare blahi, nei gahu insens mala pogho soru ka god te chaichaghi tuare.

Profet Isaia 44:15

Mae igne hata vidogna gaju igne mala gahu gano, ba mala peha. Eghuteuna keha vido na mala sari mumuju god mala tarai nei pogho soru eghu tagna.

Fapea Kronikols 34:25

Naugna naiknore ne tirodi ghau iara ne gahu insens ka keha god delei, eghuteuna puhidi mare igre te thono diꞌatagudi fara iara re. Eghume iara ginauna na fakakhana diꞌatagu na ka mare, eghuteuna diꞌatagu iara igne theome tangomana te gnafa na.’ ”

Fapea Kronikols 7:19

“Nu jame te figri tagru ghau iara ghotilo maemi Israel gre te theome faꞌuvedi nogu vetula nei nogu cheke teu teke edi iara ka ghotilo ra, ba pogho soru ka keha god delei.

Profet Joel 2:11

Aonu Lord ne eha fabiꞌo ka cheche te jateula nogna mae soldia teu mana igre. Aonu naoglagna mana igne thono biꞌo fara jateula te poha fila ra eghu. Neuba, cheche igre ne kmana fara nei nolaghi fara neu, rehati na leghuni kolho nogna cheke mana na. Eghume, nogna Narane Lord igne ginauna ninhigrana fara. Ihei gne te nabagna nate khegra heta kate thoke mei Narane igne na? Thono theo fara.

Thakle 9:20

Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.

Profet Jeremaea 2:28

Nu aheva gne nomi god ghotilo te mala fakarhi ghami ka puhi biꞌo te thoke ghami ghotilo na? Tore ghotilo ka nomi god tuare eghu mala fakarhi ghami! Ghotilo maemi Juda, ghotilo au nomi kmana god ka namonomire, ba, god igre nabadi te mei fakarhi ghami ghotilo na?”

Profet Jeremaea 10:3

Nodi kastom mare igre theome tutuani nei theo nafudi eghu kolho. Ulu lahu na mare kato soru kaisei gaju, aonu iheire te lase sari igre ginau sari gaju igne mala horo mumuju god.

Fapea Kronikols 28:2

Mana leghudi puhidi king di Israel te diꞌa tifa ra. Mana horo mumuju gna god Baal ka gol.

Profet Jeremaea 2:19

Ghotilo tei koko ghau iara, eghume iara ginauna na snakre ghami ghotilo mala tei au fakhaba ka iara mala eni fabrahu ghotilo puhi te diꞌa na. Eghuteuna ghotilo ginauna na au papara fabrahu jare. Naugna igne, ghotilo ginauna filo glani puhi te tei koko ghau iara na, nei theome ghatho tahu ghau iara teuna. Igne thofno puhi diꞌa fara, naugna igne, ghotilo ginauna au papara.” Igne chekegna Lord God mae ihei te au nolaghi fateote'o.

Profet Jeremaea 7:17

Ba, iagho theome filodi puhi te diꞌa te edi maedi Juda te edi ka nodi namono re nei ka nabrou Jerusalem teu are?

Profet Jeremaea 7:18

Goro suara salo gaju mei, eghuteuna mae kmadira eꞌei khaꞌaghi, eghuteuna idodira ngigno flaoa mala eꞌei bret mala fafara ka god gaꞌase Kuin Gna Kligna. Mare jaola toatofa waen ka keha god te mala pogho soru mare tadi re. Mare edi igre mala goigoni ghau iara kolho.

Profet Jeremaea 18:15

Nu naikno teke vavahi iara mala nogu naikno thegu teku igre la ghatho iho ghauhi iara. Leuleghu fata na mare gahu insens koba ka mumuju god te theo nafudi igre. Mumuju god igre batudi mare mala tei snivi ka famane nabrou te fei au na, eghuteuna mare leghuni kolho nabrou te diꞌa na mala uka tagna.

Profet Esikiel 16:18

Iagho hata koba famane pohe te nhogrei teke faꞌari iara ka iagho ra, eghuteuna iagho lalaoni mumuju igre. Iagho hata oliv oel nei insens teke faꞌari iara ka iagho ra, eghuteuna falao ka mare.