Profet Jeremaea 1:12 - Buka Blahi Ka Cheke Holo

¹² Aonu Lord na ne cheke eghu ka iara, “Doglo fara! Iara ginauna na filo fakelini nogu cheke na mala thoke mei tutuani.”

Profet Jeremaea 1:12 ပူးပေါင်းရင်းမြစ်များ

Profet Esikiel 12:28

“Eghume, iagho cheke eghu ka mare, igne te chekeni Lord na: Theo kaisei glepo nate fanogra te mala theome thoke mei nogu cheke iara igre. Theome raugha, gobigna lepo te chekedi iara igre ginauna thoke mei. Igne nogu cheke iara Lord!”

Profet Esikiel 12:25

Eghuteuna iara Lord ginauna cheke, eghuteuna gobigna lepo te chekedi iara igre ginauna thoke mei tutuani. Uve, theo kaisei glepo tangomana nate fanograni te mala theome thoke mei dire. Ghotilo iheire te karha nga teu gognaro igre te figri tagru ghau iara ra, iara ginauna edi gobigna lepo te chekedi iara igre ginauna thoke mei ka ghotilo, uve, glepo igre ginauna thoke mei tutuani. Igne nogu cheke iara Lord.”

Luku 10:28

Mae Jisas ne cheke eghu ka mana, “Uve, nou cheke tughu iagho igne doglo fara. Te eni iagho igne na, iagho ginauna hatini karha fei tifa na.”

Profet Emos 8:2

Lord ne cheke eghu ka iara, “Emos. Iagho filo glani glepo igne?” Iara ne cheke eghu, “Uve, kaisei kharaꞌo fodu ka sisi muita tarabana mala ghamu.” Mana neke cheke eghui ka iara, “Uve. Iara jaola tarabana mala paradi nogu naiknore. Iara ginauna theome tangomana te tughu gaoghathogu na te mala paradi naikno igre.

Diutronomi 5:28

“Aonu kate nomhidi Lord glepo igre, mana neke cheke eghu ka iara, ‘Moses, iara nomhidi cheke igre tutuani fara.

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Diutronomi 18:17

“Eghume Lord neke cheke eghu ka iara, ‘Unha te chekeni mare igne tutuani ngala.

Luku 20:39

Keha mae ka hatimare mae velepuhigna vetula nogna mae Moses gre nomhini igne ne cheke eghu ka mana, “Velepuhi, te chekedi iagho gre tutuani fara!”

Profet Jeremaea 31:28

Tifa na iara neke thofno atha fajifladi ka nodi namono re. Iara neke roꞌedi, faparidi, nei goigonidi fara neku. Nu iara Lord ginauna reireghi fakelidi ka narane iara nate babana fapulodi, nei lisei fapulodi jateula mae ihei te joꞌu gano ka nogna nagare ra eghu.” Igne cheke gna Lord.

Profet Jeremaea 1:13

Aonu God neke fapea cheke eghu ka iara, “Unha ngau eghu te filoni iagho na?” Aonu iara ne cheke eghu, “Iara filoni kaisei suspen ghurau ke raru. Eghuteuna suspen igne namo thofa mei ka tahati agne.”

Profet Isaia 55:11

Chekegu iara na ginauna jateula tuana eghu. Gobigna lepo te chekedi iara igre ginauna thoke mei tutuani jateula teke ghathoni iara na eghu. Eghuteuna unha te chekeni iara na, na theome theo. Uve, gobigna lepo te chekedi iara igre ginauna thoke mei jateula te magnahagheni iara na eghu.

Profet Jeremaea 24:3

Aonu Lord ne cheke eghu ka iara, “Ghema Jeremaea, unha te filodi iagho re?” Iara ne cheke eghu, “Sisi fig. Kehare keli, nu kehare diꞌa theome naba kaisei naikno te ghamu na.”