Profet Jeremaea 1:1 - Buka Blahi Ka Cheke Holo

¹ Igre nogna cheke mae Jeremaea thugna mae Hilkaea. Mana kaisei mae pris ka namono Anatot ka nodi nohi vikegna Benjamin.

Profet Jeremaea 1:1 ပူးပေါင်းရင်းမြစ်များ

Profet Jeremaea 11:21

Hatimare mae te au ka namono Anatot igre, mare magnahaghei te falehe ghau iara ne cheke eghu ka iara, “Iagho thosei toutonuni nanghagna Lord igne! Jame te eni iagho nafnata cheke igne na, ghehati ginauna falehe nigho iagho!” Nu Lord ne nomhini nogu cheke iara igne ne cheke eghu,

Fapea Kronikols 36:21

Ka puhi igne nodi glose mare na ne krogha fabrahu ne ghilei posani fitusalei finogha leghuni unha teke chekeni mae Jeremaea nogna profet Lord tifa ia.

Ululahu Kronikols 6:60

Eghuteuna mare jaola ne tufa keha namono te au ka nodi vido glose vikegna mae Benjamin na igre: Gibeon, Geba, Alemet, Anatot baludi glose te au faligohodi namono igre. Mare ne tufa nabotho thilo namono ka vikegna mae Kohat, mae ihei teke karha ka vikegna mae Eron.

Profet Emos 7:10

Aonu Amasaea mae ihei te pris ka namono Betel, mana ne fatei ripot eigu iara ka King Jeroboam mae ihei te king Israel. Ripot igne cheke eghu, “Mae Emos gne gognarona salo fodu mei naiknore mala ei puhi ranghi nigho iagho. Nogna cheke re, mana ginauna thofno goigoni ni noda kantri tahati igne.

Profet Emos 1:1

Cheke igre neke cheke thegna Lord ka profet Emos. Mae Emos gne kaisei mae au nogna kmana sipu, ka namono Tekoa ka kantri Juda. Mana neke chekedi cheke igre ke lamnadi phei finogha neke thoke mei nga nakheu biꞌo na ka mare. Ka narane igre, king Iusaea neke funei Juda, nei king Jeroboam thugna mae Jehoas neke King Israel.

Profet Isaia 1:1

Cheke igre, Lord neke cheke mei ka Profet Isaia, thugna mae Emos, mala cheke mana ranghidi naiknodi Jerusalem ghe Juda. Profet neke chekedi cheke igre ka naranegna King Iusaea, King Jotam, King Ehas nei King Hesekaea. Mae igre neke king ka kantri Juda.

Profet Isaia 2:1

Cheke igre, cheke eidi Jerusalem ghe Juda neke cheke Lord ka iara Isaia, thugna Emos.

Matiu 2:17

Igne ne thofno horoghoto ka unha teke chekeni mae profet Jeremaea tifa ia,

Matiu 16:14

Mare ne cheke eghu ka mana, “Keha naiknore te chekei na iagho mae Jone Apublahi, eghuteuna keha naiknore te chekei na iagho mae profet Elija. Keha naiknore te chekeni na iagho mae profet Jeremaea, ba kaisei mae ka hatimare mae profet di tifa ra.”

Matiu 27:9

Igne horoghoto ka unha teke cheke eghu mae profet Jeremaea tifa ia, “Mare ne hata haghe tolufulu sileni, naba teke magnahagheni mare te mala folini mana.

Ululahu Kings 2:26

King Solomon ne cheke eghu ka pris Abiata, “Iagho ke figri ka namonomu Anatot. Iagho nabamu te lehe na, nu iara na theome falehe nigho iagho gognarona, naugna tifa na iagho neke toghoni mae kmagu iara ia neke pala nogna Bokis Blahi Lord na. Eghuteuna iagho neke ruma haghe balugna mana ke lamnadi narane te ninhigrana tura.”

Fapea Kronikols 35:25

Ka narane tuare, Profet Jeremaea neke edi keha khoje diꞌanagnafa kate lehe Josia na. Funu ka narane tuare, naiknore koje khoje igne kate diꞌanagnafa mare ka Josia na. Eghuteuna khoje igne jateula nodi kastom khoje eghu naiknodi Israel. Mare neke rioriso soru ka nodi Buka re khoje mala diꞌanagnafa igre.

Fapea Kronikols 36:12

King igne edi glepo te diꞌa ka tathagna Lord, eghuteuna mana theome nhaꞌa faparini thegna ka profet Jeremaea, mae ihei te toutonuni chekegna Lord ka mana igne.

Esra 1:1

Ka finogha ululahu King Saeras gna Pesia te funei fruni Babilonia igne, king neke uluni namono biꞌo Babilonia. Lord ne loku ka nagnafagna king igne mala eni kaisei vetula. Nogna sekretri mana re ne rioriso soru vetula igne, eghuteuna mana ne fateitei nonomho igne heva heva ka vido te gnafa te funei frunidi mana igre, mala iu'iju soru ka naiknore. Lord neke eni igne, mala thoke mei tutuani chekegna Lord teke chekeni Profet Jeremaea igne:

Profet Isaia 10:30

Ghotilo naiknomi Galim ra, ghotilo eha fabiꞌo! Ghotilo naiknomi Laisa ra, fanomho mei khulimi are! Ghotilo naiknomi Anatot ra, kokhoni ghami fara!

Profet Jeremaea 29:27

Gognarona mae Jeremaea maegna Anatot igne loku jateula kaisei mae profet eghu. Eghume, naugna unha sagho te theome lokini mana gnea?

Profet Daniel 9:2

Ka finogha ululahu te king mae Darius igne, iara ne hironi chekegna God na ka Buka Blahi na. Ka igne iara ne ghathoni kaisei nogna cheke Lord teke cheke mana ka profet Jeremaea. Mana neke cheke eigna namono biꞌo Jerusalem teke groꞌe ka mae naoka ra. Eghuteuna namono biꞌo igne ginauna theome tangomana na teke babana fapulo na ghilei thokeni fitu salei finogha.

Esra 2:23

Anatot: 128.

Profet Jeremaea 30:1

Igre cheke te chekedi Lord ka mae Jeremaea re.

Profet Jeremaea 37:12

Mae Jeremaea jaola ne jifla Jerusalem ne tei ka nohi Benjamin mala tei filoni vido glose te khotogna mana ka nogna vike na.